JOSHUA 8:8 - ASII LAKDAP Bible (BSI) Namshiq raq chela ka longwan lot jai, Tatiwe raq aming kuqtaq kra phanphan, chela ka wa maq chaq rong laq. Ara ngi raq namshiq ma aming kuqtiikang.” Hawa Naga Bible 2001 Nuimhez rueq ghaqyungx kuex lvp wvnc shuinx yix Yehowa rueq nvr tueq rulc rv-ngvlc wvr maq jauk gay shuinz. Kvruex kuex nuimshiq rueq phvnc juing nvrc bomc htenc rvtueq,” ngoz tueq jungx tueq. |
Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”
“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.
Kiijiishe tsangshiq raq Joshua bom ka akha treto, “Ümniiraq naishiq ma jamlai aming wa kuqtlaü, kra naishiq raq misham hai. Kiimaq ümniiraq naishiq ka ümriiba niiwa tiiki tlaü, kiijaq miki hai.
Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”
Kra lot raütiishe, tsangshiq raq chela ka wa maq tiibunlak, hiq maq hutse chaqbaiqto. Shatmaq hup asam thun chaq maq atiiq, kampho maq atiiq, miiki maq atiiq, kiimaq jin maq atiiq thun ka, tsangshiq raq ümchuwa riichom taq kriika, lamho raüta Tatiwe tsamtiip khok na thühoto.
Rekhatti phenlabi apako piitiip ka Ai chela maq hiqkhu nünü na tiihongto. Kiimaq phenlabi wiijam ka Ai chela maq shenyap nünü siim na tiihongto. Kiimaq Joshua apaiq ka kra rawa hiqthung tan kiijaq japto.
Ümniiraq Jeriko chela nai kiiwa hokhamwe ka jamkho riilaü kiikhiisii Ai chela nai ahokhamwe kiimin mirhaü. Shatmaq kiiwa hup asam thun nai atra jam nyamse thun ka, sepat lopi ma namshiq maiqmii raq tsuqphaq wan mimai. Chela jai nünü kiimaq bom hai lanta khe rong laq.”
Kiijiishe, chela khatti Israilnok kriimin, lamhong kiina satho raüta re ka khat wan damto. Krai mren, Ai chelati raq tsangshiq ka trotam maq, Israilnok raq akom baiq wan wishe chhito. Krai mren, tsangshiq ka thumthum jiipbaiqto. Maiq ka weshi min julap mak riito. Kiimaq jumin atra tiichong mak riito.
Joshua raq Ai chela ka wa maq bunlak chaqbaiqto. Raüta hiqmiq changkhü ma tiija baiqto. Krai mren, ümchaü niitaq Ai chela ka kiikhiili sitlo.
Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.
Krai mren, Joshua raq tsangshiq ka tiiwa baiqto. Kiimaq tsangshiq ka wawan raüta, tsangshiq bom hai chang ba kiina tiipaü wanto. Raüta kiimaq khewan lito. Kra bomhai wan chang ba ka Ai chela maq shenyap nünü siim na, Ai nai Bethel chela heawea na riito. Raüta Joshua ka kra rawa piitiip na japto.
Ranaiqshi apaiq raq Abinoam se Barak, Naphtali wang na Kedesh chela na sitiwe ka apaiq phana tiiheakito. Raüta apaiq raq Barak ma akha chongto, “Tatiwe, Israilnok Shiikeawe raq ümniima ara aming kuqto, ‘Naphtali phan nai Jebulun phan wa rewe hingroqshi sheaho laüta, Tabor Pum kiina walaq.