Matthew 27:4 - ASII LAKDAP Bible (BSI) Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto. Hawa Naga Bible 2001 “Ngaz rueq mvrax lvp muq miq washiz kuex tvthueyc tvkoc tvshuk kuq gay tauk ningkhvnc nuex mvrax lvp tauk!” ngoz tueq. Tsuinghez rueq, “Vruex kuex nuiyshiq muex yvmx lac seng yaq nguinx? Kvruex kuex m-yauk shuimc rvtueq!” ngoz kuq tueq. Muklom Etho piq aa batta, “Nga aja ang moq miq tha tikwat ma thalo eq ngarey som táng.” Ning aa batta, “Í ma chamlang aa, nang aa hun sam u.” |
Ümtiikiiwa Elija raq apaiq bomchong kra lottaq, Ahab raq adü na asam khea kra chaibaiqto. Raüta adü wa chhutbaiqto. Raüta wunthaü riinaü khea she samto. Apaiq raq dung min phaqsiq mak she riito. Raüta rawa niimin wunthaü riinaü khea kra sam raütli konto. Raüta munjuk mijuk athea phi na tapkhu wali she tsaiji tran raüli she sito.
Kiimaq akhek pinthum ka apaiq raq mungmaiqse setu sepii pahea tsat baiq wantaq kriikha na riito. Tatiwe raq Manase mra ka diikuq lot mak she riito.
Namshiq riika maiqmii raq jamlai wa sap man; kriika arot akiq bom maq tiinyea jut lantea chongtlan; namshiq ka maiq thatsi tiihea kuq tsü mak taktotbi ikha.
tsangshiq raq sepiiti thun tiidea ma thiikho thutlo raüta maiqsangtibi ma kha tiiho raüta tsangshiq ka phaqsi na tiikibaiqtlo.
Kra rawa liipan niili hokhamwe raq Mosheq nai Aron ka tiiheakito. Raüta akha nguto, “Tiibin ronglaq! Namnai nai namnok Israilnok ka! Ara imung ara baiqthütlo ronglaq. Lanta kironglaq. Kiimaq namshiq raq jamkhii shomnoqkai wa lung wiitlan, Tatiwe ka shomnoq ki rongkiq.
Kiijiishe hokhamwe raq Mosheq nai Aron ka tiiheakito. Raüta nguto, “Ümchaü lak na ngi raq ngarai tangkang; Tatiwe ka riikhaqli dea. Isenginok nai ngi dea ashut.
Ümniika maiqshaq riihaüla, maiq raq mishom ra. Shatmaq maiqjiq jahaüla, maiq raq mishummii.
Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”
Kra kha niishe, tsangshiq raq, “O Tatiwe lei, naishiq ka arwe miisaq ningkhan na naq tiisumkiq. Naishiq ma mra ahü tiijai kha naqnyankiq. Tatiwe lei, ümniiraq ümkhiiwa misham haü krai mren shamlaq,” nguta achu jaüto.
Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.
Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.
Kiijiishe, Pilat raq, “Riita apaiq raq jamlai mat atsa wa tangta? Ngi raq apaiq dü na, apaiq miisaq tiithumli chang khü akha jam min chhi mang, ahü! Ngi raq apaiq ka chunpo-nyam chongwai maq ninta tiitsat latli mitiidong baiq ha?” nguta tiithongtsam she hali tsangshiq ma chongkuq nongto.
Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.
Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.
Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.
Kiimaq tsangshiq raq apaiq lang tiipit li chang kha ka, apaiq dü na chhi mak li jiimin, apaiq ka tsea baiq wan raa dongdii nguta Pilat ma shiichut raüta, tiitsat baiqto.
Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.
Arka joksaü liiqse shrabi raq, tsangshiq traho bom chongke lümaq mitiinyam wan. Tsangshiq tsantsii ka thawe lamphan na arap baiqho wishe. Tsangshiq ka ngarai kharü mong niishe sitlo.
Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.
Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.
Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.
Nashiq ka Kain ikha siwan ka raa mak she. Apaiq ka aphaji miiphü Abi we kra ngam napti we dongdii. Kriikha miitiina, apaiq raq achhüthiq ano shaq, Abel ka tsat baiqtaq. Kain raq ano ka jamkhano tsat ta? Kain raq ano Abel tsattaq kriika, apaiq jaqsham ka ashut, ano jaqsham ka tingting. Kriikha maq, apaiq makshu tsi ninlot mak kha maq, ano ka tsat baiqto.
Mangjong maiqse ka, ara tsangnai tsaitaq ara ningkhan kai michochi siq. Tsangshiq liipan na khoqriiq shishiiq poi miklo. Jamkhano ngukla, ara shammi anai raq mangjong maiqse ma chamchao jonghea tiisaüto.
“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.
Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”
Apaiq raq Goliath tsattaq akhing na, atsai ma kham raüta khatto. Krai mren, Tatiwe raq Israilnok miitu rekhat jonghea tangkuqto. Kra chhilaüta ümniika pinthum khoqriiq laü. Riita, ikhla, ümchaü ümniiraq maiqsangwe khuthaq na jam nguto ashut klo dan tlaü kiimaq Dawit ka khühü lamhü na atseabaiq tantlaü?”