Luke 2:14 - ASII LAKDAP Bible (BSI) “Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!” Hawa Naga Bible 2001 “Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq. Muklom Aluk mungtan na Shkewa phun amun cham ang aa etho mingkang wang miqtang bari ma piq nuk aa eshima nungmay cham ang aa. |
Chochi lantea rütrang ronglaq, namshiq ramungtan thun raq! Gitrang ronglaq, hiqtsan hiqmong thun lei! Chochi lantea rütrang ronglaq, pum thun, kiimaq rum wa pechong thun loweatek raq! Tatiwe raq apaiq jonglu tiichhito asengi Israilnok chhii wan raüta.
Shi ronglaq, ramungtan thun! Chojong chise gitrang ronglaq, mangjong hiqraikhü lei! Pum thun raq ashi ange phoktrang ronglaq! Tatiwe raq asenginok miboqpum; apaiq raq asenginok chamchao chhi raüta mimang chankuq.
Ngi raq maiqse kunli ma khusang rilung kuq tiikang. Aje na siti nai luhea na siti ma! Ngi raq isenginok tsisi ka atiihea she mirkuqha.
Kiimaq apaiq ka mungtsing miitu miraq maiqse ma mung ka atsing maq mipeng wan. Asiria mung raq namung ka mikhat wan. Raüta nashiq peruk weshaü thun ka misiiq wan. Shatmaq nashiq raq nashiqnok phan wa, Sreajongbi thun ka tsangshiq khat wa mitiiwa rong i.
Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.
Kra rashe kii ka ramungtan maq, ranyaq tangtang mong na siti tarü ma mili liim wan. Raüta, nashiq ka khusang rakhang rilung lam na, mishun shea wan.”
“Shiikeawe le, Tati mang na hokham we kitlaq kiima achu shiiman kuq laq! Ramungtan na khu asang mirlaq! Kiimaq Shiikeawe khushü kli mijong laq!” nguta arii ariiq she wawanto.
Kra ngori li she, tiihanghiiq miili, rase krai, ramungtan na rasekong phenlabi ka, ahing amun chhito. Kiimaq, tsangshiq raq Shiikeawe ka shomnoq trang akha shinge sia taito:
Riita, kra rasetiim thun ka, tsangshiq pha wa, ramungtan na jang wan jai she, “Lo, nashiq ka Bethlehem na kirongpha. Laita, Tatiwe raq chongtaq ara, liiwa rong i,” nguta sku rümtise kong liipan na riichongto.
Kiimaq, Asii Wenyi ka apaiq khuthaq na, haütaü kaü ikha satkito. Kiimaq kra akhing na ramungtan wa maiq bom ashi ka akha saüto, “Ümniika I Se shaq. Ngi ka ümniima pinthum khoqriiq tiikang.”
“Namshiq ma ngi raq hansang rilung she kuq tiikang. Arka i tsan mong na sitlaq hansang khap kriiwa triisha tsümkuq tiikang. Arka mangjong maiqse raq akuq hansang rilung ikhiika riimak. Jai na jamlai mra wa pin wan tlaq, kra miitu namshiq ka akhiismin naq chapa rongkiq. Kiimaq naq hanghun rongkiq, kiimaq naqhai rongkiq.
Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.
Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.
Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.
Riita ümchaü nashiq ka Shiikeawe raq wehea she nguta ajam na tiidü wanto she. Arka nashiq raq apaiq ma kamtsantsii thü wan tiikai kra lümaq wehea tiija wanto. Krai mren, nashiq ka Jesuq Khristo lümaq Shiikeawe rai ari aram miishe sitiikai.
Ümchaü sanha, Shiikeawe ka kai shomra wan rong i. Apaiq raq nashiq ka achhai anyii kaphap khoqramkii maq takuq wanto she. Raüta apaiq raq kai lungwii tlaq, Ase pum na nashiq ma phe maq, kongphiq jonghea kuqto she!
Shiikeawe raq, phanrap ka thimi wanto. Raüta apaiq raq thimi wantaq, apaü raüta athü jaqsham kra Khristo pum niishe jaqsham ka shiikuto.
Shatmaq, nashiq miitu Shiikeawe tiihang wan mangchan tsii ka pinthum asho awo rümtlo. Kiimaq apaiq raq nashiq ma lungwiitsii rüm tlaq, kriika achong lot mai, tsaühea rüm tlo.
Riita, Shiikeawe apaiq raq, ara shamkuq wantaq arka, Jesuq Khristo pum lümaq, apaiq raq nashiq ma, kaphap mangchan rüm tlaq kra tiichhi kuq wanto. Ara kaphap mangchan arka, maiqse raq tak lot mai chang phan, tsaühea, jonghea, luhea, thum mak miq mak phan, mangchan tiichhi kuq wanto.
Kiimaq wiitarü raq tantan maq, Jesuq Khristo dea Tatiwe nguta mishom noq wan. Raüta, Awejong Shiikeawe khushü ka mitiijong wan.
Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.
Riita ara chongtiikai krai mren, Shiikeawe raq Ase pum lümaq, ara ra nai hiq wiita apaiq wokhong na tiinyap wan nong ma nguta tri raü ka shatto. Krai mren, Shiikeawe raq arka, Ase pumsongkham na tsaitaq kra lümaq, ra nai hiq wiita ramungtan kiimaq mangjong hiq na ümchuwa sitlaq thun ka apaiq rai wehea miishe tiijato. Raütiishe awokhong na asengi miishe tiija wanto.
Riita, ümchaü sanha, nashiq Tati Jesuq Khristo apaiq pumsii maq, kiimaq Shiikeawe, Nawe Shiikeawe, nashiq lungwiiti we raq, kiimaq nashiq ka apaiq kaphap khoqramkii maq keishat maq, awokhong na tiisi raüta rümti we raq, jangshi min kiimwiiq tiichhan mai phan maq, apaiq lamphan na siwan miitu, srea nola tsantsii li mikuq laq. Kiimaq apaiq saükai khe laita siwan miitu pharangrang ran tsantsii mikuq laq.
Kiimaq, ngi raq atra phan ümchuwa sitlaq, ramungtan na, mangjong hiq na, wulum mung na, kiimaq sammoktra jü mong na atra tsitsü asi phan ümchuwa, ara ra nai hiq raq aham na diim tlaq tarü kunli raq, akha ashi trang taikang: “Hokham ngacho na ngati we nai Skuse ma, shomra, shreng, khushü, kiimaq ningkun kli pattup pat-sa misi laq!”