John 3:16 - ASII LAKDAP Bible (BSI)

¹⁶ Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

Hawa Naga Bible 2001

¹⁶ Yvmx khoc lac ngoz ruiux lec Tishox rueq vpiq Saz muex kvmluimx jix htenc kuex batac momaq kay rvhumc muq maq pattup rullungx mlvp wvnc shueq ngoz tueq, vpiq Saz vshiz lauk lauk kuex kuy gay nuex httuiuc laz mungkawx kuex pinhtumc lungwawx tueq.

Muklom

¹⁶ Shkewa mingkang ma tinma eq usa ashey dang tha kotchak ta, irimal ang eq utang eq tho piq o han aa eshi miq sha timoq angna, etharin pattuk rollung kap na.

John 3:16 Referencias Cruzadas

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

RAPHA HIQWA LAK 22:2

Shiikeawe raq nguto, “Ümse ka shea wanlaq. Ümse sekhuq laq laq se Isak kra, ümniiraq pinthum lungwiitlaü kra. Laüta Moria wang kiina walaq. Kiijaq Ngi raq hiqlam ashi ümniima mitiichhikuq kang. Kiijaq apaiq ka Ngi ma honglu na takuq laq.”

ISAIA 9:6

Nashiq miitu noshii ashi chhiito! Ase maiqwe se ashi nashiq ma kuqto! Kiimaq apaiq ka nashiq pengti miraq. Apaiq ka, “Amao Chang Danhonti,” “Ningkun Jonghea Shiikeawe,” “Pattup Pat-sa Awejong,” “Hansang Hokham Maiqwe Se,” nguta mingu.

Matthew 9:13

Asii bomtsi na, ‘Ngi miika mangchan tsii li ra tlo, honglu ngamrea thop ka riimak!’ nguta chongtlaq arka jamlai ngo wa, kra namshiq raq samhea phat rong laq. Lanta kra liichum ka takwan han jaq ahea miraq. Ngi ka chiisan maiqsetiim heakai akiha riimak; ashleq arbaiqti thun kra triichom sheakai kikang.”

Mark 12:6

Riita atiisup niishe sanha, apaiq tsan ran chang aseshaq kli she tiichongto. Krai mren, atiisup niishe, apaiq raq ase kriishe wakshiipti nok phana tiikito. Apaiq raq atsan mong na akhiishe tiima wanto, ‘Ngi raq tiima kla, tsangshiq raq i se shaq she tiiki tiikang arka, mishreng she ahiq,’ nguta tiimato.

Luke 2:14

“Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 1:29

Kiimaq napjai ranaiq niishe, Johan raq Jesuq ka apaiq phanü na awarai she chhito. Kra chhi raüta, Johan raq nanok ma chongto, “Liirong laq arhata, mangjong maiqse ngarai howanti Shiikeawe Skuse!

John 10:28

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

John 3:15

Krai mren, jurwa apaiq ma kamtlaq, kriiti raq pattup pat-sa rilung milap.

John 3:18

“Jurwa Ase ma kamtlaq, kriiti ka tiishut mak she. Shatmaq, jurwa Ase ma kam mak, kriiti ka atiishut baiq wishe. Ara jamkhano chong tiikai ngukla, apaiq raq Shiikeawe Se, sekhuq laqlaqse ma kam mak.

John 3:36

Jurwa Ase ma kamtlaq, kriiti riika pattup pat-sa rilung ka alap wishe. Shatmaq, jurwa Ase kiq khü tlaq, kriiti riika pattup pat-sa rilung ka lap lot mak. Shatmaq, Shiikeawe manson nai apaiq mo kra hophaq raütli she misi wan.

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

Romans 5:10

Akhing ashi na, nashiq ka Shiikeawe ma wesang ralii kong siwan kai. Shatmaq, apaiq raq nashiq ka Ase tsaitaq kra lümaq, ümchaü sanha apaiq khi alubi miishe tiija wanto. Riita, ikhiijiila, ümchaü sanha, nashiq khum na Khristo rilung sitlaq kriiraq tiichhii kuq wan lili raüta, nashiq ka ümtinkhan ajong alu ma tiija wan chang she wa sitla riila nya!

Romans 5:8

Shatmaq, Shiikeawe raq, nashiq ka ümtinkhan tsaü mo mangchan wantlaq, kra nashiq ma tiichhikuq wanto she. Arka apaiq raq, nashiq ka ngarai kharü mong na chamchao rai tiikai kriiwa, Khristo ka nashiq khupi miitu tiiki raüta tsaitaq, kra lümaq tiichhikuq wanto she!

Romans 8:32

Shiikeawe apaiq riili, Ase shaq santla, tiihang mak maq, nashiq tarü miitu honglu na kuqtaq! Apaiq raq nashiq ma, Ase santla kuqtaq, ikhiijiika, apaiq raq nashiq ma laihin ümchuwa raa wan tlaq, kriitiq sha phe maq kuq mak miraq?

Ephesians 2:4

Shatmaq, nashiq miitu Shiikeawe tiihang wan mangchan tsii ka pinthum asho awo rümtlo. Kiimaq apaiq raq nashiq ma lungwiitsii rüm tlaq, kriika achong lot mai, tsaühea rüm tlo.

2 Thessalonians 2:16

Riita, ümchaü sanha, nashiq Tati Jesuq Khristo apaiq pumsii maq, kiimaq Shiikeawe, Nawe Shiikeawe, nashiq lungwiiti we raq, kiimaq nashiq ka apaiq kaphap khoqramkii maq keishat maq, awokhong na tiisi raüta rümti we raq, jangshi min kiimwiiq tiichhan mai phan maq, apaiq lamphan na siwan miitu, srea nola tsantsii li mikuq laq. Kiimaq apaiq saükai khe laita siwan miitu pharangrang ran tsantsii mikuq laq.

Titus 3:4

Shatmaq, Shiikeawe nashiq Chhiiti we raq, maiqse angu tarü miitu apaiq lungwiitsii nai mangchan tsii jonghea rüm tlaq kra, nashiq ma tiichhikuqto she. Kra akhing ranaiq na nashiq ka chhii wanto she.

Hebrews 2:9

Shatmiitiina, nashiq raq, Jesuq ka alose miitu, rasetiim nam miimin anun ma tiijato chhikai. Kra anun ma tiijataq kriika, apaiq raq Shiikeawe kaphap mangchan wokhong maq, maiqse angu tarü miitu mitsai laq nguta atiiki. Raüta, apaiq raq maiqse miitu tsaitaq krai mren, Shiikeawe raq apaiq ka wiitarü thaq na ajong alu miishe shongto. Apaiq khushü ngao ka achhai anyii she kuqto chhi tiikai.

1 John 3:1

Liimanta, Awe raq nashiq ka pinthum lungwiito! Apaiq raq nashiq lungwiitaq kra pinthum jonghea kha maq, nashiq ka Shiikeawe setiim she nguta ngutlo. Kra ngutlaq arka tengto dea na, nashiq ka asetiim she dea sitiikai. Arkha miitiina, phiijawa raq nashiq sap mak. Tsangshiq raq Shiikeawe ka sap mak kha maq, nashiq min sap mak.

1 John 4:19

Nashiq raq Shiikeawe lungwii tiikai. Jamkhano ngukla apaiq raq nashiq ka apha miiphü lungwiito.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,