John 17:4 - ASII LAKDAP Bible (BSI)

⁴ Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

Hawa Naga Bible 2001

⁴ Ghaq htauk vyuq ngaz rueq mnoz ngauz vngax kuex tvdung wvnc tauk shex, ngaz rueq gurc pic tvkoc mnoz rueq ngaz muex kuq phux yauk shuimc htenc kuex lot tauk shex.

Muklom

⁴ Nang aa ngama jaksom kota phu, eshi jaksom tha tahom eq mingkang ro ba phun amun sha takhi táng.

John 17:4 Referencias Cruzadas

Luke 22:37

Ara jamkhano chongtiikang ngukla, ngi miitu Asii bomtsi na, ‘Apaiq riika thiimeaq dakubi kharü homa kra riisha howan damto,’ nguta chongtlo. Kra ngi miitu achong thü bomtsi kriika riikhaqli maq kuwan miitu, akhing she hong wato.”

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

John 14:13

Kiimaq i mang na namshiq raq jamlai phan wa mijaü han, kriika ngi raq misham kuq ha. Krai mren, Ase lümaq Awe khushü ka mijong.

John 14:31

Shatmaq, mangjong maiqse raq ara bomtsi ara sap chang akhek. Ngi raq i We ka kai lungwii tiikang. Kriikha maq, phanrap na, i We raq ngi ma jamlai bomtsi wa chongkuq tlaq, kriili ngi raq sham tiikang. “Lo, tiidong rongphiishe. Nashiq ka arjam maq tiido rong i she. Warong i.

John 15:10

Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

John 19:28

Jesuq raq apaiq jaqsham ka thumthum kun kang she nguta asap. Krai mren, Asii bomtsi na awaiq thü bomtsi kra shiiku wan miitu, apaiq raq, “Ngi kham nyangtsi,” nguta kham jaüto.

John 19:30

Jesuq raq, kra che kra shup nyang raütiishe, “Ümchaü ka thumto she!” nguta bomto. Kra bomri lishe, apaiq raq akhu ka hiq nü na kusaq riito, kiimaq alang tiipitto.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 9:3

Kiijiishe, Jesuq raq tsangshiq bom ka treto, “Apaiq makchuk dongtaq arka, anyungwe ngarai nai apaiq ngarai ningkhan ka riimak. Shatmaq, apaiq khum na Shiikeawe wangchang jaqsham kra tiichhike miitu dongto.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

2 Timothy 4:7

Ngi riika, ara kamasham rilung lamphan aju riilong na, nola we ashi ma ja lata, aju riilong thungtri riikhaqli maq juwan lot kang she. Ngi raq aju chang lamlu kra tiinyi li julot kang she. Lata, kamasham rilung ka awongsii ma tiija kang she.