John 17:5 - ASII LAKDAP Bible (BSI)

⁵ I We lei! Riita ümchaü min, ra nai hiq min mitiiq shaq niiphü, i khushü jonglu siwantaq irhali, ümchaü ümniirai mantut na, tiijong kuq nonglaq.

Hawa Naga Bible 2001

⁵ Iwaz lex! Mungkawx max tvdung sung maq phuex mnoz rulc vdvmz nuex ngaz rueq lvp wvnc tauk ngauz vngax kuex majuiuc mkhaungkac nuex ngaz muex kuq koq.

Muklom

⁵ Iwa, mingkang phanghun jakho bari phun amun raa nga ba jamna shing táng, thanga ba jakho na eshi phun amun shey nga ma tashey phu.”

John 17:5 Referencias Cruzadas

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 10:30

I We nainai ka ashi li.”

John 14:9

Kiijiishe, Jesuq raq treto, “Ngi ka luhea she namshiq tarü rai adam na siwan kang. Kra taü maq dongdii min, ümchaü niitaq ngi ka juwa, ümniiraq sap maüli shatshat sha Philip? Jurwa i sham chhitaq, kriiti riika, i We sham kiimin chhito she. Kra taümaq dongdii min, ümniiriika, ‘Naishiq ma Awe sham ka tiichhi kuqlaq’ ngutiika jamkho ngutlaü?

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 8:58

Kiijiishe, Jesuq raq tsangshiq bom ka treto, “Ngi raq chongtiikang arka tengteng: Abraham ka michii shaq niiphü, ngi ka asi dongdii riikang.”

Philippians 2:6

Apaiq ka Shiikeawe pumsongti we. Li jiimin Shiikeawe rai chaü ngachang na nga wan, apaiq raq dadü mak.

Hebrews 1:10

Apaiq raq akha nguto, “O TATIWE lei, ümniiraq apha na mangjong hiq ara phansang wan laü; Kiimaq, ramungtan thun ka tiiq wan laü.

Hebrews 1:3

Apaiq sham ari ka Shiikeawe achhai anyii ngao kra dongdii, shamshi ngamshi. Kiimaq Shiikeawe rong arai sham ari ka kunli, apaiq khum na tiisam tlo. Kiimaq apaiq nübok maq dong tlaq ningkun henghea bomtsi lümaq, ra nai hiq wiita rüm tlo. Apaiq raq ara mangjong hiq na diim tlaq, mangjong maiqse ngarai diike wan lam ka tankuq wan tlii raütiishe, apaiq ka sanseng ramungtan na ngati we, Ningkun Ajong thaq na Ajong Rümti we Shiikeawe sitlaq ngachang tho na, jaqtsi nü niishe nga wato.

1 Peter 1:20

Jesuq Khristo ka Shiikeawe raq man na, ara rapha hiqwa min mishaq niiphü dongdii, namshiq chhiike wan miitu atsea arwan. Kra tsea wantaq kriishe ümchaü pat na, ara phangthum wan pat niishe namshiq ka tiichhii kuq wan tlo. Riita ara pat arka ümchaü athum wan nini she.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.

1 John 1:2

Ümtiikiiwa ara rilung ka mak maq chhili chang she maiqse ma pokitaq, naishiq raq apaiq ka chhi kai. Kra ningkhan, naishiq raq apaiq Tsütsa ara chong tiikai. Kiimaq pattup pat-sa rilung, Awe rai sitlaq, kiimaq kra rilung ka ümchaü nashiq ma tiichhi kuq tlaq kra manphan chongkuq tiikai.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 3:21

Jurwa rekhat tangtlaq, kriiti ka ngi hokham ngacho tho na nga dam miitu ngi raq arang mikuqha, ngi raq rekhat tang lata, srea ma jawankang krai mren, ümchaü i We hokham ngacho tiinap na nga tiikang. Kiikhiisii kriiti kiimin ngi tiinap na i hokham ngacho na mitiinga ha.