John 3:15 - ASII LAKDAP Bible (BSI)

¹⁵ Krai mren, jurwa apaiq ma kamtlaq, kriiti raq pattup pat-sa rilung milap.

Hawa Naga Bible 2001

¹⁵ vpiq muex kvmluimx jix htenc rueq pattup rullungx lvp wvnc laz Miq Saz vruex muinz vtsomz gay rvhumc tuex.

Muklom

¹⁵ Irimal ang ajo utang eq piq ma han aa piq aa pattuk rollung kapna.”

John 3:15 Referencias Cruzadas

ISAIA 11:10

Ranaiqshi akhing misaü wan, kra saüwan raüla Dawit saüse phan wa hokham anye shong wantaq kriika maiqmung thun tlotli ma miithii ashi miraq. Tsangshiq ka apaiq hokhamwe sichang chela na mithung wan. Raüta apaiq mishreng wan.

ISAIA 45:22

“Ngi phana warong ra ümchaü, lantea tiichhiiphaqtlo rong laq, mangjong maiqse tlotli raq! Ngi arlishe Shiikeawe ka.

WEAWEA 21:9

Krai mren, Mosheq raq miiki ngam maq paü sumla ashi tiiqto. Raüta kra paü sumla ka lükii na tsomto. Kiimaq juwa paü raq thaütlaq kriiti raq kra paü sumla kra liitlo. Raüta atsi ka heakitlo.

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Mark 16:16

Jurwa Tsütsa Ahea kiima kamwan tlaq, raüta kham lam wan tlaq, kriiti ka mitiichhii wan. Jurwa Tsütsa Ahea kiima kamwan mak, kriiti ma kha mitiiho.

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

John 1:12

Li jiimin la, maiq wiijamti raq, apaiq ka tao wanto. Raüta, apaiq ma kam wanto. Krai mren, apaiq raq tsangshiq ma Shiikeawe setiim ma jawan miitu, arang kuqto.

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

John 20:31

Shatmaq, arjaq waiq kang thun arka, namshiq raq Jesuq kiidea Khristo, kiimaq Shiikeawe Se nguta mikam laq kiimaq apaiq ma kam tlan kra lümaq, namshiq raq rilung milap laq nguta waiq kang.

John 3:16

Ara jamkhano chongtiikang ngukla, Shiikeawe raq mangjong maiqse ka pinthum lungwiitlo. Raüta, Ase Sekhuq laqlaqse kra kuqto. Krai mren, jurwa Ase ma kamtlaq, kriiti ka tsai mak she miraq. Kiimaq pattup pat-sa rilung milap.

John 3:36

Jurwa Ase ma kamtlaq, kriiti riika pattup pat-sa rilung ka alap wishe. Shatmaq, jurwa Ase kiq khü tlaq, kriiti riika pattup pat-sa rilung ka lap lot mak. Shatmaq, Shiikeawe manson nai apaiq mo kra hophaq raütli she misi wan.

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

John 6:47

Ngi raq chongtiikang arka tengteng: jurwa ngi ma kam tlaq, kriiti riika pattup pat-sa rilung alap wan wishe.

Acts 13:41

‘Liirong laq, angok anginok lei, Shiikeawe bom shipoqtitiim lei! Wangthang rai ronglaq, lanta miqphaq wan ronglaq! Ara jamkhano chongtiikang ngukla, ümchaü namshiq pat na ngi raq jaqsham tiikang arka, maiq weshi ra raq namshiq ma chongkuq raü min, namshiq raq kam man!’ ”

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

1 Corinthians 1:18

Ara jamkhano ngukla, Khristo pumsongkham na tsaitaq tsütsa ka juwa tsai lam na kiho tlaq, kriiti miika thiihü. Shatmaq nashiq Shiikeawe raq chhii tlaq kriiti miika Shiikeawe ningkun tu.

2 Corinthians 4:3

Naishiq raq chongkuq tiikai Tsütsa Ahea ka, maiq wiijamti riika akhiismin tak mak dongdii maq siwanti min asi. Tsangshiq ka ranyaq mong na sitibi. Tsangshiq ka amo amii rai wantibi.

Galatians 2:16

Shatmiitiq, nashiq raq maiqse ashi ka, apaiq raq, Jesuq Khristo ma kamtsantsii thü raü jiitiq, Shiikeawe raq apaiq ka, kechu maiqse she dea nguta, Shiikeawe apaiq wokhong na tiisi wan tlo nguta, nashiq raq sap tiikai. Apaiq raq Thungtri aming kra lang tlo nguta, Shiikeawe raq apaiq ka, ümtiikaq ranaiq jiimin, awokhong na, kechu maiqse she dea, nguta tiisi mak. Shiikeawe raq nashiq armin la, Jesuq Khristo ma kamtsantsii thü wan kai kra lü miitiq, kechu maiqsetiim she, nguta awokhong na tiisi wan tlo. Arka nashiq raq Thungtri aming lang laita riimak. Shiikeawe raq maiqse ka, Thungtri aming lang tlo nguta, jumin kechu maiqse ma tiija mak.

Galatians 2:20

Riita, ara chongtiikang, i han-ngam arka atsai kaikun she kha maq, ümchaü ngi atra sitiikang arka, i han-ngam maq atra si ka riimak she. Arka, ümchaü sanha, i khum niika, Jesuq Khristo lishe atra sitlo. Krai mren, ümchaü ngi atra sitiikang i rilung arka, ngi raq Shiikeawe Se, ngi ara pinthum mangchan raüta, ngi miitu tsaiti we ma kamtsantsii thü tiikang kra, lü miili she atra sitiikang.

Hebrews 10:39

Shatmaq, nashiq ka jai na janghoti, raüta tsailam phanhoti ka riimai. Shatmaq, kamtsantsii rümti setiim nguta sitiikai. Kiimaq, Shiikeawe ma kamtiikai. Krai mren, nashiq ka apaiq raq tiikhup wongkuq shat maq sitiikai.

Hebrews 7:25

Kiimaq, apaiq ka pattup pat-sa atrali she sitiwe. Kriikha maq, ümchaü sanha, maiqse angu ümchuwa Shiikeawe wokhong na, Jesuq mang chong raüta wawan tlaq ti thun kra, apaiq raq tiichhii kuq wan ruq lishe miraq. Ara jamkhano ngutiikai ngukla, apaiq ka ümchaü Shiikeawe man na, maiqse miitu kiimwe miishe jawanto.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

1 John 5:1

Jurwa Jesuq kiidea Messia nguta kamtlaq, kriiti ka Shiikeawe se ngushat she. Jurwa awe lungwii tlaq, kriiti riika ase min milungwii.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.