Philippians 2:13 - ASII LAKDAP Bible (BSI)

¹³ Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

Hawa Naga Bible 2001

¹³ yvmx khoc lac ngoz ruiux lec Tishox kuex vpiq thuinroc kvmungx lvmx nuex tvtay tv-phvnc roc thuinz maq phvnc lot juing hungc nuimshiq rueq lvp wvnc muex vpiq kuex nuimshiq nuex kvjungc phvnc hung yaq.

Muklom

¹³ Chammatakoi nim unuk angma etho piq raaq tat ma Shkewa nim jaktung na somlo aa.

Philippians 2:13 Referencias Cruzadas

1 HOKHVMX 8:58

Riita apaiq raq nashiq ka awokhong na phaqchii nichii maq siwan miitu she dea mitiishongnga wan laq. Krai mren nashiq riimin apaiq raq thapthi wan tlaq kra phan phan siwan miitu mirümkom wan laq. Krai mren nashiq riimin apaiq thungtri raütu ka kunli thuwan laita siwan miitu kiimaq apaiq raq natitiim ma akuqthü aming raütu thun kra kunli langwan laita shongnga wan miitu mirüm wan laq.

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

EJRA 1:1

Parsia mung hokhamwe Sairas ka Bebilon mung na hokham jawan pha shaqshaq rawii na, Tati Shiikeawe raq shammiwe Jeremia nübok maq riisham bomtsi chongkuq wantaq kra riikhaqli she tiikupi kuq wanto. Tatiwe raq Jehudinok ka tsangmung na laü wan nong miitu aming kechang nguta hokhamwe Sairas tiima tsantsii na tiishai rai kuqto. Krai mren Sairas raq ara aming lak arshe waiqto. Raüta ara lak arka mungmaiqse ma chiiriim raüta tiikewa miitu aming tatto. Aming ka akha kuqto:

EJRA 1:5

Riita, Juda ta kaüwa weraü phan wa phukhu welabi thun kiimaq Benjamin ta kaüwa weraü phan wa phukhu welabi thun, kiimaq ramwebi thun kiimaq Lewinok thun kiimaq Jehudinok phan mungmaiqse ahinti Shiikeawe raq tsangshiq tsan tsii tiichhii wan tlaqti thun ka tarü tsan achhii maq shairang rang raütiishe, tsangmung na laü wan raüta Jerusalem chela wa Tatiwe Shomjam kra tiihea hai wan miitu she chap wanto.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

YOBA 33:29

Shiikeawe raq akha jaqsham ka tiijangkiki shamkuqtlo;

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 119:36

Ngi ma chiithe ma jawan tsantsii la na ümtri raütu thun lang wanro tsantsii kuqlaq.

Tvtsvmc 141:4

Ngi raq ajiq kiimung chang wa tiiwong kuqshat riilaq, kiimaq abi kloti raq abi jaqshamtlaq kiijaq lomdam mangchang tiiwong kuqlaq. Ngi raq ümtiikiimin tsangshiq poi ka lomdam mang chang tiiwong kuqlaq.

TAKSU LAK 21:1

Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

ISAIA 26:12

Ümniiraq naishiq ka rongboq mitiijahaü, Tatiwe lei; naishiq raq ümchuwa ongkai kriika ümniiraq ashamkuq haü tsi siisaq.

JEREMIA 31:33

Ngi raq Israilnok rai tongshong anye shong tiikang kriika, akhiishe miraq: Ngi raq itri raütu ka tsangshiq khum niishe mithüha kiimaq tsangshiq mongjii na miwaiq kuqha. Ngi ka tsangshiq Shiikeawe miraq. Kiimaq tsangshiq ka isengi miraq.

JEREMIA 32:38

Kiitiikaq tsangshiq ka isenginok she miraq. Kiimaq Ngi ka tsangshiq Shiikeawe she mijaha.

Luke 12:32

“Namshiq ka atsapse li jiimin, naqhai rongkiq. Nam We raq chochikhiq maq, namshiq ma Mungtan ka mikuq.

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

John 6:45

Shammibi phong wa weshi raq, ‘Kiimaq tsangshiq tarü ma Shiikeawe riishe mishrin kuq wan’ nguta waiqthüto. Krai mren, jurwa Awe bom ka ni tiitsii raüta tai tlaq, kriiti kli i puk na minyap.

John 6:65

Raüta Jesuq raq abom ka triichesaq, “Arkha miitiina, ngi raq namshiq ma, i We raq ngi rii nguta thiiq wan hü wiiwii, maiqse ka jumin i puk na nyap wan lot mak nguta chongkuq pha ihata.”

Acts 11:21

Tatiwe ningkun ka tsangshiq khum na asi riito. Krai mren, tsangshiq traho bomchong tai raüta, maiq pahea raq Tati Jesuq ma kamwanto.

Romans 12:3

Riita, Shiikeawe raq ngi ma wenyi kongphiq jonghea kuqtaq kriikha maq, ngi raq namshiq tarü loweatek ma, ara tsii chongkuq tiikang ara: Namshiq raq maiqmii ka, ajong ala, phanrap asap atsin hai siisaq nguta, tsan na naq tiima rongkiq. Shatmaq, sobsob bombom maq siwan lili ronglaq. Shiikeawe raq namshiq loweatek ma kamtsantsii ümchuwa kuqtaq kra khan khan, maiqmii thii ka shin wan lili lanta siwan lili ronglaq. Achan ana ka naq bom rongkiq.

Romans 9:11

Riita, tsangnai siphu wenai kiiwa, weshi tsea wantaq kriika, Shiikeawe apaiq raq thapthi tlaq kra phanphan tsea wanto nguta tiichhike miitu, Shiikeawe raq Rebeka ma, “Ümse wenai kiiwa, aphu we ka ano we jaqkhong na misi,” nguta chongkuqto. Shiikeawe raq ara Rebeka ma chongkuqtaq arka, tsangnai siphu rawii min michhi shaq niiphü chong kuqto. Kiimaq tsangnai raq, tsangnai jaq maq jamlai phan ahea abi sham akai min, misham wan shaq niiphü, Shiikeawe raq, ara bom ara chongkuqto. Krai mren, Shiikeawe raq tsangnai siphu wa, weshi tsea wantaq kriika, Shiikeawe apaiq raq kiqkham wantaq, kra thaq na seng raüta, chechiip wanto. Tsangnai raq Shiikeawe man na, jamlai phan Shiikeawe tsan tiiheali chang, jaqsham ahea sham raüta tsea wan ka riimak.

Romans 9:16

Riita, ara chong tiikai thun arwiishe chhi wan tiikai. Phanrap lam niika maiqse raq jamlai phan wa thapthi wantlaq, kra phanphan ka kuwan mak. Kiimaq maiqse raq jamlai wa sham lam wan tlaq, kra khuthaq na seng raüta min tiihong kuq wan mak. Shatmaq, Shiikeawe apaiq raq jamlai phan wa apaiq tiihang wan mangchan tsantsii maq tiihong kuq wan tlaq, kra phan phan li tiihongkuq tlo nguta sap tiikai.

1 Corinthians 12:6

Jaqsham kewan ningkun kiimin phan phan asi. Ara ningkun thun phea nyin kewanti ka Shiikeawe raq siisaq li kuq tlo. Maiq loweatek ma maiqmii maiqmii atiitsang jaqsham pheakuq wantaq kra phan phan, ningkun kongphiq kriimin pheakuq tlo.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

2 Corinthians 3:5

Naishiq khum na anyan phaqchi maq, ara Shiikeawe kiimwe jaqsham sham tiikai nguta tiishomra chang ka jam min ahü. Naishiq ma ara jaqsham miitu ningkun ka Shiikeawe raq kuq tlo.

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 1:5

Shiikeawe raq kongkhu miiphü, Jesuq Khristo pum na, nashiq ka asetiim ma tiija wan ma nguta, bom ka ashat wan wishe dongdii. Riita, ara bomtsi shatthü wantaq arka, apaiq tsan mong na chojong chise nai shonron khiq maq thimi wanto.

Ephesians 1:9

Shiikeawe raq, phanrap ka thimi wanto. Raüta apaiq raq thimi wantaq, apaü raüta athü jaqsham kra Khristo pum niishe jaqsham ka shiikuto.

Ephesians 2:8

Riita, ara chongtiikai arai mren, Shiikeawe raq namshiq tiichhii kuqtaq kriika, apaiq kaphap mangchan wokhong maq, namshiq raq kamtsantsii thü lan kha maq, tiichhii kuqto. Arka namshiq raq jaqsham ahea phan sham lanta, tiichhiike ka riimak. Shatmaq arka, apaiq raq, namshiq ma phe maq akuq, kongphiq. Krai mren, juwe riimin maiqmii dea kechu maiqse nguta tiisom ra chang lam ka ahü.

2 Thessalonians 1:11

Arningkhan tiina, naishiq raq namshiq miitu, wranaiqshe achu jaükuq tiikai. Arka, Shiikeawe raq namshiq ka, athuk atsom maiqsetiim miidea mitiija wan laq, nguta achu jaükuq tiikai. Namshiq raq kamasham jaqsham ahea, ümchuwa sham tlan kra, Shiikeawe raq apaiq ningkun maq, kunli dea tiihongtha kuq raü jaq ahea, nguta achu jaü tiikai.

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.