1 SAMUEL 19:5 - ASII LAKDAP Bible (BSI)

⁵ Apaiq raq Goliath tsattaq akhing na, atsai ma kham raüta khatto. Krai mren, Tatiwe raq Israilnok miitu rekhat jonghea tangkuqto. Kra chhilaüta ümniika pinthum khoqriiq laü. Riita, ikhla, ümchaü ümniiraq maiqsangwe khuthaq na jam nguto ashut klo dan tlaü kiimaq Dawit ka khühü lamhü na atseabaiq tantlaü?”

Hawa Naga Bible 2001

⁵ Piq rueq vthuiuz thuic maq khvmc vtueq Goliat kuex thvt gay tueq ningkhvnc nuex dvyx, Israel tvkoc taungx wvnc lvmz yunghvlc Yehowa rueq kuq tueq. Kvruex mnoz rueq khiz vtueq kokez wvnc toq. Kvkhoc rvyruiux yvmx muinz yaq muq, yvmx mvrax muinz kop muq Dawid kuex khuec guez nuex yvmx ngoz tueq thvy gay roc lac?” ngoz tueq jungx tueq.

1 SAMUEL 19:5 Referencias Cruzadas

2 SAMUEL 23:10

Shatmaq apaiq ka akhiismin riilüp mak, Philistainnok ka jaimu mimu khatto. Rekhat tsi raq ajaq wa nepjasai kaü kriimin thaqbaiq lot mak she ajaq ka atsin she riikito. Tatiwe raq kra ranaiq akhing na rekhat jonghea tang kuqto. Kra rekhat thumjai she, Israilnok ka Eleajar chapchang ba kiiniishe jangki nongto. Raüta rewe maphong dü wa huk asam thun kra chhut wanto.

1 KAÜWA WERAÜ 11:14

Kra chhi raüta apaiq nai apaiq kongtibi ka chap raüta kra wak jam ram mong ba maq kheho raüta Philistainnok ka khatto. Krai mren, Tatiwe raq apaiq ma rekhat ka tiitang kuqto.

1 KAÜWA WERAÜ 11:18

Kra nolajong wetsam ka Philistainnok piitiip mong maq ahukse maq nyap wan raüta Bethlehem na khamchum kiiwa kham ka khuwato. Raüta Dawit ma kuqhoto. Shatmaq apaiq raq kra kham ka nyangmak dea riito. Apaiq raq nyang rii na Tatiwe ma honglu na raükuqto.

Tvtsvmc 109:5

Ngi raq tsangshiq ma ahea klo kuqkang, tsangshiq raq ngi ma abi klokuqtlo, ngi raq tsangshiq lungwii wan kangta tsangshiq raq ngi ka angeng khoti riiwanto.

Tvtsvmc 119:109

Ngi ka i miisaq i jaqphi na chiimshat miili sitiikang; ngi raq üm thungri ka laqbaiq mang.

Tvtsvmc 25:3

Ümniima kamtibi ka re raq tang mak, shatmaq jurwa maiqmii wela shongho tlaqti ma saütlo.

Tvtsvmc 69:4

Ngi ka khahü na ngengtibi ka ikhubin thaq niimin pahea wealot mang. Ijaqtinok raq ikhu thaq na arot bom pahea chongtlo; tsangshiq ka ahong alakong kiimaq ngi tseabaiq tantlo. Ngi raq hukmang kiimin huklaü nguta tsangshiq raq ngi ma tiithamtlo.

Tvtsvmc 94:21

tsangshiq raq sepiiti thun tiidea ma thiikho thutlo raüta maiqsangtibi ma kha tiiho raüta tsangshiq ka phaqsi na tiikibaiqtlo.

DUNGWVNC 14:13

Kiijiishe Mosheq raq treto, “Naqhai rongkiq! Namhok ni kli tiipha ronglaq. Kiimaq ümchaü ranaiq namshiq tiichhiike miitu Tatiwe raq jamlai wa klotlaq kriili liironglaq. Namshiq ara Ejip mungti ara jai na ümtiikiimin chhinong man she mirhan.

JEREMIA 26:15

Shatmaq namshiq raq ara bomtsi arka tsan na riikhaqli thü ronglaq: Namshiq raq ngi tsatbaiq han jiila, namshiq ajong alabi nai mungmaiqse ara chelati ka maiqse ashi khahü na tseabaiq wan kha na ngarai khabu she mihohan. Jamkhano ngukla, Tatiwe raq ngi ka namshiq ma ara honlam bomtsi ara chongkekai tiikito.”

Matthew 27:24

Kiijiishe Pilat raq mungmaiqse tsankhiq sru wan kra chhito. Kiimaq tsangshiq ka tri na ri wan damti ka riimak nguta sapto. Athi makjaq kharong khoti miraq ngutiishe, apaiq raq takto. Krai mren she, apaiq khum tiihe wan mungmaiqse makki na ajaq ka khampin na hewan lam maq, “Arwe miisaq tan tlan ara mat kha ka ngi raq sap mang! Arka namshiq mat kha!” ngutiishe apaiq raq kha ka tanto.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

John 15:25

Riita, ara chongtiikai tsangshiq raq ngi ngeng tlaq arka, ümsiimiiwa tsangshiq Thungtri lakdap na chongthü je she dongdii riito. Kra, bomtsi tiithai mai thütaq kra tiiku wan miitu she tsangshiq raq ngi ka ngeng tlo. Tsangshiq Thungtri lakdap na, ‘Tsangshiq raq ngi ka kha ahü na ngengsiqto,’ nguta waiqto.”

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Philippians 2:30

Jamkhano ngukla apaiq raq amiisaq tanli riito kiimaq Khristo miitu tsainam riito. Kriika namshiq maiqmii raq ngi khrumke miitu kongphiq kra ngi ma sokeho nguta aki, chamchaoto.

Hebrews 2:3

Riita, rasetiim lümaq atiichongkuq tsütsa bomtsi kra shishe wantibi thun wiita raq, Shiikeawe sintsang ka hophaqtaq jiika, ümchaü Shiikeawe raq nashiq ma tiichhii wan jonghea kilü dikuq wantaq, kra tsütsa ahea kra nashiq raq tai mai shishe hai jiika, Shiikeawe mo howan mai maq milun lot rong i sha? Kriiwa nashiq ka hangki lot mai miraq. Ara tiichhii wan tsütsa jonghea arka, Tatiwe apaiq raq akiq maq atiidea bomtsi. Kiimaq ara tsütsa tai wantibi tarü raq, arka poimak phan tengteng bomtsi dea nguta, nashiq ma hakhi kuqtlo.

PHOWEBI 12:3

Riita, namshiq raq khrum kuq man kra chhilatiishe, ngi raq i miisaq ka ijaqphi na chiim lata, hiq rai ka jinho lata tsangshiq ka khatki kang. Krai mren, Tatiwe riimin ngi ma tsangshiq ka tiitang kuqto. Riita, ümchaü namshiq ka ngi rai jam nguta riikhat wa tan tlan?”

PHOWEBI 9:17

Tsan na tiitsang ronglaq, iwe raq namshiq tiichhunke miitu re khat wanto. Apaiq raq namshiq ka Midiannok jaqkhon mong wa tiiwongke wan miitu, apaiq miisaq ka jaqphi na chiim raüta siwanto.

1 SAMUEL 11:13

Shatmaq Saul raq nguto, “Ümchaü ranaiq ka jumin tseabaiq maimak. Jamkhano ngukla ümchaü ranaiq Tatiwe raq Israilnok tiichhiikuqto.”

1 SAMUEL 14:45

Shatmaq mungmaiqse riishe Saul ma nguto, “Riita, jurwa Israilnok miitu ara rekhat jonghea tangke wantiwe Jonathan kriisha atsea mirbaiq ngukai? Maimak! Naishiq raq atra Tatiwe mang na kiqkham tiikai, apaiq khupo kiiwa akhubin loshise dongdii min dea mak miraq. Ümchaü ranaiq apaiq raq jaqshamtaq kra Shiikeawe ningkun maq khat raüta tangto.” Krai mren, mungmaiqse raq Jonathan ka atsea baiq chang wiishe tiichhiikuqto.

1 SAMUEL 19:6

Riita, Jonathan raq chongtaq kra tairaüta, Saul riimin tengtodea nguta takto. Krai mren, apaiq raq Dawit ka tsat mang nguta Tatiwe mang na tumkham kok toraüta sinkhamto.

1 SAMUEL 20:32

Kiijiishe, “Riita, apaiq ka jamlai kha niiwa mitsai? Apaiq raq jamlai mat atsa wa klota?” nguta Jonathan raq treto.

1 SAMUEL 22:14

Kiijiishe, Ahimelekh raq treto, “Ümwokhong na pinthum tsapkapkap maq ümbom taitiwe ka Dawit kli! Apaiq ka ümchaiwe, kiimaq ümkhum kheti phenlabi pengti phentuwe. Kiimaq hokham rung na wiitarü raq pinthum shreng wan tlaqwe.

1 SAMUEL 28:21

Kiijiishe kriinyung ka apaiq tho kiina tiisot-saq raüta liito. Riikiita apaiq ka atiirai raüta, amarai araq kriishe chhito. Kra chhi raüta kriinyung raq, “Chaü lei, ngi raq imiisaq jaqphi na chiim lata, ümbom tre jaqsham kuqkang.