1 Peter 1:18 - ASII LAKDAP Bible (BSI)

¹⁸ Jamkhano ngukla, namshiq raq asap han, namrilung ka namtitiim raq akuq thü thiihü rilung kra daa wan miitu athii kuq wantaq kra asap han. Kriika atiithen baiq chang phan kampho riimakla chaq ikha hupsam ka riimak.

Hawa Naga Bible 2001

¹⁸ Yvmx khoc lac ngoz ruiux lec nuimshiq jix vwaz pat wawc vsvmx wvnc khuec guez rullungx tvraungx lvmx honc vyaungc wawc nuimshiq kuex yvmx khoc phvnx htawz vrawz maq lac tvdung wvnc phuinx kuex nuimshiq rueq tuiuz vshuinx. Kvruex kuex vbac vtac kay phvnx kuimshawx nuiyc kuimphox maq rvmuq;

Muklom

¹⁸ Nim aa tey aa wa wang kap tin thanghung jaksom wang Shkewa nim thalun taphin ta nim aa sam eq inn. Iri tang raa hun aa cha mal ang moq bara shittik ang aa.

1 Peter 1:18 Referencias Cruzadas

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

Tvtsvmc 62:10

Riitsea riita ma naq kamkiq; thiimeaqtek laüta amet milapha nguta naqkamkiq; ümtsiiq tum thun ka mawan raü min, kriima naqlamkamkiq.

ISAIA 44:22

Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”

ISAIA 52:3

Ajong Thaq Na Ajong Pinthum Tatiwe raq asenginok ma ngutlo, “Man na namshiq maiqdi kong ma jawan lan akhing na, namshiq ma kampho kuqmak dea. Krai mren sii hali namshiq dokda wan miitu min kampho ke wan ngomin raamak.

JEREMIA 16:19

Tatiwe ümniikli ngi khup wongtiwe kiimaq ngi ma ningkun shoqketiwe. Ümniiraq ngi ka litkot chamchao ranaiq na khrum kuq tlaü. Maiqmung pahea wa maiq ka ümphana wa raüta, akha mingu, “Naititiim pat na jam min ahü shaqmii siwanto. Tsangshiq raq arot phra phongkli shomnoq wanto. Jamlai liip min ahü, shatmaq thiihü sumla phra phong kli shiili liiwanto.

JEREMIA 4:11

Jerusalemti ma rahai haike henghea maiq akhiim ka kumtsaiphii rumnyangkhi binjü wa haiwan raüta, Jerusalem nü na hai wantlo nguta chiiriim raüta chongke akhing ka saü wanto she. Kra rahai ka nintatase tsamchhii pan wan lamlamli ka riimak.

JEREMIA 44:17

Naishiq raq man na jamlai miklohai ngutiiwa chongkai, kriili miklohai. Naishiq raq naishiq phra nyungkaü, Ramungtan Hokham Nyung kriimiili honglu mitaakuqhai. Kiimaq naishiq raq apaiq ma che honglu thun kra mitiibok kuqhai. Arka naititiim riimin, naishiq hokhamwe riimin, kiimaq naishiq pengti tuwebi riimin, manniiphü Juda mung na chela thun maq, kiimaq Jerusalem chela na chiiheawea lam thun maq honglu kuq wanto. Kra kuq wankai akhing na, naishiq ka chamtraq arong awin siwankai. Naishiq ka chiithe lüwa tonglong siwankai. Kiimaq jamlai chamchao litkot athüm alit min sap mai sikai.

JEREMIA 9:14

Kra langwan la na, tsangshiq tsantsii ka wanshakshak siwanto. Raüta tsangwetiim raq ashrinkuq thü Baal phra sumla thun kli shomnoq wanto.

EJEKIEL 20:18

Kra rii na, Ngi raq tsangshiq phong na nosere kong kiima honlam tsii akha chongkuq kang: Namtitiim raq akha thü thungtri raütu ka naqlang rongkiq. Tsangshiq raq lang wantaq thung alai ka naq lang rongkiq. Kiimaq namshiq khum ka tsangshiq raq noqtaq sumla phra thun maq naq tiishe shi rongkiq.

AMO LUIK DVP (AMOS) 2:4

Tatiwe raq ngutlo, “Juda mungti raq atang wan ngarai, hiq ma ra ma. Arningkhan ngi raq tsangshiq tiijoq mang. Jamkhano ngukla tsangshiq raq, Tati tri raü wiita jin wanto. Kiimaq tsangshiq raq, Tatiwe aming lang wan mak riito. Tsangtitiim raq phra sumla noq wanto, raüta lamjiq na shea wanto, kiikhiisii tsangshiq riimin phra sumla noq raüta, lamjiq na kihoto.

Mark 8:37

Apaiq raq arilung ka thongshi lapki lot mak she.

Romans 1:21

Tsangshiq raq Shiikeawe ka asi dea nguta asap. Shatmaq, tsangshiq raq Shiikeawe ma shreng manto, apaiq rii dongdii sitlaq, kra kuq wan mak maq sitlo. Kiimaq apaiq ma kechu tumke wan min ahü maq sitlo. Kra rü na khoti, tsangshiq tiima tsantsii ka, ajiq aphiq siisaq li, kiimaq tsangshiq khutsai ka shaqmii miili sitlo.

1 Corinthians 3:20

Kiimaq Asii bomtsi bashi na hali akha chongtlo, “Shiikeawe raq maiqse taksma tsantsii ka hiqtili thiihü nguta sapshat.”

1 Corinthians 6:20

Apaiq raq namshiq khum ka athii tsinhea maq riwanto. Krai mren, namshiq khum ka Shiikeawe khushü tiijong miituli she lang rong laq.

1 Corinthians 7:23

Shiikeawe raq namshiq ka athii tsinhea maq ari wan. Kriikha maq namshiq ka maiq di ma naqja kinong rongkiq she.

Galatians 1:4

Ümchaü ara abi ngarai pat arwa nashiq ka wase ma tiijawan miitu, Khristo raq apaiq miisaq ka nashiq ngarai thun miitu kuqto. Arka Shiikeawe, kiimaq Nawe raq thapthitaq kra lang raüta tsaito.

Ephesians 4:17

Riita ara chong tiikang arningkhan, ngi raq Tatiwe mang maq, namshiq ma honlam tsii chong kuq tiipha ara, tiitsang tairong laq: Namshiq ka ümchaü sanha, thatsang maiqse sitlaq ikha naq sirongkiq she. Tsangshiq tiima tsantsii ka thiihü shaqmii rüm tlo.

Titus 2:14

Apaiq raq nashiq miitu, amiisaq khamto. Raüta nashiq ka abi ngarai kharü mong wa daa wanto she. Raüta nashiq ka ashe ngarai jaqkhon mong wa tiisii hetse wanto she. Raüta nashiq ka apaiq sengi she nguta rairii wan raüta, awura maq tiiham wanto she. Arka nashiq raq apaiq lishe shomnoq wan miitu riito. Raüta nashiq ka shamhea kaiwa jaqsham wan miituli she nguta pong na rairiito she.

Hebrews 9:12

Khristo ka ara chongtiikai jolitiip mong na pattup pat-sa siwan tlii miitu she honglu kewa nguta nyapwato. Raüta apaiq ka Asii Thaq Na Asii Khok mong niishe nyap wato. Kra nyap wantaq akhing honglu kewan chang chhechhi tiijai nai minsaü pongsetiim tiijai ka sham wan mak dea. Nyamse tiijai rii na, apaiq maiqmii tiijai kra sham raüta, ramungtan jolitiip mong kiijaq nyap wanto. Raütiishe, apaiq raq nashiq ka, kharü mong wa klang maq lakshi wa niili panthit, pattup pat-sa miitu dokdaa kuqto. Raüta, pattup thumki mak phan rilung tsitsü she kuqto.

1 Peter 1:7

Ara chamchao litkot riihum tlan arka, namshiq kamasham ka awongsii dea nguta chen tlo. Chaq ka athen kai chang hupsam. Shatmaq wa maq tiijo chaq raütiitiq chen tlo. Krai mren, sii hali, namshiq kamasham ka ara chongtiikai chaq piikii thaq niimin ara phan. Kriikha maq, chamchao wa maq tiikhiim chaq raüta chen tlo. Kra riihan jiitiq, Jesuq Khristo saükai akhing na, Shiikeawe raq namshiq kamasham ka mishom ra. Kiimaq namshiq khushü ka mijong. Kiimaq ashreng miraq.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

1 John 3:5

Namshiq raq asap han, Khristo ka maiqse khum na pokitaq kriika ngarai kharü thun kra chumbaiq kai kito. Kiimaq apaiq dü niika ngarai ahü, chongwa siirai dongdii.