JOSHUA 8:22 - ASII LAKDAP Bible (BSI)

²² Kiijiishe, chela khatti Israilnok kriimin, lamhong kiina satho raüta re ka khat wan damto. Krai mren, Ai chelati raq tsangshiq ka trotam maq, Israilnok raq akom baiq wan wishe chhito. Krai mren, tsangshiq ka thumthum jiipbaiqto. Maiq ka weshi min julap mak riito. Kiimaq jumin atra tiichong mak riito.

Hawa Naga Bible 2001

²² Ghaqyungx mungx nuex vhttuiuc wuez Israel miqsaz htenc rueq muinz khvt kaz naungx tueq. Israel miqsaz rueq tvjep tuimc wvnc rvhumc ningkhvnc nuex Ai ghaq wuinz htenc lotlaz thvy gay rvhumc tueq. Vshiz raung muinz luenx muq, Ai hokhvmx waz maq lvy vtueq kvyuq vshiz muinz tvraungx lvp muq.

JOSHUA 8:22 Referencias Cruzadas

YOBA 20:5

abi ati maiqse ka chojong chise maq rilung alu simak.

TRI CHONGKE 7:2

Ümtiikiiwa Tatiwe namshiq Shiikeawe raq armung thun ka namshiq jaqkhon mong niishe kiinong kuqtlaq, kiimaq namshiq raq tsangshiq ka khat lanta tang wantlan, namshiq raq tsangshiqnok ka kunli miqchup jiipbaiq wan ratlo. Tsangshiq nok rai wehea riija tongshong wan maimak. Riimakla tsangshiq ka tiihang wan maimak.

1 Thessalonians 5:3

Maiqse raq ümtiikiiwa, “Ai, ümchaü kla, jamlai chapa chang min ahü she. Mungtsing mung-ngang she. Ümchaü kla, jam min ngusiq mak she,” nguta tsangshiq ka, ümtum ümmai misisiq. Kra bala shon li, tiihanghiiq miili, tsangshiq ka miqchup, mithen wan! Kra Phangthum akhing Ranaiq saükai ka, jechakre nowüchhi tsi, tiihanghiiq miili dongki tlaq, ikhli tiina misaüki. Krai mren, mungmaiqse ka, kra chamchao walü mong wa, jumin hang wanlot mak she miraq.

JOSHUA 10:28

Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.

JOSHUA 6:21

Tsangshiq raq nepja maq, chelati maiqwere kiimaq jechakre, nyungwe nose wiita jiipbaiqto. Tsangshiq raq nyamse thun minsaü, skukong, kiimaq kumtoq kong wiita jiipbaiqto.

JOSHUA 8:21

Riita Joshua nai asengi raq, akongtibi raq, Ai chela ka khathoto she, kiimaq wa maq chaqbaiqto she nguta chhi raüta, tsangshiq ka jai na tro rang raüta, Ai chelati kra jiip wanto.

JOSHUA 8:23

Shatmaq Ai chela hokhamwe kra lamlamli atra tiichongto. Raüta apaiq ka lap raüta Joshua phana sheahoto.

JOSHUA 8:8

Namshiq raq chela ka longwan lot jai, Tatiwe raq aming kuqtaq kra phanphan, chela ka wa maq chaq rong laq. Ara ngi raq namshiq ma aming kuqtiikang.”