Luke 2:14 - Hawa Naga Bible 2001

¹⁴ “Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.

ASII LAKDAP Bible (BSI)

¹⁴ “Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

Muklom

¹⁴ Aluk mungtan na Shkewa phun amun cham ang aa etho mingkang wang miqtang bari ma piq nuk aa eshima nungmay cham ang aa.

Luke 2:14 Referencias Cruzadas

ISAIA 44:23

Raungmungx htenc lex, kokez vtueq guyc kuiuz! ghaq thuiuz hvlc baung lex, guyc kuiuz! Pulx htenc nuiyc luingx vlak wawc pulx htenc lex, kokez vtueq guyc wuez kuinz! Yehowa rueq piq miqsaz Israel kuex palc wvnc ruiux piq yungx luz yaq kuex tvkhic tueq.

ISAIA 49:13

Raungx mungtan lex, shix kuiuz! Ghaq lex, kokez vtueq guyc kuiuz! Kanx laungx htenc tvruingx vtueq shix wuez kuinz! Yehowa rueq vpiq miqsaz htenc muex thuinz tvsuing kuq shuex; vpiq rueq kuilc daz rvhumc yaq vpiq miqsaz htenc muex menjenc kuq shuex.

ISAIA 57:19

Israel mungx wawc thuinbac yonzyex jix nuix maq kejux mtvtsvmc shueq, lvmx vluz vnyek nuex httaz jix lotlaz muex ngaz rueq nomic kuq ruiux, tvhvlc kuq shaungx ngoz tueq Yehowa rueq jungx tueq.

Mikha 5:5

vpiq rueq nomic kuex lvmz laq shuex. Asiria miqsaz kuex naungshiq mungx vyuq nyuip khvt vtueq naungshiq nolaungx ghaqshungc htenc kuex tvbac gay shuex nuex, naungshiq rueq muinz tsuingshiq kuex khvt tvkoc hungc vlaungc vhttax vyungx vlaungx bix kuex tvkaz shix.

Matthew 21:9

Yesu vpiq max nuex nuiyc yix nuex phvnc jix miq vkung vdaungx htenc rueq, “Dawid Saz muex tvtsvmc wuez shuinz! Taungjix muingc maq httuiuc kay jix waz vpiq kuex thuinz mhvlx kueq! Tishox ngauz vngax kuex tvtsvmc wuez shuinz!” ngoz tueq guyc wuez tueq.

Luke 1:79

raungnyauk nuiyc vthueyc rueq buingc yaq khung nuex httaz jix lotlaz muex raungwawc raungwuic tvwuic kuq shuex, kvmaq naungshiq khamtenc htenc kuex nomic lvmx nuex shvlx wvnc phuex,” ngoz tueq.

Luke 19:38

“Taungjix muingc maq httuiuc kay jix Hokhvmx waz Tishox rueq ruimrix mkuq shueq! Raungmungx nuex nomic mhttax kueq, Tishox ngauz vngax m-yungx kueq!” ngoz tueq guyc wuez tueq.

Luke 2:13

Raungkamx waz rulc vdvmz raungwawc kamx waz bix paunghvlc kuex huingc rvhek maq httuiuc kaz vtueq Tishox muex tvtsvmc shix wuez tueq.

Luke 2:15

Raungkamx bix kuex raungx nuex yek waung wvnc koq tueq, khelbuenx remc jix hez kuex vshiz maq vshiz rvjungc wuez vtueq, “Betlehem nuex waung ix, yaungx wvnc tueq nuiyc Taungjix rueq naunghez muex jungx phuex lvmx kuex lawc waung ix” ngoz tueq.

Luke 3:22

Vsawc Siyac kuex hituiuc saz ikhoc vpiq htauk nuex svt kaz tueq. Raungmungx maq, “Mnoz kuex ngaz rueq lungwawx vphaungx Isaz rvtoq. Mnoz kuex ngaz rueq raungc raq vphaungx,” ngoz tueq raungx maq kvjaz dung tueq.

John 14:27

“Nomic kuex nuimshiq muex ngaz rueq taq kuq shec phaungx. Ngvy nomic kuex nuimshiq muex ngaz rueq kuq vphaungx, mungkawx miqsaz rueq kuq yaq kvkhoc rvmuq. Nuimshiq thuinz maq nauk rvwvl kaz, nauk hiz kaz.

John 17:4

Ghaq htauk vyuq ngaz rueq mnoz ngauz vngax kuex tvdung wvnc tauk shex, ngaz rueq gurc pic tvkoc mnoz rueq ngaz muex kuq phux yauk shuimc htenc kuex lot tauk shex.

John 3:16

Yvmx khoc lac ngoz ruiux lec Tishox rueq vpiq Saz muex kvmluimx jix htenc kuex batac momaq kay rvhumc muq maq pattup rullungx mlvp wvnc shueq ngoz tueq, vpiq Saz vshiz lauk lauk kuex kuy gay nuex httuiuc laz mungkawx kuex pinhtumc lungwawx tueq.

Acts 10:36

Israel miqsaz kox nuex tvgurc kuy jix Tishox, miqsaz lotlaz muex Taungjix rvtueq Yesu Christu maq raz tueq tvtay wvnc tueq nomic nuex seng vtueq Thuix Thaungx Vhvlx kuex nuimshiq rueq tuiuz vshuinx.

Romans 5:1

Majuiuc naungshiq kuex Tishox muex kvmluimx vtueq tsuingrux wvnc vtix ningkhvnc nuex naungshiq Taungjix Yesu Christu maq Tishox rulc nomic lvp wvnc tiq.

Ephesians 1:6

Vpiq rueq lungwawc hvlc vsaz maq raz tueq vhtawz vrawz thoz muq maq naungshiq muex kuq phuex ngauz vngax httax yaq vpiq kejux ningkhvnc nuex Tishox muex tvtsvmc wuez ix!

Ephesians 1:9

Tishox vpiq rueq dvnc yaq lvmx kuex shuimx kaz vtueq Christu maq tvhungx htaungx wvnc tvkoc htvp htaz taq tueq, kvmungx tvy yoalx vpiq rueq vhttuiyq vpuiuc vruez shuimc dvnc yaq lvmx kuex tvkhic kuq phuex.

Ephesians 2:4

Yuq muinz Tishox menjenc thuinz kuex pinhtumc httax vtueq, vpiq lungwawc thuinz yunghvlc httax ruiux,

Ephesians 2:7

Vpiq rueq kvkhoc shuimx wvnc tueq lvmx kuex Christu Yesu maq naungshiq muex lungwawc thuinz tvkhic kuq phuex, vpiq kejux kuex pungx raz tueq yungx luz yaq lvmx, yix maq pat vjat nuex miq htenc rueq khiz tuiuz wvnc tvkoc rvtueq.

Philippians 2:11

Yesu Christu kuex Taungjix rvtueq ngoz tueq nuix maq kvjungc ningkhvnc nuex Vwaz Tishox ngauz vngax kuex tvdung wvnc wuez shuex.

Philippians 2:13

yvmx khoc lac ngoz ruiux lec Tishox kuex vpiq thuinroc kvmungx lvmx nuex tvtay tv-phvnc roc thuinz maq phvnc lot juing hungc nuimshiq rueq lvp wvnc muex vpiq kuex nuimshiq nuex kvjungc phvnc hung yaq.

Colossians 1:20

Kvkhoc rvtueq Tishox rueq Vsaz maq raungx phaungc ghaq waungc lotlaz kuex vpiq kox nuex yek waungc tvkoc htvp htaz taq tueq. Vsaz kuex yauk juinc bulx nuex vthueyc tvrvhumc vtueq nomic tvyaungc tueq. Ekvkhoc maq ghaq htauk nuex nuiyc raungmungx nuex httax yaq lotlaz kuex vpiq kox nuex tvyek wvnc tueq.

2 Thessalonians 2:16

Naungshiq Taungjix Yesu Christu vpiq pumz maq naungshiq kuex lungwawx vtueq, vpiq kejux maq naungshiq kuex phaungx ngaungx hvlc tvluimc juing nuiyc ngaungx hvlc khvmc thuinz kuex kuy jix naungshiq Waz Tishox rueq muinz,

Revelation 5:13

Kvmaq raungmungx wawc muinz, ghaq htauk vwawc muinz, mungkawx khung wawc muinz, svmuktvrax wawc muinz, wvtaungx wawc vtvraungx phvnx lotlaz rueq, “Hoc daungraungc nuex ngaungc yaq waz nuiyc Khelbuenx Saz kuex, tvtsvmc kvmc nuiyc tvtsanc nganc, ngauz vngax nuiyc hungc vlaungc kuex pattup pat-sac mhttax kueq!” ngoz tueq shix wuez tueq kuex ngaz rueq tay tauk.