1 Peter 1:19 - ASII LAKDAP Bible (BSI)

¹⁹ Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.

Hawa Naga Bible 2001

¹⁹ vmac vtsac vguez khelbuenx saz rulc rv-ngvlc yaq Christu thuiuzthuic kuex shomc nawk kuy gay tueq.

Muklom

¹⁹ Etharin Khristo thangchan tahi wang iri thalun raa kotta, piq raa jaqmoq etho ngarey ahung kelwut sa mal.

1 Peter 1:19 Referencias Cruzadas

DUNGWVNC 12:5

Namshiq raq nyamse ka skuse lo riimakla chhechhise tsea mimai. Shatmaq kriika apongse arawii wiishi akhum ka nyeajokjok phintsaqtsaq jamlai ami atsi ahü riichang.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 53:7

“Apaiq ka notshot haihü wanto, shatmaq apaiq raq kaiqshak miili nin wanto; apaiq raq bom poshi min bom mak riito. Skuranse ataa phaho ma hitho tlaq ikha, skuse abin sima hithotlaq ikha, apaiq raq bom poshi min bom mak riito.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

LEWI 1:10

Kiimaq kriiwe raq honglu na asku phong wa sku ashi lo riimakla achhechhi kong wa ashi takuqtlaq jiila, kriika apongwe kiimaq akhum nyeajokjok ami atsi jammin ahü riichang.

LEWI 22:20

Kiimaq namshiq raq nyamse ka akhum na ami atsi asi kriila takuq hanla, Tatiwe raq kra honglu ka taomak miraq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 26:28

“Arka i tiijai, Shiikeawe Tongshong kra nei chang. Maiqse pahea ngarai thun diike miitu araübaiq.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 1:36

Kra akhing na apaiq raq Jesuq ka lam na awarai chhito. Kra chhi raüta, “Liirong laq, ahata Shiikeawe Skuse!” nguta tsangnai rai riibomto.

Acts 20:28

Riita ara chongkuq tiikang arai mren, namshiq raq maiqmii wenyi khum ka tiikhup wong wan shatmaq shongnga rong laq. Kiimaq Asii Wenyi raq namshiq jaqkhong na skuse kong ümchuwa trüm tlaq, kra thun ka samhea wiq maq rümkom ronglaq. Namshiq raq tsapkapkap maq Shiikeawe phungtu kra shiikum pan ronglaq. Phungtu ka Shiikeawe Se tsaitaq kra lümaq Shiikeawe rii she nguta tiija wanto.

Romans 3:25

Shiikeawe raq apaiq ka honglu na kuqto. Kriika apaiq honglu na tsaitaq, kriikha maq jurwa apaiq ma kam tlaq, kriiti ngarai ka tsangshiq kamtsantsii thü tlaq kra lümaq diike miitu she tsaito. Shiikeawe raq ara tiichhii wan lam tankuq wantaq arka, apaiq raq maiqse ka apaiq rai jamkhiiwa wehea ma tiija wan tlaq, kra tiichhikuq tlo.

Ephesians 1:7

Jesuq Khristo tsaitaq kra lümaq, nashiq ka thawe kharü mong wa daa wanto she. Ümchaü sanha nashiq ngarai ka diikuqto she. Nashiq ka wasetiim miishe tiija wanto. Shiikeawe kaphap mangchan, nashiq ma kuqtaq arka nü maq achong lot mai jonghea.

Colossians 1:14

Apaiq pum lümaq nashiq ka ngarai jaqkhon mong wa daa wanto she. Raüta nashiq ngarai thun wiita aroqke wan kun she.

1 Peter 1:2

Namshiq ka Shiikea Awe raq seng raüta thapthi wantaq kra phan tseatsiiq wanto. Raüta Asii Wenyi raq asii maiqsetiim miishe tiija wanto. Arka Jesuq Khristo aming wokhong na siwan miitu kiimaq apaiq tiijai maq tiisii hebaiq wan miitu tsea wanto. Kaphap kiimaq hansang ka namshiq ma asho awo misilaq.

1 Peter 3:18

Khristo ka chiisan maiqse, jam shut phit ahü we, nashiq ngarai maiqse miitu tsaito. Kriikha na, namshiq raq athuk atsom jaqsham tlan ningkhan, Jesuq chamchao wantaq kiikha namshiq min chamchao chang dongki raüka, tiijeshat maq sironglaq. Apaiq tsaitaq kra lümaq, nashiq ngarai kha ka tiithumtlii she tiisup baiqto. Raüta nashiq ngarai kha ka tiisiirai tiikhoi kuqto. Krai mren, apaiq raq nashiq ka Shiikeawe rai wehea she tiija wanto. Khristo ka tsatbaiqtaq akhing na, apaiq khum ka maiqse hanngam khum riito. Shatmaq Shiikeawe raq amaa wa tiidong wan jai she, apaiq khum ka pattup pat-sa wenyi khum she riito.

1 John 1:7

Shatmaq apaiq ka jamkho rawü na sitlaq, kiikha nashiq min rawüli na sihai jiika, nashiq liipan na riilung riiwii maq misi rong i. Kiimaq Shiikeawe Se Jesuq tiijai maq nashiq khum na phanrap ngarai sitlaq thun kra wiita mitiisii he baiq.

1 John 2:2

Khristo apaiq tiijai maq nashiq ngarai khum na nei raüta, nashiq thaq na Shiikeawe tsankhiq sitlaq kra tiishi kuqto she. Arka nashiq ngarai lamlam tiisii miituli ka riimak. Jesuq tiijai ka maiqse angu wiitarü ngarai tiisiike miitu sitlo.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

Revelation 14:1

Kiijiishe, ngi raq liinong kang. Liikangta, Skuse ka Jajon Hiqlam na chap raü chhikang. Apaiq rai maiq phong ka 144, 000 asi. Tsangshiq ka, tsangshiq khakam na apaiq mang nai Awe mang tiiwaiq jeti thun kra riito.

Revelation 14:5

Tsangshiq raq rilung na jangshi min arot akiq bom poshi min chong mak. Tsangshiq dü na ashut aphit jam min ahü siirairai.

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 5:9

Atra ngam kaütiim nai nyungwere raq Skuse ma tiitsam shi anye ashi akha shito: “Maiqshaq ka ümniili ara lakdam kom jaüti. Sil atrap phan kra tiibun laüta lakdam kom linti ka ümniili. Ümniika maiqse angu khupi ma tsat baiqto, Ümniika honglu na tsai laü. Laüta ümtiijai maq rilaü Shiikeawe miitu, maiq aphantek wa, abomtek wa, amungtek wa, kaüwatek wa.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.