John 17:6 - ASII LAKDAP Bible (BSI)

⁶ “Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

Hawa Naga Bible 2001

⁶ “Mungkawx vwawc thvl wvnc vtueq ngaz muex lekuq phux miqsaz htenc muex ngaz rueq tvtuiuz kuq wvnc tauk shex. Mnoz rueq tsuingshiq kuex guimz wvnc toq ningkhvnc nuex tsuingshiq kuex ngaz muex lekuq phux, tsuingshiq rueq muinz mbomjungc kuex phvnx tvhungx wuez yaq.

Muklom

⁶ “Nang aa mingkang wang kota phu miqtang shima nga ba miing takhi táng. Ning ba rang angta etho nang aa ning tha ngama kota phu, etho ning aa ba raaq utat eq ta.

John 17:6 Referencias Cruzadas

Tvtsvmc 119:11

Ngi raq üm tri raütu imong jüna shaq thü tiikang, arka ngi raq ümmak liina ngarai tang mang miitu.

Tvtsvmc 22:22

Ngi raq inok ibin ma michongha ümniiraq jamlai wa shamkuq laü kra; Ngi raq ümnaq mitiitsamha tsangshiq phungtu maq:

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

TAKSU LAK 2:10

Ümniika taksma maiqse ma mija haü. Kiimaq nyan phaqchi raq, ümniima chochi rilung mikuq.

TAKSU LAK 23:23

Tengteng, nyan phaqchi, asaptsin, kiimaq taksu tsii, arka athii tsinhea maq richang. Arka rahea phan maiq ma naqshakiq,

John 1:18

Shiikeawe sham ka ümchaü niitaq, maiqse angu wa, jurmin chhi mak shaq. Ase sekhuq laqlaqse, Awe rai shamshi, Awe wokhong na siti we kra riili, Shiikeawe hon atsii ka, maiqse ma tiichhi kuqto.

John 12:28

I We loi, maiqse ma üm khushü jonglu kli dea tiichhikuq laq!” nguta Jesuq ka Awe rai riibomto. Kiijiishe, “Ngi raq I khushü jonglu ka tiichhi kuq kang she. Kiimaq Ngi raq jangshi ri hali mitiichhi kuq nongha,” nguta ra wa maiq bom ashi raq Jesuq bom ka treto.

John 15:19

Namshiq ka phiijawa rii sitlan ngu raü ka, tsangshiq raq namshiq ka tsangshiq kongtisii nguta milungwii. Shatmaq, namshiq ka mangjong hiq wa, ngi rii she nguta, ngi raq tsea tsiiq wan kang. Namshiq ka mangjong hiq rii riimak she. Arkha miitiina, ümchaü mangjong maiqse raq namshiq ngeng tlaq.

John 15:3

I We bomtsi namshiq ma chongkuq tiikang kriiraq, ümchaü namshiq khum ka, atiisiike wishe.

John 15:7

Shatmaq, namshiq ka i dü na chamshat maq siwan lili riihan jiila, kiimaq i bomtsi ka namtsan mong na cham wan raü la, namshiq raq i We jaq wa jamlai phan wa mijaü han, kriika namshiq ma mikuq.

John 17:12

Ngi ka tsangshiq rai adam sikang liipan na, ümniiraq akuq haü ümmang jong ningkun maq, ngi raq tsangshiq ka khup wong kuqshat maq rüm wan kang. Ngi raq tsangshiq phong wa, ashi min tiiko mang maq, aheawiq maq tiichhan chhi wan kang. Ashi momiq wantaq riiwe kla, Asii lakdap na awaiq thü bomtsi kra tiikupi wan nguta sholam wailam phan na kihoto.

John 17:14

Ngi raq tsangshiq ma ümbomtsi ka chongkuq kang she. Kriikha maq, mangjong maiqse raq, tsangshiq ka ngeng tlo. Ara jamkhano ngukla, ngi ka mangjong hiq rii riimang. Krai mren, tsangshiq kiimin mangjong hiq rii riimak.

John 17:16

Ngi ka mangjong hiq rii riimang. Krai mren, tsangshiq kiimin mangjong hiq rii ka riimak.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 17:26

Ngi raq tsangshiq ma, ümmang ka triisap kuq wan kang she. Kiimaq, arthaq niimin ngi raq ümmang ka tsangshiq ma, atsaü maq triisap kuq wan ruq li mirha. Krai mren, ümniiraq ngi lungwii tlaü, ümmang chan tsantsii ka tsangshiq tsan mong na misi wan. Krai mren, ngi min tsangshiq rai tsanshi mongshi maq misi wan dam ha.”

John 17:7

Kiimaq ümniiraq ngi ma phanrap kuq laü irka, ümjaq wiidea nguta ümchaü tsangshiq raq wiita sapto she.

John 18:9

Apaiq raq ara bomtaq arka, apaiq raq kongkhuji maq, Awe ma, “I We lei, ümniiraq ngi ma i sengi ümchuwa kuq laü, kiiwa ngi raq ashi min tiimomiq mang maq khup wong kuq kang,” nguta bom khamkuqtaq kra tiiku wan miitu she hongtha wanto.

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 6:39

Kiimaq ngi tiikaiti we raq tiima tlaq ka, apaiq raq ngi ma maiqse ümchuwa kuq wantaq, kiiwa ngi raq ashi min tiimo baiq mang maq, phangthum ranaiq na, ngi raq tsangshiq tarü ma, tsitsü rilung mikuq ha dongdii nguta riichopisiqtlo.

John 8:51

Ngi raq chongtiikang arka tengteng: Jurwa i bomchong ara lang tlaq, kriiti ka ümtiikiimin tsai mak she.”

John 8:52

Kiijiishe, tsangshiq raq apaiq bom ka tre nongto, “Ahata! Ümkhum na abi winji asi ngutiikai ka tiisapshat she dea! Abraham ka atsaikai kun she. Kiimaq shammibi thun kiimin atsaikai kun she. Jamlai jiq ngu kai! Ümbom chong kra lang wanti ka tsai mak she miraq ngukai?

Acts 13:48

Kra traho bomtsi chongkuqtaq kra, Pongnok phan maiqse raq tai raüta, tsangshiq ka kai khoqriiq shishiiq she chochi wanto. Kiimaq tsangshiq raq, Tatiwe bomtsi ka pinthum tiitsam kam wanto. Kiimaq, Shiikeawe raq pattup pat-sa tsitsü kewan miitu maiq ümchuwa tsea wantaq, kriiti thun ka kamasham maiqsetiim miishe tiija wanto.

Romans 11:2

Shiikeawe riika, apaiq raq hiqpha rawa miiphü atsea arwan, asengi shaq ka shubaiq tlii ka, shubaiq mak dea. Asii bomtsi na Elija raq Israilnok ka Shiikeawe ma kamwan mak riitlo nguta shra wan bom chong tlaq kiijaq, Shiikeawe raq Elija bom ka jamkho tretaq kra namshiq raq phat tlan ahiq na. Elija riika akha achu jaüto.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

2 Timothy 1:13

Shrawe ashi raq nanok ma tengtlaq bomtsi ka jamkha trahoke chang wa, kiimaq jamkha shrinke chang wa, kra jaqsham ka ngi raq ümniima tlang kuq kang she. Ümniiriika i jaqtho lap laü she. Kra kha maq, kra phanphan sham wan lili riilaq. Jesuq Khristo pum lümaq tengteng kamtsantsii, nashiq ma kuqtaq, kiimaq lungwii tsantsii kuqtaq kra arang samhea tiipha laüta tiicham laq.

Hebrews 2:12

Apaiq raq Shiikeawe ma tsangshiq miitu bom ka akha chongtlo: “Ümniiraq jamlai jaq wa shamkuq laü kra, ngi raq, I notiim ma michong kuq ha; ngi ka tsangshiq phong na nga lata, ümniika mishom raa ha.”

Hebrews 3:6

Shatmaq, Khristo ka Shiikeawe ma Ase. Krai mren, apaiq ka Shiikeawe sengi thun kra tsapkapkap maq rümti we. Nashiq raq Shiikeawe ma kamtsantsii rüm tiikai ara thaq mai phan maq, tsan tiijong laita, pharangrang maq sihai jiila, nashiq thun armin, Shiikeawe sengi nguta misi rong i.

1 Peter 1:1

Ngi, Petar, Jesuq Khristo kiimwe raq-- Shiikeawe raq raq atsea wan maiqsetiim, munglu wanshanok ma ja raüta, Pontas wang, Galatia wang, Kapadosia wang, Asia wang, kiimaq Bithinia wang na riinyin riishin sitibi ma tiiho wan tiikang.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 3:10

Riita, namshiq raq chamchao ranaiq min, ngi raq achongkuq wan aming ka nungpaq man maq lang wan lan, krai mren, ngi riimin namshiq ka, ara mangjong maiqse ma maitai chamchao jonghea saüho tlaq kiiwa, khup wong kuqshat maq mirüm ha.

Revelation 3:8

Namshiq raq jaqsham tlan kriika ngi raq asapha. Namshiq ningkun ka akhiise kriimin asapha. Ningkun akhiiseli jiimin, namshiq raq i bomchong ka tsapkapkap maq lang tlan. Kiimaq ngi rai tiinap shatmaq sitlan. Krai mren, ngi raq namshiq ma kilü ashi dije thü tiikang. Kriika jurmin shaq lot mak she.