Philippians 2:11 - ASII LAKDAP Bible (BSI)

¹¹ Kiimaq wiitarü raq tantan maq, Jesuq Khristo dea Tatiwe nguta mishom noq wan. Raüta, Awejong Shiikeawe khushü ka mitiijong wan.

Hawa Naga Bible 2001

¹¹ Yesu Christu kuex Taungjix rvtueq ngoz tueq nuix maq kvjungc ningkhvnc nuex Vwaz Tishox ngauz vngax kuex tvdung wvnc wuez shuex.

Muklom

¹¹ Etho thaji phan Wa Shkewa phun amun rangma, Jesu Khristo raa hun Teyhungwa ta raaq na.

Philippians 2:11 Referencias Cruzadas

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

Tvtsvmc 18:49

Arningkhan ngi raq ümniika maiq mung thun na tiitsam tiikang; ngi raq ümniima tiitsamkam shinge tiikang.

JEREMIA 23:6

Apaiq raq ümtiikiiwa Juda mung thaq na hokham jaq sham wan jiiq, Juda mungti ka khusang miraq kiimaq Israil mungti ka hansang maq misi. Apaiq mang ka ‘Tatiwe Nashiq Tiichhii Wanti,’ nguta mingu.

Matthew 10:32

“Jurwa nokwe man na apaiq ka i sengi nguta tantan maq siwan tlaq, kriiti miitu ka ngi riimin i We man na, ramungtan maq Phangthum Khapho Ranaiq kholam kholiiq hakhi mikuq wan ha.

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

John 12:42

Kiikha riikli jiimin, Jehudinok welabi phong wa, maiq pahea raq Jesuq ma kam wanto. Shatmaq, tsangshiq ka, Phorisinok ma hai ma, tsangshiq kamtsantsii kriika, ra na doli nokwe man na, tiichhi mak miili sito. Kriika, Phorisinok raq tsangshiq ka sinagok wa tiidong baiq jiiq nguta, kriima hai ma adam apaü lam miili kamto.

John 13:13

“Namshiq raq ngi ka Shrinketi we kiimaq Tatiwe nguta hea tlan. Kriika riikhaqli thukto. Ngi ka namshiq raq akha shreng chang dea. Ara jamkhano chongtiikang ngukla, ngi ka kriidea.

John 13:14

Ngi ka namshiq Tatiwe, kiimaq namshiq ma Shrinketi we raq ümchaü namshiq hokphi ka jamkho hetse kuq kang, kiikhiisii hali namshiq liipan niimin, weshi raq weshi hok ka hekuq lili rong laq.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

John 14:23

Kiijiishe, Jesuq raq apaiq bom ka treto, “Jurwa ngi lungwii tlaq, kriiti ka i wokhong na, i bom chong ka phaqchii nichii maq tai raüta misi. I We raq apaiq ka kai milungwii. Kiimaq, i We nainai ka kilaita, apaiq rai adam na misi hai.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 20:28

Kiijiishe, Thomas raq Jesuq bom ka treto, “Ümniidea i Tatiwe kiimaq i Shiikeawe.”

John 5:23

Krai mren, maiqse angu wiita raq, Awe raq jamkho shreng tlaq kiikhiisii hali, Ase kiimin mishreng. Jurwa Ase shreng mak, kriika Ase tiikaiti we, Awe kiimin shreng mak.

John 9:22

Jehudinok welabi ma hai ma anyungwe raq bom ka akha treto. Kra jamkhano hai tla ngukla Jehudinok welabi raq, jurwa Jesuq ka Khristo dea nguta kamtlaq kiimaq nanok ma chongkuq tlaq, kriiti ka sinagok wa ashleq baiq chang nguta aming ashatthü wishe riito.

Acts 10:36

Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.

Acts 2:36

“Riita, ija, ümchaü sanha namshiq Israilnok phan angu tlotli raq, namshiq raq pumsongkham na tübaiq lan we Jesuq kriika, Shiikeawe raq Tatiwe miishe, kiimaq Khristo miishe dea shong wanto nguta, riikhaqli maq sap wan chang ahata!”

Romans 14:11

Arka, Asii bomtsi na Shiikeawe raq chongtlaq kra phan phan mihong tha wan. Asii bomtsi na akha chongtlo: “Ngi ka pattup atra sitiwe Tati. Ngi raq chongtiikang arka tengteng poimak phan. Maiqse angu tarü raq i jichong na bum raüta, ngi mishomnoq wan. Kiimaq maiq phan aweatek raq, ngi ardea Shiikeawe nguta, chiiriim raüta mitsaki wan.”

Romans 14:9

Ara jamkhano chongtiikang ngukla, Khristo ka tsaito. Raüta, amaa wa atra she dong wanto. Kra dong wantaq krai mren, ümchaü apaiq ka maiq atrati nai amaati khu thaq na Tatiwe sitlo.

Romans 15:9

Kiimaq kra thaq niimin, apaiq raq Pongnok phan maiqse kra khup wong kuq wan tlaq kra miitu, tsangshiq raq apaiq ka mitiitsam kam laq nguta kito. Arka Asii bomtsi na waiq thütaq ara tiiku wan miitu she hongtha wanto. Asii bomtsi na akha chongtlo, “Riita ara chongtiikai arai mren, ngi raq ümniika, Pongnok phan maiqse phong na mitiitsam kam wankang. Ngi raq ümniima shomshi mishi wan kang.”

1 Corinthians 12:3

Riita namshiq raq ara bomtsi ara akhek sap rong laq, Asii Wenyi raq shunshea tlaqti maiqse riika, jurmin, “Jesuq Khristo ka ümtsai laq!” nguta ngu mak. Kiimahali, Asii Wenyi raq shunshea hü miika, jurmin, “Jesuq Khristo ka Tatiwe” nguta ngulot mak.

1 Corinthians 15:47

Maiq lai apha wanti we Atam khum ka hiq da wa atiiq. Krai mren, apaiq ka ara mangjong hiq wa maiqse. Shatmaq anai ngoja Atam ka ramungtan wa asatki.

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

1 John 4:15

Jurwa Jesuq Khristo ka Shiikeawe Se dea nguta tantan maq kam tlaq, kriiti ka Shiikeawe rai pumshi hanshi maq sitlo ngushat. Kiimaq Shiikeawe kiimin apaiq rai pumshi hanshi maq sitlo ngushat.

1 John 4:2

Riita tsangshiq khum na sitlaq kriika Shiikeawe raq akuq Asii Wenyi dea sha, riimak wa, kriika ara kappe maq chechiip han jaq ahea miraq: Jurwa Jesuq Khristo ka maiqse han-ngam na pokito nguta kamtlaq, kriiti khum na sitlaq kriika Asii Wenyi dea ngushat miraq. Kriika Shiikeawe raq akuq Asii Wenyi dea ngushat.

2 John 1:7

Maiq lao liiti maiq pahea ka ara mangjong hiq hamli niishe kihoto. Tsangshiq raq Jesuq Khristo ka maiqse han-ngam na poki mak dea nguta arot tra hokuq tlo. Akha bom chongketi ka laopha maiqse. Kiimaq Khristo ma Wesang We.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.