DUNGWVNC 12:31 - Hawa Naga Bible 2001

³¹ Kvruex raungwvrx dvyx hokhvmx waz rueq Moshe nuiyc Arun kuex gvl vtueq, “Kaz kuinz, mnoz nuiyc nuimshiq Israel miqsaz htenc! Ngvy mungtan maq kaz wvnc vtueq; nuimnueyc rueq thoz phuinx rulc rv-ngvlc Yehowa muex nawk palx kay ngoz tuit kuex kaz kuinz.

ASII LAKDAP Bible (BSI)

³¹ Kra rawa liipan niili hokhamwe raq Mosheq nai Aron ka tiiheakito. Raüta akha nguto, “Tiibin ronglaq! Namnai nai namnok Israilnok ka! Ara imung ara baiqthütlo ronglaq. Lanta kironglaq. Kiimaq namshiq raq jamkhii shomnoqkai wa lung wiitlan, Tatiwe ka shomnoq ki rongkiq.

DUNGWVNC 12:31 Referencias Cruzadas

Tvtsvmc 105:38

Ejip miqsaz htenc muinz tsuingshiq muex hiyaz wuez tueq, tsuingshiq dung kaz wvnc koq tueq kokez wuez tueq.

DUNGWVNC 10:29

Moshe rueq, “Mnoz rueq jungx vshuiux kvkhoc doc. Mnoz rueq mkaq muinz ngaz kuex khiz yek phux rvmuq shex,” ngoz tueq tvralc tueq.

DUNGWVNC 10:9

Moshe rueq, “Nyuiuz waz, nosaz nuiyshiq lotlaz kaz tix. Nuiyshiq suiuz vsaz htenc, khelbuenx nuiyc khelx htenc manx htenc lotlaz shvlc lvy juing, yvmx khoc lac ngoz ruiux lec Yehowa muex tvtsanc nganc moalx moalx kay ningkhvnc nuex rvtueq,” ngoz tueq jungx tueq.

DUNGWVNC 11:1

Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.

DUNGWVNC 11:8

Moshe rueq bomc tvsuip jungx tueq kuex, “Mmiq vyungx vlaungx bix lotlaz ngaz kox nuex kaz vtueq, ngvy max nuex bumx vtueq nawk ruiux, ngvy miq htenc kuex shvlx laq vtueq kaz wvnc kuinz ngoz tueq tsuinghez rueq kvmenc jenc thoz kv-phuinx. Kvruex yimaq jix ngaz kaz wvnc taungx,” ngoz tueq jungx tueq. Kvkaq Moshe kuex hokhvmx waz kox maq thuinz tvkhaq vtueq dung kaz tueq.

DUNGWVNC 12:39

Tsuinghez rueq Ejip mungx wawc wungwanx vhttuingx vlvmz laq kuex wisiz lomx muq wansawx lumc wuez tueq, yvmx khoc lac ngoz ruiux lec tsuingshiq kuex Ejip mungx maq vhuingc rvhek laz dvyx yurc gay rvhumc ningkhvnc nuex, tsuingshiq rueq phuiuz vsvy tvyoalc lvp muq rvtueq.

DUNGWVNC 6:1

Kvkaq Yehowa rueq Moshe muex ngoc, “Hokhvmx waz kuex ngaz rueq yvmx khoc lac ruez shaungx mnoz rueq khiz shuiux. Ngaz rueq ngvy miqsaz htenc tvkay tvkoc piq kuex shvkeng shaungx. Vsuingc suing tsuingshiq kuex piq mungtan wawc yurc gay laz juing ngaz rueq piq kuex ruez shaungx,” ngoz tueq jungx tueq.

DUNGWVNC 8:25

Kvruex yimaq hokhvmx waz rueq Moshe nuiyc Arun kuex gvl vtueq, “Nuimshiq kaz vtueq vruex mungtan vmaq nuimshiq Tishox muex shomc nawk kuy shomc kuq wuez shuinz,” ngoz tueq jungx tueq.

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

1 SAMUEL 6:6

Ejip hokhvmx waz nuiyc Ejip miqsaz htenc ikhoc nuimshiq rueq yvmx ngoz tueq lac khux tvtsanz wuez laq shuinx? Ejip mungx wawc Israel miqsaz htenc kuex tsuingshiq rueq tvkaz gay tueq nuex httuiuc laz Tishox rueq tsuingshiq muex yvmx khoc lac murx tvgurc wvnc tvnx kuex nuimshiq rueq nauk lauk wuez kaz.