Matthew 27:4 - Hawa Naga Bible 2001

⁴ “Ngaz rueq mvrax lvp muq miq washiz kuex tvthueyc tvkoc tvshuk kuq gay tauk ningkhvnc nuex mvrax lvp tauk!” ngoz tueq. Tsuinghez rueq, “Vruex kuex nuiyshiq muex yvmx lac seng yaq nguinx? Kvruex kuex m-yauk shuimc rvtueq!” ngoz kuq tueq.

ASII LAKDAP Bible (BSI)

⁴ Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

Muklom

⁴ Etho piq aa batta, “Nga aja ang moq miq tha tikwat ma thalo eq ngarey som táng.” Ning aa batta, “Í ma chamlang aa, nang aa hun sam u.”

Matthew 27:4 Referencias Cruzadas

1 HOKHVMX 21:27

Eliya rueq jungphvnc lot yix, Ahab kuex piq khoz vkhvy htenc juir vtueq put gay ruiux ruiyhec khvy kuex svmx tueq. Phuiuz vsvy phauk saq muq maq ruiyhec khvy htauk nuex woalc tueq, thuinz htumx vtueq bvrutuz khuemx tueq.

YOBA 13:4

Nuimshiq rueq vrot vkaq kvjaz htenc nuiyc nuimshiq tharc guez lvmz kuex puingc taq vshuinx; nuimshiq kuex ukhaq muinz tvhvlc laz phemc kuq lot muq dokta bix ikhoc yaungx vtuinx.

Tvtsvmc 94:21

Tsuingshiq rueq miq hvlx jix htenc kuex layx bac kvmungx ruiux, mvrax kop muq miqsaz htenc muex vthueyc murx kuq yaq.

DUNGWVNC 12:31

Kvruex raungwvrx dvyx hokhvmx waz rueq Moshe nuiyc Arun kuex gvl vtueq, “Kaz kuinz, mnoz nuiyc nuimshiq Israel miqsaz htenc! Ngvy mungtan maq kaz wvnc vtueq; nuimnueyc rueq thoz phuinx rulc rv-ngvlc Yehowa muex nawk palx kay ngoz tuit kuex kaz kuinz.

DUNGWVNC 9:27

Hokhvmx waz rueq miq tvkaz vtueq Moshe nuiyc Arun kuex tvgvl kaz tueq, “Majuiuc lauk kuex ngvy mvrax rvtueq; Yehowa kuex vlvmx, ngvy miq htenc nuiyc ngaz kuex yaq tiq.

TAKSU LAK 12:8

Mnoz vtuiuz tharc vhttax waz ngoz ruiux kuex tvtsvmc kvmc rvhumc tuiux; mnoz miqyaq ngoz ruiux kuex miq rueq mhtauk nuex vlawc tvruinc kv-phux.

JEREMIA 26:15

Yuq muinz vruex vhvlx waq tuiuz shec shuinz: mkhoc shoc maq nuimhez rueq ngaz thvt ruiux yuq, nuimhez nuiyc vruex ghaqyungx wuinz rueq mvrax lvp shuinx, yvmx khoc lac ngoz ruiux lec vruex lvmz honc tvsvmz kuy tvkoc Yehowa rueq ngaz tvkaz phuex,” ngoz tueq jungx tauk.

Jona 1:14

Kvkhoc rvtueq tsuinghez rueq Yehowa muex ngoc, “O Yehowa lex, vruex waz thuiuzthuic tvpat gay ningkhvnc nuex nuiyhez muex murx nauk tvgurc vkueq! O Yehowa lex, mnoz nuex vruex yauk shuimc lotlaz tvkoc gurx pix vshuiux, kvruex kuex mnoz rueq shuimx vshuiux rvtueq,” ngoz tueq guyc sez wuez tueq.

Matthew 27:19

Pilat kuex khac phoc juing nuex ngaungc yaq baunglaung vtaungx nyuiuz rueq miq washiz tvkaz vtueq bomjungc tvjungx kaz tueq kuex: “Miqtsuing miqrux waz kuex yvmx muinz nauk ruez kaz, yvmx khoc lac ngoz ruiux lec vpiq ningkhvnc nuex m-wvrx raungwvrx ngvy maung maq kuilc daz paunghvlc rvhumc tauk,” ngoz tueq.

Matthew 27:54

Kvkaq nolaungx yungx washiz nuiyc piq rulc vdvmz Yesu bvmc jix nolaungx bix kuex gaqyung mux wvnc tueq nuiyc vganc phvnx yaungx wvnc tueq htenc kuex khiz vtueq, tsuinghez hiyaz kawc yawc wuez tueq, “Vsuing vruex waz kuex Tishox Saz doc rvtueq!” ngoz tueq.

Luke 23:22

Kvruex kaq Pilat rueq tsuingshiq muex lauk thuimx ngoc yaungc jungx tueq kuex, “Vpiq kuex yvmx mvrax lac yaq gay tvnx? Vpiq kuex vthueyc aungx yaq mvrax ngaz rueq khiz mauk! Kvkhoc rvtueq murx tvgurc tvtharc ruiux tvdung gay shaungx,” ngoz tueq.

Luke 23:41

Naungnueyc kuex miqmac yaq wvnc tiq mvrax rulc rv-ngvlc rvhumc vtix, yuq muinz vruex waz kuex yvmx mvrax muinz yaq muq doc,” ngoz tueq httonx vtueq tvralc tueq.

Luke 23:47

Vkhoc yaungx wvnc tueq lvmx kuex nolaungx yungx waz rueq khiz vtueq, “Vruex waz kuex vsuing miq hvlx waz doc rvtueq,” ngoz tueq Tishox muex tvtsvmc kvmc tueq.

John 19:7

Nuk miqsaz htenc rueq, “Kvruex waz kuex vpiq pumz ngoc Tishox Saz ngoz tueq kv-ngoc ningkhvnc nuex vthueyc aungx yaq ngoz tueq nuiyshiq tvrac nuex jungx shec tueq,” ngoz tueq tvralc wuez tueq.

Acts 13:28

Kvkhoc vthueyc juing mvrax yvmx muinz khiz muq, yuq muinz vpiq kuex vthvy gay tvkoc Pilat yauk wawc thoz tueq.

Romans 3:19

Tvrac nuex httax yaq vnvrc lvmx phvnx ruip saz kuex Tvrac rueq khung nuex httaz jix htenc tvkoc rvtueq kuex, majuiuc naungshiq rueq tuiuz vshix, kvkhoc yaungx wvnc tueq lvmz kuex miq nuix lotlaz tvthauk tvkoc nuiyc miq lotlaz kuex Tishox rueq phox shuex kvyuq tvrvhumc tvkoc rvtueq.

1 Timothy 4:2

Yanx kalc maq tep gay rvhumc yaq ikhoc miqmac nuex mvy yaq mvy muq tvrv-phvlc yaq vhvlx vbac thvl httauk thuinz htenc vthueyc kay wuez vrot vkaq jix htenc rueq kvkhoc tvluingc jungphvnc lvmz htenc kuex tv-nyvmc tvpanc gay tueq.

Titus 1:16

Tsuingshiq rueq Tishox kuex tuiuz vshix ngoz tueq kvjungc ruiux muinz tsuingshiq honc vyaungc rueq tvkhic muq. Tsuingshiq kuex miqsuirc vsac raz tueq vlawc roc juing hez rvmuq, vhvlx phvnx yauk shuimc phvnx shishiz shuimc kay tvkoc aungx muq jix htenc rvtueq.

Hebrews 7:26

Kvkhoc rvtueq Yesu kuex naungshiq rulc hungx htaungx yaq Shomc Wayungx rvtueq. Vpiq kuex sawc hvlc rvtueq; vpiq nuex vyaq nuiyc mvrax yvmx muinz vguez, vpiq kuex mvrax vhttax jix rulc tvlomx muq maq tv-phvlc vtueq raungmungx nuex httuiuc laz tvtsvmc kvmc rvhumc tueq.

1 Peter 1:19

vmac vtsac vguez khelbuenx saz rulc rv-ngvlc yaq Christu thuiuzthuic kuex shomc nawk kuy gay tueq.

1 John 3:12

Naungshiq kuex Kain ikhoc yaungc mvy muq; piq kuex Htaungc kox wawc miq yaungx vtueq vnox Abel kuex thvt gay tueq. Kain rueq vnox kuex yvmx ngoz tueq lac thvt gay tvnx? Piq rueq shuimx yaq yauk shuimc kuex vyaq, vnox rueq shuimx yaq kuex vlvmx khuec nuex rvtueq.

Revelation 11:10

Ghaq htauk wawc miq htenc kuex shvmmax wanueyc thueyc ningkhvnc nuex pinhtumc kokez vtueq vdvmz dvmz yauk noalc rvkuy wuez ruiux, moalx tvhungx wuez shuex, yvmx khoc lac ngoz ruiux lec shvmmax wanueyc rueq ghaq htauk nuex httax yaq miqsaz htenc muex kuilc daz tvrvhumc yaq rvtueq.

1 SAMUEL 15:24

Sholu rueq, “Rvtueq, ngaz mvrax yaq gay tauk. Ngaz kuex Yehowa rueq nvr yaq kvjaz nuiyc mnoz rueq jungphvnx kuq phux htenc kuex phvnx mauk rvtauk. Ngaz kuex ngvy miqsaz htenc muex hiz vtueq tsuinghez thuinroc tvshuimc gay tauk.

1 SAMUEL 15:30

Sholu rueq, “Ngaz mvrax yaq gay tauk. Yuq muinz ngvy miqsaz htenc muex vyungx vlaungx bix nuiyc Israel miqsaz lotlaz khaungkac nuex ngaz muex tvtsanc nganc kuy lvmz tvkhic kuq koq. Yehowa m-Tishox muex ngaz rueq nawk palx kuy tvkoc ngaz rulc vdvmz yek woz ix,” ngoz tueq tvralc jungx yek tueq.

1 SAMUEL 19:5

Piq rueq vthuiuz thuic maq khvmc vtueq Goliat kuex thvt gay tueq ningkhvnc nuex dvyx, Israel tvkoc taungx wvnc lvmz yunghvlc Yehowa rueq kuq tueq. Kvruex mnoz rueq khiz vtueq kokez wvnc toq. Kvkhoc rvyruiux yvmx muinz yaq muq, yvmx mvrax muinz kop muq Dawid kuex khuec guez nuex yvmx ngoz tueq thvy gay roc lac?” ngoz tueq jungx tueq.