Philippians 2:12 - ASII LAKDAP Bible (BSI)

¹² Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

Hawa Naga Bible 2001

¹² Kvkhoc rvtueq lungwawc vphaungx jix lex, nuimshiq rulc vdvmz ngaz httax tauk jauz nuimshiq rueq mkaq muinz ngvy kvjaz tay phvnx wvnc tuit ikhoc, majuiuc nuimshiq rulc rv-phvlc vtueq vluz nuex httax nuex ngvy kvjaz tay phvnc kuex pinhtumc vkhek rax yaq. Kvkhoc rvtueq nuimshiq palc daungc wvnc lvmx kuex mvrc laz lvp wvnc shuinz kvhiz sungx thuinz maq shuimx kaz wuez shuinz,

Muklom

¹² Inoknu nia nokwa tang, nga nim jamna ang táng rangham tho nim aa salwet i raaq tat tin. Thanga nga nim wang alo na ang táng rangham tho iraaq jaqhal eq tat ching. Nim thalun tahom ang rangma ucho nia mo eq somlo inn.

Philippians 2:12 Referencias Cruzadas

EJRA 10:3

Riita ara chongtiikai lamlu ka ara. Ümchaü nashiq raq Shiikeawe man na pongnok phan nyungre nai tsangsetiim ka nashiqnok phong wa, ajoshe mirbaiq rong i nguta sinkiitiq kiqkham wan chang she saüto. Naishiq mungmaiqse riika, ümniiraq nai nanok ahinti Shiikeawe aming shreng wantibi raq jamlai aming wa mikuq, kra mitaikai. Shiikeawe tri raq jamlai wa aming kuq tlaq, kra phanphan she misi wan kai.

Tvtsvmc 119:120

Ümniima ngi kai hai tiikang; ngi ka ümniiraq kha photlaü kriima pinthum hai tiikang.

Tvtsvmc 2:11

Tatiwe ka tiihaishat maq shiikumpan ronglaq;

TAKSU LAK 10:16

Kechu maiqse jaq maq ka rilung tsitsü; Shatmaq ngarai riika ngarai li tiipatlo.

TAKSU LAK 13:4

Riininti riika ümtinkhan rit raü min, lapphaqsiq mak miraq. Minshiiq shiichaqti riika, phanrap phanrii milapphaq siq.

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

ISAIA 66:5

Tatiwe raq jamlai wa ngutla kra taironglaq, namshiq apaiq ma haisong tlan kiimaq apaiq aming wokhong na sitlanti raq: “Namshiq ka iwokhong na tsapkapkap maq shongngatlan kha na, namshiqnok phong wa maiq wiijamti raq namshiq ka ngengtlo. Raüta namshiq rai riipanpiitlo. Tsangshiq raq namshiq slaliitlo raüta, ‘Tatiwe raq apaiq jonglu kra mitiichhi kuqlaq. Raüta namshiq ka mitiichhiilaq. Kra nguraütiq naishiq raq namshiq chochi kra miliisiqkai.’ Shatmaq tsangshiq riiwe ka jea ngaü raüta michaphaq!

Matthew 11:12

Khamlamketi we Johan raq Ramungtan Tsütsa trahokuq wantaq kiimaq pha wan raüta, ümchaü ranaiq niitaq saüli, Ramungtan sham akai ka pinthum chiq are raq along aliiq li tiichamchao wanto.

Matthew 11:29

Minsaü raq thaikii maq ni thu tlaq ikha, namshiq riimin i thaikii ara holanta sirong laq. Lanta i wokhong maq ngi raq namshiq ma shrinkuq tiikang bomtsi kra saptsin ronglaq. Ngi ka sobsob bombom maq nai tsan nin woknin maq siti. I wokhong na siti ka huntsak niitsak she mishong nga han.

Acts 16:29

Kiijiishe phaqtek kheti we raq wa tiinü kuq rong laq nguta chongto. Raüta, Paul nai Silas phana atam alam miishe ju raüta, tsangnai khaki na bumtlii maq, ahok ajaq tiikhai rokrok she, ahaisi phiip raq atsai bumkito.

Acts 9:6

“Shatmaq, tiidolaq. Laüta, chela mong kiina walaq. Kiijaq ümniiraq akhek jamlai phan jaqsham chang wa, kra achongketi asi miraq.”

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

1 Corinthians 2:3

Kriikha maq tiina, ngi ka namshiq phana wakang akhing na, i jaq i ji tiikhai rokshrok, ahai lam maq, kiimaq ningkun ahü ajom maq sikang.

1 Corinthians 4:14

Ngi raq ara namshiq ma ara waiq tiikang arka, namshiq tiijeasi ma nguta kla riimak. Shatmaq namshiq ka i setiim shaq ma tiija lata, sungkhu tsiilam li chongkuq tiikang.

2 Corinthians 7:15

Kiimaq krai mren, namshiq ma apaiq lungwiitsii kiimin jong wan wan she, jong wanto. Apaiq raq, namshiq ma sungkhu tsiilam chongkuqtaq kriika, namshiq raq phaqchii nichii maq tai lan kra, apaiq raq tsan na tiitsang shat maq thü tlo. Kiimaq namshiq raq apaiq saü wantaq akhing na, shreng lanta, tiihai song shatmaq apaiq ka tao wan lan.

Ephesians 6:5

Riita ümchaü ka ngi raq namshiq disetiim miishe chongpha, tai ronglaq. Namshiq disetiim raq, namshiq ma han-ngam na tijong wetiim sitlaq bom kra, haisong tsantsii thüshat maq tai ronglaq. Kiimaq kra bom tai lam maq, namtsan na siirairai maq, namshiq raq Khristo jaqshamke ikha tiima lanta shamkuq ronglaq.

Philippians 1:27

Riita, ümchaü namshiq ma akhek pinthum ka, namshiq rilung ka Khristo Tsütsa na jamkhiiwa chong tlaq, kra phanphan singa chang. Krai mren, ngi ka namshiq liiwa wakang lo, kiimaq walap mang lo, li jiimin, ngi raq namshiq ka miitung ashi niili, pharang rang maq chap tlo nguta mitaiha. Kiimaq kra rekhu ashi jaqsham kra ningkhan li, reraüshi maq, Tsütsa Ahea chongke wan jaqsham na misi wan han.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

Philippians 1:5

Ara jamkhano chochi tiikang ngukla, namshiq raq ngi rai Tsütsa Ahea chongke wan jaqsham na, apha maq riita ümchaü niitaq saüli, sham kuq dam tlan.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Philippians 2:19

Tatiwe raq lamdikuq raüla, ngi raq Timothi ka namshiq rai triihum wa, jaqlo liipan niili mitiiwa sham nguta tiima tiikang. Krai mren, namshiq hansang sitlo nguta, tsütsa taiha jiila, ngi ma tsaiji kongtam puq shi she mirnong.

Philippians 4:1

Ara chong tiikang arai mren, lungwii phunainotiim lei, namshiq ka ngi ma lakshiitum alak ha ikha sitlan! Ngi ka namshiq sham chhiro raq ahaü sitiikang! Namshiq raq ngi ka kai tiichochi tlan. Krai mren, ngi ka namshiq miitu, ra na dü ma phipii tiisomrasiq tiikang. Ija, akha riimak i jiita. Ümchaü sanha namshiq raq, Tatiwe ma pharang rang maq kam tlan kata. Akha kamwan ruq maq sirong laq.

Philippians 4:15

Namshiq Philipiati riika ahea wiq asap han. Man na Tsütsa Ahea chongke wa, jaqsham apha wanji na, ngi ka Mesidonia wang maq tiido wan jai, namshiq Philipia phungtuti riili, ngi khrum kuq lan ihata. Ngi rai aliip apha ranaiq min, kiimaq asum arum ranaiq min, pong wan damruq maq jaqsham damti ka namshiq li riilan.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

2 Timothy 2:10

Ara ningkhan tiina, ngi ka Shiikeawe raq maiqse angu phong wa, apaiq riishe nguta tsea wan tiiti thun kra miitu, phanrap phanrii litkot chamchao, haikaiq haike, shumraü kharü wiita nin lata, sitiikang. Arka, Jesuq Khristo lümaq kuq tlaq tiichhii wan rilung kra, milap wan laq nguta, raüta tsangshiq raq pattup pat-sa Shiikeawe khushü kra mitiijong laq nguta nin tiikang.

Hebrews 12:1

Riita, ija ümchaü sanha, nashiq trotam na, nashiq kamasham rilung na, nashiq ka jamkho shongnga tiikai, ara liiwanti, maiq hakhi bi ara chong wankai thun ara asi. Krai mren, ümchaü sanha, nashiq khum na tiibanbi chang ngarai, tiima tsantsii ümchuwa sitlaq kra thun ka wiita, chhut baiq thütlo wan rong i. Laita, kamtsantsii rilung na, ajong alu wan miitu, ümloq na saü li ju chang wa, kiijaq saü wanli chang miitu, shiikut laita ju rong i.

Hebrews 4:1

Riita ija, ümchaü min la, Shiikeawe raq nashiq ma nütiitsak raüta sichang hiqshong kra mikuq kang nguta kiq khamkuqto. Ara khamkuqtaq nütiitsak raüta sichang mungtan kriika, nashiq miitu. Riita nonai notsam lei, Shiikeawe raq namshiq phong wa maiq ka weshi min, ara chong tlaq niitiitsak chang mungtan na saü lot man miili, ajiq we nguta lamkam pii miili tiidea baiq mak chang miitu, hon atsii tiitsang tiitsang maq si rong laq.

Hebrews 4:11

Riita, ara chongtiikai arai mren, lo ümchaü min, nashiq wiitarü kunli raq, kra chongtlaq nii atsak rilung kra lap wan miitu tsapsaü kapse maq, kamasham lamphan na shiikut chaq wan ruq miili si rong i na. Kiikha si hai jiika, natitiim pat na tsangshiq kamtsantsii ajom kha maq, lamkampii miili chhan wantaq kiikha, nashiq ka chhan wan mai miraq.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 Peter 2:11

Phunainotiim lei, ngi raq namshiq ma tiipaiq tiinea lata chongkuq tiikang ara tairong laq. Nashiq ka ara mangjong hiq na wansha we kiimaq wanwe ikhli sitiikai. Namkhum na ngarai han-ngam sükha tsi, namshiq tsaiji rai wranaiqshe riilong liiq rai tlaq kiima, namtsantsii ka naq tiitang rongkiq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.