Matthew 27:19 - Muklom

¹⁹ Pilate khaphung tong ching na tong atho, uhimteynu aa piq ma raaq thabat ta, “Nang aa ira miq qhal wa ma chamtho nak tashit u, chammatakoi nga thaney aa imáng na piq rangma rapney tsamnang táng.”

ASII LAKDAP Bible (BSI)

¹⁹ Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Hawa Naga Bible 2001

¹⁹ Pilat kuex khac phoc juing nuex ngaungc yaq baunglaung vtaungx nyuiuz rueq miq washiz tvkaz vtueq bomjungc tvjungx kaz tueq kuex: “Miqtsuing miqrux waz kuex yvmx muinz nauk ruez kaz, yvmx khoc lac ngoz ruiux lec vpiq ningkhvnc nuex m-wvrx raungwvrx ngvy maung maq kuilc daz paunghvlc rvhumc tauk,” ngoz tueq.

Matthew 27:19 Referencias Cruzadas

Matthew 1:20

Piq ethimal tathin tak kam tho, Teyhungwa rangkamwa they piq máng tho piq ma batta, “David phi aa lí Joseph, Mary sha rikma nang nak cho u, chammatakoi Asang Tsija wang piq aa wok mong o sa taholta.

Matthew 2:19

Herod lungwang tik jio, Teyhungwa rangkamwa Egypt na Joseph máng o thu eq batta,

Matthew 2:22

Etharin Herod miqwasa Archelaus tha Judea lungwang angta ta, Joseph aa tatta. Eshirangma piq eshináng kat ma ucho angta. Etho piq máng na khita thimal, Galilee mung náng kata.

Matthew 27:18

Chammatakoi piq aa sam eq ta, ning aa Jesu raa miiksuk eq thalo ta.

Matthew 27:24

Pilate aa raaq jin kara moq ta khita etho miqtang rapney ring rak wang ta. Ethirangma piq aa ujak tha jung som eq miqtang thim sho qhol eq batta, “Iri miq tikwat tey nga ang mong, nim aa hun som inn.”

Matthew 27:4

Etho piq aa batta, “Nga aja ang moq miq tha tikwat ma thalo eq ngarey som táng.” Ning aa batta, “Í ma chamlang aa, nang aa hun sam u.”

Luke 23:41

Hiqni aa tsamnang kap i chammatakoi hiq aa ira kap eq ching rol, etharin piq aa chamtho jashit somlo moq angta.”

Luke 23:47

Ralkoltey tang solwa aa ira khi eq Shkewa tha tasapsey ta, “Asing hun piq ashey khakla miqwa angta!”

John 19:13

Iri raaq raa tat atho, Pilate aa Jesu tha ran náng solkat ta etho longdàm katang khaphung tongching na tong ta. Longdàm shima Hebrew raaq na Gabbatha ta raaq aa.

Acts 12:21

Utal saal tho Herod aa piq lungwang khat sam eq lungwang tongching na tong ta etho miqtang ma raaq batta.

Acts 18:12

Baluk o Gallio sha Achaia haq ma Rome governor angta tho eshiwang Jehudi tang thajoq eq Paul tha khim eq khaphung him náng solkat ta.

Acts 18:16

Etho piq aa ning tha khaphung him wang phanchak ta.

Acts 18:17

Thaji miqtang kara eq, synagogue solwa Sosthenes tha lo eq khaphung him relna watta. Etharin Gallio tin tha jin kaley moq angta.

Acts 25:10

Paul aa batta, “Nga ajong lungwang khaphung khok na lang ang etho i khaphung sha iri na hun ang ching. Nang atho usam eq u nga Jehudi tang jamoq cham jashit som mong angtáng.

Acts 25:17

Ning iri náng thuta pha tho, nga rangham tachuwang hunga saal dak o eshi miq tha khaphung khok náng sol kat ma raaqkhat kotáng.

Acts 25:6

Festus aa saal ashat tia saal asi eshina ning jamoq tong ta etho Caesarea náng kata. Saal dak o piq khaphung khok na tong ta etho Paul solkat ma raaqkhat kot ta.

1 Peter 2:22

Piq aa ngarey som moq angta, etho piq aa nung wang baluk otho huqbat moq angta.

1 John 2:1

Isa tang, nim aa ngarey nak somlo inn ta nga ira nim ma wit phang; etharin chamtey ngarey som ajo, Jesu Khristo bara Asing miq, piq aa hiqtang rangma Uwa ching wang tolchak chu aa.