Luke 2:14 - Muklom

¹⁴ Aluk mungtan na Shkewa phun amun cham ang aa etho mingkang wang miqtang bari ma piq nuk aa eshima nungmay cham ang aa.

ASII LAKDAP Bible (BSI)

¹⁴ “Sanseng ramungtan na Shiikeawe khushü mijong laq, apaiq raq lungwiitlaq asengibi, mangjong hiq na siti ma hansang mirlaq!”

Hawa Naga Bible 2001

¹⁴ “Johvlc raungmungx wawc Tishox ngauz vngax kuex mhttax kueq, ghaq htauk vyuq vpiq rueq raungc raq yaq miqsaz lotlaz nuex nomic mhttax kueq!” ngoz wuez tueq.

Luke 2:14 Referencias Cruzadas

Matthew 21:9

Miqtang tha Jesu jakho ko kata etho piq ji jio rong kachey ta, jujong aa ring eq raaq ta, “David Miqwasa, Hosana!” “Teyhungwa miing o utang kapha, piq aa sunmaan kapna!” “Mungtan na Hosana!”

Luke 1:79

etho anak na etho utik jakhangna tongtey tang khom o litna, etho hiqtang raa nungmay lam náng solkat phani.

Luke 19:38

“Shkewa lungwang ma sunmaan ko aa bara Teyhungwa miing o thutapha! Mungtan na nungmay etho Shkewa ma phun amun cham ang aa!”

Luke 2:13

Rikla ang atho rangmuntan wang ralkoltey rangkamwa tang thu eq Shkewa tha shumnuk eq sungsey eq katapha.

Luke 2:15

Ning rel wang rangkamwa rangnáng sey wey wang atho kelwut rimtey tang tha ning jaktung na rongwan titta, “Hiqtang Bethlehem náng ka i, etho thanga chamlang angta bara Teyhungwa batta thi ka eq siin i.”

Luke 3:22

etho Asang Tsija tha hanphung o wotopin mal uhann o qhat kata. Etho rangmungtan wang raaq tatat qhong raaq ta, “Nang raa itinmat sa. Nga nang o rapney sungrang ang.”

John 14:27

“Nga nim ma nungmay sha ko phang, inungmay sha nim ma kochey phang. Mingkang eq chamal kot aa nga nim ma eshimal kopha mong. Nim tin nak cham shit aa etho nim nak cho inn.

John 17:4

Nang aa ngama jaksom kota phu, eshi jaksom tha tahom eq mingkang ro ba phun amun sha takhi táng.

John 3:16

Shkewa mingkang ma tinma eq usa ashey dang tha kotchak ta, irimal ang eq utang eq tho piq o han aa eshi miq sha timoq angna, etharin pattuk rollung kap na.

Acts 10:36

Shkewa aa Israel miqtang ma takat ta raaq tha nim aa usam eq inn, ira raaq thaji sha Teyhungwa Jesu Khristo tungkang o nungmay tungtang qhal.

Romans 5:1

Eshirangma hiqtang kam wang asing miq ta ang ti jo hiqtang Teyhungwa Jesu Khristo tungkang o Shkewa jamoq karok kara ang i.

Ephesians 1:6

Eshi phun amun ráng manchan shi cham tasapsey aa; iri ráng manchan raa piq aa hiqtang ma utinmat Miqwasa tungkang o thanghung wang kot taphi.

Ephesians 1:9

piq aa Khristo tungkang o chamlang somlo ma tathin ta, eshi apu ashum raaq tha piq aa hiqtang aa sam ma kot ta.

Ephesians 2:4

Etharin Shkewa tinshit ahan etho piq ajong utinmat o,

Ephesians 2:7

Irimal ang eq piq aa eshi tinshit wang bara Khristo Jesu o hiqtang ma ang aa, uthok ang pha rangham tang na, piq ráng manchan jin bat moq lik aa ngin sha takhi na.

Philippians 2:11

Etho thaji phan Wa Shkewa phun amun rangma, Jesu Khristo raa hun Teyhungwa ta raaq na.

Philippians 2:13

Chammatakoi nim unuk angma etho piq raaq tat ma Shkewa nim jaktung na somlo aa.

Colossians 1:20

Etho Miqwasa tungkang o mingkang ro ang ajo tho, mungtan ro ang ajo tho thaji tangwang sha ujamoq wey kara ma Shkewa tathin ta. Miqwasa bólq o tasal ta tahi tungkang o piq aa irimal somlo ta.

2 Thessalonians 2:16

Hiqtang Teyhungwa Jesu Khristo hun etho hiqtang Shkewa barey hiqtang ma tinmat shing taphi etho piq ráng manchan wang hiqtang ma pattuk rangma tinthajong nia jaqhal tungmang kot taphi,

Revelation 5:13

Etho nga mungtan na, mingkang na, mingkang khung na, etho jungshi na etho bara iri mong na thaji shey usey ang aa tha tat ta, “Lungwang tongching na tongtey ma etho Kelwut sa ma tasapsey, rangka, phun amun, etho tarong pattuk rangma salwet cham ang aa.”