Matthew 27:19 - ASII LAKDAP Bible (BSI)

¹⁹ Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Hawa Naga Bible 2001

¹⁹ Pilat kuex khac phoc juing nuex ngaungc yaq baunglaung vtaungx nyuiuz rueq miq washiz tvkaz vtueq bomjungc tvjungx kaz tueq kuex: “Miqtsuing miqrux waz kuex yvmx muinz nauk ruez kaz, yvmx khoc lac ngoz ruiux lec vpiq ningkhvnc nuex m-wvrx raungwvrx ngvy maung maq kuilc daz paunghvlc rvhumc tauk,” ngoz tueq.

Muklom

¹⁹ Pilate khaphung tong ching na tong atho, uhimteynu aa piq ma raaq thabat ta, “Nang aa ira miq qhal wa ma chamtho nak tashit u, chammatakoi nga thaney aa imáng na piq rangma rapney tsamnang táng.”

Matthew 27:19 Referencias Cruzadas

RAPHA HIQWA LAK 31:11

Shiikeawe rase raq ngi ma rawa ma maq akha chong kuqto, ‘Jakob!’ nguta nguto. Kiijaq ngi raq ‘Ngi arjaq lii,’ nguta trekang.

RAPHA HIQWA LAK 31:24

Kra rawa na rawa ma maq Shiikeawe ka Laban phana kito. Raüta akha nguto, “Tsii lam shat riiliijo. Jakob ka moshkeng leng naq shiikeng kiqjo.”

RAPHA HIQWA LAK 31:29

Ngi raq ümdü na ijaq maq mimiiq lot ha. Shatmaq ümwa rawa ümwe Shiikeawe raq ngi ma ümniika shiikeng raa mak nguta atiiwin riito.

TAKSU LAK 29:1

Jurwa tsii chongkuq kla, ja-ngiim wan wan riitlaq; kriiti ka tiihanghiiq miili she, jai na liikai chang ahü, mithen wan.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 2:19

Herod tsaijai she, Tatiwe rase raq Joseph ma rawa ma maq Ejip mung na kiraüta akha chongkuq kito,

Matthew 2:22

Shatmaq, Joseph raq Arkelas ka awe Herod changkhü na Judia wang thaq na hokham jatlo nguta tsütsa ka taito. Kra tai raüta apaiq ka Judia wang siwa nong miika ahai riito. Kiimaq Shiikeawe raq apaiq ma rawa ma maq tsii ka samheawiq hali chongkuq nongto. Krai mren, nono nai nyung ka shea wan raüta apaiq ka Gelili wang na wawanto.

Matthew 27:18

Pilat raq ara bom waiwantaq arka, Jehudinok welabi raq, tsangshiq makshu tsi ninlot mak kha maq, Jesuq ka lap raüta apaiq rung na shokto nguta asap. Kriikha maq, apaiq raq tsangshiq ma ara bomtsi waito.

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

Luke 23:41

Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

John 19:13

Pilat raq kra bom ka tai raütiishe, Jesuq ka kinphai na tiisheaho nongto. Raüta, apaiq ka phowe ngachang, “Longkaü damsii” ngutlaq kiijiishe ngato. (Hibru bom maq kra mang ka “Gabbatha” ngutlo.)

Acts 12:21

Krai mren, jipi jihea ranaiqshi akhing tiihongto. Raüta, kra ranaiq akhing na Herod ka hokham miirii sam raüta, hokham ngacho na ngato. Raüta, mungmaiqse ma trahokuqto.

Acts 18:12

Arjai maq, Roman Hokham we raq Gallio ka Akaia wang na wanghupti we ma shongto. Kra akhing niishe Jehudinok ka adam na kiq ri raüta, Paul ka long wanto. Raüta, wanghuptiwe rung na shea wanto.

Acts 18:16

Kra bom kuqtaq krai mren she, apaiq raq tsangshiq ka apaiq rung wa phenlanok ma tiijo baiqto.

Acts 18:17

Kra riikiitiishe, tsangshiq tarü raq sinagok wa maiqla we Sosthenes ka rangho raüta, wanghupti we rung jamkea maq ninta she tsatto. Shatmaq, Gallio riika akhiismin brorii mak li she riito.

Acts 25:10

Kiijiishe, Paul raq treto, “Ngi arka Roman Hokham we Rung na chap tiikang. Kra rung kiijiitiq i kha ara pho chang. Ara jamkhano ngutiikang ngukla, ngi raq Jehudinok ma jamlai min shutphit mang dea. Arka ümniiriimin asap haü.

Acts 25:17

Krai mren, tsangshiq ka ajaq ngi phana kha riiphokai kito. Raüta ngi raq tsangshiq saüjai maq anap miili she rung na ngalata Paul ka rung na tiichap kang.

Acts 25:6

Phestas ka Jerusalem na ra tiichat sha raroqshi tin wa hali haithü nong raüta, Sisiria niishe jangho nongto. Raüta anap ranaiq miili she, apaiq ka rung na nga raüta, Paul ka tiishea wa miitu phenlabi ma aming kuqto.

1 Peter 2:22

Apaiq raq jamphan ngarai min tang mak dea. Apaiq raq jam min arot akiq poshi min bom mak dea.

1 John 2:1

I setiim lei, ngi raq ara namshiq ma waiq tiikang. Arka namshiq ngarai na dea man chang miitu waiq tiikang. Shatmaq ashi ra ka ngarai na chhan wa raüla, nashiq kha phoketi we weshi asi. Nashiq kha phoketi we ka tingting phowe Jesuq Khristo, Awe Shiikeawe man na nga raüta nashiq kha phokuq tlo.