JOSHUA 8:2 - ASII LAKDAP Bible (BSI)

² Ümniiraq Jeriko chela nai kiiwa hokhamwe ka jamkho riilaü kiikhiisii Ai chela nai ahokhamwe kiimin mirhaü. Shatmaq kiiwa hup asam thun nai atra jam nyamse thun ka, sepat lopi ma namshiq maiqmii raq tsuqphaq wan mimai. Chela jai nünü kiimaq bom hai lanta khe rong laq.”

Hawa Naga Bible 2001

² Mnoz rueq Yerikho ghaq nuiyc kvruex hokhvmx waz kuex mnoz rueq rvgay toq ikhoc, Ai ghaq nuiyc kvruex hokhvmx waz kuex rvgay shuiux, yuq muinz majuiuc lauk kuex hup vsvmx htenc nuiyc nyvmx saz htenc kuex nuimhez rueq lvmc mvy yaq. Kvkhoc rvtueq ghaqyungx yix kox kvmaq dung phawk khvt tvkoc tvhungx shuinz,” ngoz tueq jungx tueq.

JOSHUA 8:2 Referencias Cruzadas

2 KAÜWA WERAÜ 13:13

Kra liipan niili Jeroboam raq Juda mungti phenlabi ka jainong nü maq bom hai raüta bok wan miitu aphenlabi wiijam tiikito. Kiimaq abiti, riika khaki maq khatho ma tiijeshat kheto.

2 KAÜWA WERAÜ 20:22

Tsangshiq raq ashi ange she shitrang wan kiita sanha, Tatiwe raq re kong tsangshiq khat wa watlaq kra sunghü tsiihü phiip miishe tiitsaito.

Tvtsvmc 39:6

rakii na tsaiji nyamtlaq ikhli, apaiq raq min ümtin wa shiiqtlaq kra atuli; apaiq raq tsiiq tum ka tothütlo, shatmaq jurwa milap wan kriika sapmak.

TAKSU LAK 13:22

Maiqshaqti riika asaü asetiim ma, tachong hupsam thüthütlo. Shatmaq ngarai maiqsetiim tsiiqtum ka, kechu maiqsetiim jaq na saüwatlo.

TAKSU LAK 28:20

Tingting maq siti ka, rilung alu misi. Shatmaq jurwa chiithe ja, taülaü tlaq kriiti ka, moho raüta mitsai.

JEREMIA 17:11

Jurwa maiq laolii raüta chiithe ma jatlaq; kriiti ka wushi kaü ashi raq apaiq raq atai riimak, atai phong wokuq raüta asetiim thütlaq ikha. Arilung ka shethungpii niili atsiiq tum ka misumphaq, atiisup na apaiq ka angiwe miili she mija.

JEREMIA 51:12

Bebilon chela ruk thun kra run miitu jaq maq jap lanta tiichhi kuq ronglaq. Phenlabi ka apa maq tiikhe ronglaq! Kintsongti thun ka tsong ronglaq! Bom hai lanta tiikheli ronglaq!” Tatiwe raq Bebilon mungti khuthaq na jamlai mikloha ngutiiwa chongtaq, kriika kloto she.

TRI CHONGKE 2:35

Nashiq raq jam nyamse kong thun kunli lap wankai. Kiimaq chela thun ka kunli chongthum tiiwa baiqkai.

TRI CHONGKE 20:14

Shatmaq, namshiq raq jechakre, nosere kong kiimaq jam nyamse kong thun ka kra chela mong na laihin hupsam sitlaq krai nong nong, namshiq raq maiqmii miitu lamho ronglaq. Namshiq raq namjaqtinok hupsam thun ka wiita lang wan mimai. Kriika Tatiwe raq namshiq ma ake kun she.

TRI CHONGKE 3:2

Shatmaq Tatiwe raq ngi ma nguto, ‘Apaiq ma ümniika naqhaikiq. Ngi raq apaiq ka, kiimaq asengi sreabi thun ka, kiimaq apaiq mungtan hiqshong thun ka wiita ümjaq khon na mikiinong kuqbaiq kang. Ümniiraq Ammoraiqnok hokhamwe Sihon Heshbon chela pengtiwe ka jamkho chongthum tiiwa baiq laü kiikhiisii apaiq kiimin chongthum tiiwa baiqlaq.’

JOSHUA 10:1

Jerusalem hokhamwe Adonijedek raq, Joshua raq Jeriko chela ka khat raüta tiithenbaiqto kiimaq kiiwa hokhamwe ka tsatbaiqto, kiikhiisii hali, Ai chela ka khatto. Raüta tiimiqchup shiithen baiqto, kiimaq kiiwa hokhamwe kiimin tsatbaiqto nguta tsütsa ka taito. Kiimaq apaiq raq Gibeon chelati riika Joshua rai tongshongto, raüta Israilnok rai wehea jaraüta, tsangshiq rai adam niishe sitlo nguta tsütsa ka taito.

JOSHUA 10:28

Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.

JOSHUA 11:14

Israilnok raq arthun chela khattaq kiiwa araa ariq phan hupsam thun nai nyamse thun ka, tsangshiq miitu lamho raüta thühoto. Shatmaq tsangshiq raq maiqse ngusaq kla weshi min atra tiichong mak, tiimiqchup jiipbaiqto.

JOSHUA 6:21

Tsangshiq raq nepja maq, chelati maiqwere kiimaq jechakre, nyungwe nose wiita jiipbaiqto. Tsangshiq raq nyamse thun minsaü, skukong, kiimaq kumtoq kong wiita jiipbaiqto.

JOSHUA 8:12

Apaiq raq sreabi hingbiingi tin kra shea wan raüta, Ai chela maq shenyap nünü siim kiijaq bom hai raüta, Ai chela nai Bethel chela heawea na tiipaü thüto.

JOSHUA 8:14

Riita ümtiikiiwa, Ai chela hokhamwe raq Joshua phenlabi phong ka chhitaq, apaiq raq tlothit li she, rechap wanto. Raüta apaiq raq asengi sreabi ka shea raüta, Jordan rai jüwii tan kiina, Israilnok khat kai, kongkhu lak na riikhat raitaq hiq ba kiina johoto. Shatmaq apaiq ka jai nü miishe mikhat wan ngutiika sapmak riito.

JOSHUA 8:19

Kiimaq apaiq raq ajaq ka ra nü na dotaq krai mren, phenlabi atiipaü araq kiiwa dongchhaq dongrang she riito. Raüta chela mong kiina phong rang nyap wanto. Raüta chela ka long raüta jiiwanto. Raüta tsangshiq raq tlothit li wa maq chaqto.

JOSHUA 8:24

Israilnok raq tsang jaqtinok ka hiqsii ram binjü kiiwa, tsangshiq johoti thun ka wiita tiimiqchup jiipbaiqto. Raüta tsangshiq ka Ai chela na jang wanto. Raüta maiqse angu wiita tiimiqchup jiipbaiqto.

JOSHUA 8:3

Krai mren, Joshua raq asengi phenlabi tlotli shea raüta, Ai chela ka khatwa miitu rechap sürii wanto. Apaiq raq asengi sreabi phong wa kuilang kuilabi thun hingroqtsam tsea raüta rawa niili tiiwa baiqto.

JOSHUA 8:7

Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.

JOSHUA 8:8

Namshiq raq chela ka longwan lot jai, Tatiwe raq aming kuqtaq kra phanphan, chela ka wa maq chaq rong laq. Ara ngi raq namshiq ma aming kuqtiikang.”

JOSHUA 8:9

Krai mren, Joshua raq tsangshiq ka tiiwa baiqto. Kiimaq tsangshiq ka wawan raüta, tsangshiq bom hai chang ba kiina tiipaü wanto. Raüta kiimaq khewan lito. Kra bomhai wan chang ba ka Ai chela maq shenyap nünü siim na, Ai nai Bethel chela heawea na riito. Raüta Joshua ka kra rawa piitiip na japto.

JOSHUA 9:3

Shatmaq Hiwaiqnok Gibeon chelati riika, Joshua raq Jeriko chela nai Ai chela ka jamkho riita, kra tsütsa ka taito.