Biblia Todo Logo
La Biblia Online
- Anuncios -




Philippians 2:13 - Hawa Naga Bible 2001

13 yvmx khoc lac ngoz ruiux lec Tishox kuex vpiq thuinroc kvmungx lvmx nuex tvtay tv-phvnc roc thuinz maq phvnc lot juing hungc nuimshiq rueq lvp wvnc muex vpiq kuex nuimshiq nuex kvjungc phvnc hung yaq.

Ver Capítulo Copiar

ASII LAKDAP Bible (BSI)

13 Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

Ver Capítulo Copiar

Muklom

13 Chammatakoi nim unuk angma etho piq raaq tat ma Shkewa nim jaktung na somlo aa.

Ver Capítulo Copiar




Philippians 2:13
39 Referencias Cruzadas  

naungshiq jix vwaz tamx muex kuq shec tueq tvrac lotlaz nuiyc vnvrc bomc htenc kuex taq vtueq naungshiq muex vpiq kvjaz tvtay tv-phvnx tueq nuex, naungshiq tvraungx httaz lvp tvkoc vpiq rueq raungc raq yaq rulc rv-ngvlc naungshiq mkaq muinz tvraungx httax lvp vtix.


Hokhvmx waz nuiyc piq vyungx vlaungx bix rueq tvtay nvr tueq bomc kuex phvnx vtueq vpiq thuinroc phvnx lvp laz juing ngoz tueq Tishox rueq muinz Yuda mungx nuex yauk shuimc jix miq htenc muex tsuinghez rueq htvp htaz tueq rulc rv-ngvlc rungx raz lvmz tvtsuir taq tueq.


Persia honoc Kiru kuex hokhvmx muex yaungx tueq vphaungc raungwawc nuex shvmmax Yeremia maq raz tueq jungx tueq Yehowa kvjaz kuex hungx wvnc tueq. Piq rueq vruex nvrc bomc kuex vkhoc wuiyq vtueq piq rueq guimz yaq mungtan baung ruip saz nuex nyvmc wvnc laz yunghvlc maq wvlc tvtay kuy tvkoc Kiru muex laukshiz lvmz maq tvshuimx tueq.


Kvruex yimaq miqmac thuinz vmungx nuex Tishox rueq tvmoay shay rvhumc yoalx Yuda nuiyc Benjamin phvnx wawc vtaungx walaungx bix, shomc waz bix nuiyc Lewi miqsaz htenc kuex Yerusalem wawc Yehowa Shomc Yuimx kuex guirc waungc tvkoc tvyoalc wuez tueq.


Ezra rueq, “Yehowa naungshiq jix vwaz tamx Tishox muex tvtsvmc wuez shuinz! Vpiq rueq Yerusalem wawc Yehowa Shomc Yuimx kuex tvtsanc nganc tvkoc honoc waz muex thuinz tvlomx kuq tueq.


Honoc waz rueq, “Mnoz rueq yvmx lac roc shuiux?” ngoz tueq wiz phuex. Ngaz rueq Raungmungx Tishox kox wawc vjux thoz ruiux,


Tishox rueq vruex yauk shuimc htenc kuex tvyez kakaz shuimx vtueq;


Mralx htenc kuex mnoz rueq khvt shuiux raungnuiyq kvkaq, mmiqsaz htenc kuex miqmac thuinz maq romc khvt naungx kv-phux. Raungnvp nuex ruk yaq buing ikhoc m-yalxrox bix kuex mnoz httax vtuiux vsawc kanx nuex httuiuc kaz tuex.


Tsak vnyvmx rungwanx wvnc tix htauk nuex mtvrac htenc phvnc kuex pinhtumc raungc raq thuinz ngaz muex htawc kuq koq.


Vyaq yauk shuimc wawc muinz, honc vbac jix miq htenc layx bac yauk shuimc nuex lomx yaq wawc ngaz kuex tvyal wvnc koq. Tsuingshiq phuiuz svy moalx nuex ngaz mkaq muinz lomx mauk mruez kueq.


Yehowa rueq yuix ruilx piq kay juing lvmx kuex yoalx rek dvyx wek wiz gay yaq ikhoc, hokhvmx waz thuinz kuex yoalx rekrek ruip rux lot yaq.


Yehowa lex, mnoz rueq nuiyshiq muex rungwanx kuex kuq phux; nuiyshiq rueq lvp luz vshix lotlaz kuex mnoz rueq vshuimx lvmz kejux jvnc rvtueq.


Israel miqsaz rulc taq shaungx bomkhvrc vnyalx kuex vkhoc rvtueq: Ngaz rueq tsuingshiq nyuing nuex ngvy tvrac kuex taq vtueq kvruex tsuingshiq thuinz vmungx nuex wuiyq taq shec shaungx. Ngaz kuex tsuingshiq Tishox muex yaungx ruiux tsuingshiq kuex ngvy miqsaz muex yaungx tuex.


Kvmaq tsuingshiq kuex ngvy miqsaz yaungx vtueq, ngaz kuex tsuingshiq Tishox muex yaungx taungx.


“Khelbuenx phungc vruinx saz lex, nauk hiz kaz, yvmx khoc lac ngoz ruiux lec nuimshiq Waz rueq nuimshiq muex Mungtan kuy tvkoc thuinroc lvmx httax yaq.


“Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.


Yohan rueq, “Tishox rueq vkuq rvmuq ngoz ruiux kuex miq rueq yvmx muinz lvp wvnc shuex rvmuq.


Shvmmax bix luik htenc nuex, ‘Miq ruip rawx kuex Tishox rueq tvluingc kuy lvp wvnc wuez shuex,’ ngoz tueq wuiyq shec tueq. Kvkhoc rvtueq Iwaz rueq vjungx kvjaz kuex tay vtueq, vpiq kox wawc tvluingc lvy rvhumc jix htenc kuex ngvy kox nuex kaz wuez yaq.


Kvkhoc rvtueq vpiq rueq, “Vkhoc ningkhvnc nuex Vwaz rueq vkhangx kuq muq ngoz ruiux kuex, ukhaq muinz ngvy kox nuex kaz lot muit ngoz tueq nuimshiq muex ngaz rueq vjungc kuy wuez shex,” ngoz tueq.


Taungjix luimc vkawc kuex tsuingshiq nuex httax vtueq miq paunghvlc kvmluimx wvnc ruiux Taungjix kox nuex kvroz wvnc wuez tueq.


Nuimshiq rueq miqmac shauk vgvnz kuex tvmaung hangc vshuinx htauk nuex jvnc vtueq ngamc tvyungc muit tvkoc Tishox rueq ngaz muex kuq phuex siyac yauk noalc ningkhvnc nuex nuimshiq muex tvtay jungx kuq vphaungx. Kvkhoc ruec tvraung nuimshiq vshiz maq vshiz muex Tishox rueq vkuq kvmluimx thuinz rulc rv-ngvlc miqmac shauk vgvnz kuex hungx htaungx laz tvmaung wuez shuinz.


Yuq muinz tsuingshiq max jawx shauk vhvlx vbac max shuimx kaz nuex dvyx Tishox rueq Rebeka muex, “Msaz pekhux waz kuex vnox nvrc waz muex yaungx tuex,” ngoz tueq, Tishox rueq vkhoc jungx tueq lvmz kuex vpiq rueq dvnc yaq thuinz kuex tvkhic kuy rvtueq. Kvkhoc thvl wvnc tueq kuex honc vyaungc htauk maq rvmuq, vpiq rueq gvlc wvnc htauk nuex dvyx seng yaq.


Kvkhoc rvtueq Tishox rueq thvl yaq lvmx kuex miqsaz thuinroc lvmx ikhoc rvmuq, miqsaz hungc vlaungc htauk maq muinz rvmuq, Tishox menjenc htauk maq jix rvtueq.


Phungc yauk shuimc juing pungphvnx rv-phvnx httax yaq, yuq muinz miq lotlaz muex miqmac rueq shuimx yaq yauk shuimc laung nuex hungc kuq yaq Tishox kuex washiz dvyx httax yaq.


Yuq muinz Tishox kejux ningkhvnc nuex ngaz kuex ngaz doc rvtauk, ngaz muex vpiq rueq vkuq kejux muinz khuec guez muex yaungx muq maq; vganc kamx waz bix htauk nuex muinz ngaz kuex jvnc vtueq yauk shuimx vshaungx. Kvkhoc shuimx kaz vshaungx kuex ngvy hungc maq rvmuq, ngaz rulc vdvmz nuex shuimx naungx yaq Tishox kejux ningkhvnc nuex rvtueq.


Miqmac rueq vkhoc yauk shuimc kuex gurx pix lot shix ngoz tueq jungc juing nuiyshiq kox nuex yvmx hungc muinz vguez. Nuiyshiq nuex httax yaq hungc kuex Tishox kox wawc vlvp rvtueq;


Httax yaq lotlaz kuex Tishox kvmungx lvmx nuiyc thuinz maq htvp htaz tueq rulc rv-ngvlc yaungx wvnc wuez tueq; kvmaq Tishox vpiq rueq mvnnuex phuex htvp htaz wvnc tueq lvmx nuex vjungx tvjvp vtueq naungshiq kuex Christu rulc vshiz dvyx yaungx vtix ningkhvnc nuex vpiq rueq kvmungx tueq ikhoc naungshiq kuex vpiq miqsaz htenc yaungc tvkoc thvl taq phuex.


naungshiq kuex vpiq sahez muex tvyaungc tvkoc Yesu Christu maq vthvlc tvy wuez shex rvtueq. Kvruex kuex vpiq thuinroc nuiyc kvmungx lvmx rvtueq.


Tishox vpiq rueq dvnc yaq lvmx kuex shuimx kaz vtueq Christu maq tvhungx htaungx wvnc tvkoc htvp htaz taq tueq, kvmungx tvy yoalx vpiq rueq vhttuiyq vpuiuc vruez shuimc dvnc yaq lvmx kuex tvkhic kuq phuex.


Nuimshiq kvmluimx wvnc ningkhvnc nuex Tishox kejux maq palc daungc wvnc rvhumc tuit, nuimshiq rueq hunglaungx shuimx kaz vshuinx yauk shuimc maq vlvp wvnc rvmuq; Tishox rueq vkuq yauk noalc ningkhvnc nuex ukhaq muinz kvsomc parc juing lvmx vguez.


Kvruex lvmz ningkhvnc nuex nuimshiq rawc nuiyshiq rueq mkaq muinz vjux thoz vshix. Nuimshiq kuex vpiq rueq gvlc rvhumc jix rullungx tvraungx lvmx nuex wvhtawz maq httax wuez kuinz naungshiq Tishox kox wawc vjux thoz kuq vphix. Vpiq rueq vpiq luimc vkawc maq nuimshiq vhvlx lvmx tvyaungc kuy roc thuinz httax yaq lotlaz kuex tvmvrc kuq vtueq, nuimshiq kvmluimx yauk shuimc kuex mtvlot shuimx kuq shueq.


Tishox rueq naungshiq kuex palc daungc wvnc vtueq, vpiq miqsaz muex thvl wvnc phuex kuex naungshiq rueq shuimx wvnc tiq vhvlx phvnx shishiz ningkhvnc nuex rvmuq maq, vpiq kvmungx thuinz nuiyc kejux htauk maq rvtueq. Vpiq rueq mungkawx vphaungc vyaungc nuex phuex Christu Yesu maq naungshiq muex kvruex kejux kuex kuq phuex,


Nuimshiq rueq vpiq thuinroc lvmx shuimc kay tvkoc nuimshiq nuex rax thuiyc yaq vhvlx phvnx lvmx ruip saz kuex nomic Tishox rueq nuimshiq muex mkuq kv-phuinx, Taungjix kuex vpiq thuinroc rulc rv-ngvlc Christu maq naungshiq muex tvhungx htaungx tvmvrc kuq phuex. Yesu Christu maq vpiq rueq raungc raq yaq lvmx kuex naungshiq mtvyaungc phueq, Christu nuex pattup pat-sac ngauz vngax mhttax kueq. Amen.


Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.


Síguenos en:

Anuncios


Anuncios


¡Síguenos en WhatsApp! Síguenos