DUNGWVNC 12:31 - ASII LAKDAP Bible (BSI)

³¹ Kra rawa liipan niili hokhamwe raq Mosheq nai Aron ka tiiheakito. Raüta akha nguto, “Tiibin ronglaq! Namnai nai namnok Israilnok ka! Ara imung ara baiqthütlo ronglaq. Lanta kironglaq. Kiimaq namshiq raq jamkhii shomnoqkai wa lung wiitlan, Tatiwe ka shomnoq ki rongkiq.

Hawa Naga Bible 2001

³¹ Kvruex raungwvrx dvyx hokhvmx waz rueq Moshe nuiyc Arun kuex gvl vtueq, “Kaz kuinz, mnoz nuiyc nuimshiq Israel miqsaz htenc! Ngvy mungtan maq kaz wvnc vtueq; nuimnueyc rueq thoz phuinx rulc rv-ngvlc Yehowa muex nawk palx kay ngoz tuit kuex kaz kuinz.

DUNGWVNC 12:31 Referencias Cruzadas

Tvtsvmc 105:38

Ejipnok ka tsangshiq ma phiiptsi rakrak riito kiimaq tsangshiq laüwankiita chochito.

DUNGWVNC 10:29

“Riikhaqli ngutlaü!” nguta Mosheq raq treto. “Ümniiraq isham ka ümtiikiimin chhi maü she.”

DUNGWVNC 10:9

Kiijiishe Mosheq raq treto, “Naishiq wiitarü mikihohai. Naisetiim nosere thun kiimaq nyungwere thun kunli hutjok. Naishiq raq naisetiim maiqwe sere kiimaq jechaksere thun, kiimaq naishiq skukong, kiimaq chhechhi kong, kiimaq naishiq minsaü kong thun wiita. Jamkhano ngukla naishiq raq Tatiwe shreng poi jonghea klo chang.”

DUNGWVNC 11:1

Kiijiishe Tatiwe raq Mosheq ma nguto, “Ngi raq Ejip mung hokhamwe nai asenginok ma imo jangshi li she mitiihoha. Kriijai miitiq apaiq raq namshiq ka mitiiwa. Tengteng, apaiq raq namshiq wiitarü ka arwa ajo mirbaiq.

DUNGWVNC 11:8

Raüta Mosheq raq bom ka akhiishe tiisupto, “Ümsengi ajong alabi thun ka ijichong na waraüta hiq na bum raüta ngi minoq wa. Kiimaq tsangshiq raq ngi nangnga inok ita phan tlotli ka tsuq wantlo laq nguta mitiipaiq nea wa. Kra jai miishetiq ngi ka miwa wanha.” Kiijiishe Mosheq ka akhiq khiqshii miishe hokhamwe khaki wa wanto.

DUNGWVNC 12:39

Tsangshiq raq lamsea ka Ejip mung wa ahowan wongwinda kham maq nyiimje kra wa lum raüta phaqto. Jamkhano ngukla tsangshiq ka Ejip mung raq tiidong chhaq miili jobaiqto. Kra ningkhan tsangshiq raq tsangshiq lamsea ka tiije lap mak dea riito, riimakla pi maq sho raüta tiija lapmak dea riito.

DUNGWVNC 6:1

Kiijiishe Tatiwe raq Mosheq ma nguto, “Ümchaü Ngi raq hokhamwe khuthaq na jamlai jaq wa mishamha kriishe ümniiraq michhi haü. Ngi raq apaiq ka shiitep lata isenginok ka mitiiwa baiqha. Atiiwa baiq siika jawa michong. Ngi raq apaiq ka tiichop lata isenginok ka amungtan wa atiijo mirbaiqha.”

DUNGWVNC 8:25

Kiijiishe hokhamwe raq Mosheq nai Aron ka tiiheakito. Raüta nguto, “Kironglaq. Lanta namshiq Shiikeawe ma armung arjaq honglu thun ka takuqki rongkiq.”

DUNGWVNC 8:8

Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”

1 SAMUEL 6:6

Namshiq ka Ejip mung hokhamwe nai asenginok wanshakshak tsiitaq ikha, jaram tsin rai wea? Tsangshiq raq Israilnok ka Ejip mung wa mitiiwa baiq shaq wiiwii, Shiikeawe raq tsangshiq ka anginok tiijataq kra namshiq raq naq laq rongkiq.