TAKSU LAK 12:8 - ASII LAKDAP Bible (BSI)

⁸ Ümniika maiqshaq riihaüla, maiq raq mishom ra. Shatmaq maiqjiq jahaüla, maiq raq mishummii.

Hawa Naga Bible 2001

⁸ Mnoz vtuiuz tharc vhttax waz ngoz ruiux kuex tvtsvmc kvmc rvhumc tuiux; mnoz miqyaq ngoz ruiux kuex miq rueq mhtauk nuex vlawc tvruinc kv-phux.

TAKSU LAK 12:8 Referencias Cruzadas

RAPHA HIQWA LAK 41:39

Kiimaq hokhamwe raq Joseph ma nguto, “Shiikeawe raq ümniima arthun ara tiichhikuqto. Krai mren ümniika nanok ahinti thaq na taksu tsii kiimaq taksu phaqchi apa lin asap haü.

Tvtsvmc 132:18

Ngi raq ajaqtibi ma jea mitiingaüha, shatmaq apaiq mungtan ka jong wan ruqli mijong wan.”

TAKSU LAK 1:26

Krai mren ümtiikiiwa, ümniika chamchao mong na midea wa haü, ngi riimin anai li she mirsiq ha. Ümniika phiiptsi jiiptsi chamchao wan haü la, ngi raq ümniika aslai li she mirha.

TAKSU LAK 12:7

Abi kiimungti ka maiqmiili thentlo, Raüta chongthum jakitlo. Shatmaq kechu maiqse jamkun ka, saütam serü pattup sitlo.

TAKSU LAK 12:9

Aki miikiim ikha phephiiq raüta, ajam na wudaiq dashi ahü, kra nam miikhoti, wepuq wese jiimin minshiiq raüta, wok phetaktak siriiwe ka ahea.

TAKSU LAK 29:27

Kechu maiqse raq abi maiqse saisitlo; kiimaq abi maiqse raq, kechu maiqse saisitlo.

TAKSU LAK 3:35

Taksu maiqse riika, shreng manto milap. Shatmaq angi nolati riika, shummii thoda kli mihophaq.

TAKSU LAK 5:23

Apaiq stiq skhaq simak kha na, apaiq tsailam riihum tlo. Apaiq ngok ngirai tlaq kra riili, apaiq ka maakho na sheahotlo.

THARC TVLUINGC 8:1

Taksu maiqse riili phanrap liichum ka, riikhaqli taktlo. Taksu maiqse kha maq apaiq ka anai li riitlo; phanrap chapa chang akhing niimin, apaiq ka anai lam miili phanrap atang riiwantlo.

ISAIA 19:14

Tati raq tsangshiq ma maiqtsii tiipheng baiq chang danhon kuqto. Kra ningkhan tiina Ejip mung raq phanrap lam phan na ajiq siisaqli toqtantlaq kra. Raüta tsangshiq ka cheropwe che raq chokrai raüta, apaiq phai thaq niili küliiraitlaq ikha sitlo.

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

Luke 16:8

“Ara jaqtsak chere we khonglaq arka, atijong we raq chhi raüta, ashom rarea li she riito. Ara jamkhano shomrata ngukla, ara mangjong hiq na mangjong maiqse ngutlaq kriika, rawii maiqsetiim sitlaq, kra thaq na, tsangshiq ka mangjong hiq rilung lamphan niika, asap atsin wiq khonglaq hea siisaq sitlo.”

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.

1 Corinthians 4:5

Ara chongtiikang arkha na, Shiikeawe raq atiihong rahiq kra misaü shaq na, namshiq raq maiq ka ajiq alam nguta naq sairan rongkiq. Phangthum Khapho miika Tatiwe saükai kra khechang dongdii. Apaiq riishetiq ranyaq jaqsham kaiwa thun kra linhokhok raüta mitiichhi kuq. Kiimaq maiqse raq ajiq tiima tsantsii apaü ashan raüta rüm wantaq thun kra wiita she mitiichhi kuq. Kra akhing niishetiq Shiikeawe raq maiq khumtek ma tsangshiq raq jaqsham wantaq kra khankhan she mishom ra.

2 Corinthians 10:18

Ara jamkhano chongtiikai ngukla, Tatiwe raq arka ahea dea shamto nguta tiima tlaq we, kriili, riikhaqli minshiiqti we ma mija. Maiqmii tsan na, ahea dea sham tiikang nguta atiima kriika, Shiikeawe maklii na hongwa mak miraq.

1 SAMUEL 13:13

Kiijiishe Samuel raq, “Ümniiraq ashut pinthum klo laü,” nguta treto. “Ümniiraq, Tatiwe üm Shiikeawe raq akuq aming lang maüdea riilaü. Ümniiraq aming ka lang haüjaq, apaiq raq ümniima nai ümsaü ümsetiim ma pattup pat-sa miitu Israil mung ka mitlang wan chang wa.

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”

1 SAMUEL 18:30

Riita, Philistainnok phenlabi ka walili raüta, Israilnok ka khat wa lili riitlo. Shatmaq rekhat akhingtek na, Saul sengibi phong wa siihiipbi ahinti thaq na Dawit ka rekhattek apapa tang wan wan li riito. Kriikha na Dawit mang ka ajong pinthum she jong wanto.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.

1 SAMUEL 25:17

Riita, ara bomtsi ara atsi dada maq samhea shiwea laq. Laüta jamlai klo raü jiiwa ahea miraq kra jaqlo klo laq. Riimak jiila, naitijongwe ma kiimaq ajamtitiim ma haisi rasong chang jonghea misi. Apaiq ka atsii ahü, maiqbi ngikhi, maiq rai ritsiti riimak!”