JOSHUA 8:8 - Hawa Naga Bible 2001

⁸ Nuimhez rueq ghaqyungx kuex lvp wvnc shuinx yix Yehowa rueq nvr tueq rulc rv-ngvlc wvr maq jauk gay shuinz. Kvruex kuex nuimshiq rueq phvnc juing nvrc bomc htenc rvtueq,” ngoz tueq jungx tueq.

ASII LAKDAP Bible (BSI)

⁸ Namshiq raq chela ka longwan lot jai, Tatiwe raq aming kuqtaq kra phanphan, chela ka wa maq chaq rong laq. Ara ngi raq namshiq ma aming kuqtiikang.”

JOSHUA 8:8 Referencias Cruzadas

2 SAMUEL 13:28

piq nvrc waz hez muex vkhoc jungx tueq: “Amnon kuex pawc hvlc baunglaung ngaz rueq nvr phaungx yuq, piq kuex thvt gay shuinz. Nauk hiz kaz. Ngvy pumz maq khvmc shaungx. Khvmc thuinz httax wuez kuinz, nauk ruingraung kaz!” ngoz tueq jungx tueq.

TRI CHONGKE 20:16

“Yuq muinz Yehowa nuimshiq Tishox rueq nuimshiq muex kuq kv-phuinx mungx wawc ghaqyungx htenc kuex khvt vtueq lvp wvnc shuinx yuq, kvruex wawc miq htenc kuex lotlaz thvy gay rax.

JOSHUA 1:16

Tsuinghez rueq Yoshua muex ngoc, “Mnoz rueq jungx phux phvnx ruip rawx kuex nuiyshiq rueq shuimx shix, mnoz rueq tvkaz phux baung ruip rawx kvyuq kaz tix.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 6:24

Kvruex yimaq tsuinghez rueq ghaqyungx nuiyc kvruex yuq httax yaq phvnx htenc lotlaz kuex wvr maq jauk tvbac gay tueq, kuimshawx, kuimphox, yanx shawx, yanx htenc maq vtvhungx hup svmx htenc kuex lvmz laq vtueq Yehowa tsak tumz nuex htawc wuez tueq.

JOSHUA 8:13

Kvruex ghaqyungx ghaqkhux kox nuex jerak tec httax yaq bix wvyvmc nuiyc ghaqyungx maq shalx nyuip kox nuex aungx yaq miq htenc kuex ralx khvt tvkoc tvyoalc tueq. Yoshua kuex ghaq warc kvyuq raungwvrx tvlvy tueq.

JOSHUA 8:2

Mnoz rueq Yerikho ghaq nuiyc kvruex hokhvmx waz kuex mnoz rueq rvgay toq ikhoc, Ai ghaq nuiyc kvruex hokhvmx waz kuex rvgay shuiux, yuq muinz majuiuc lauk kuex hup vsvmx htenc nuiyc nyvmx saz htenc kuex nuimhez rueq lvmc mvy yaq. Kvkhoc rvtueq ghaqyungx yix kox kvmaq dung phawk khvt tvkoc tvhungx shuinz,” ngoz tueq jungx tueq.

JOSHUA 8:22

Ghaqyungx mungx nuex vhttuiuc wuez Israel miqsaz htenc rueq muinz khvt kaz naungx tueq. Israel miqsaz rueq tvjep tuimc wvnc rvhumc ningkhvnc nuex Ai ghaq wuinz htenc lotlaz thvy gay rvhumc tueq. Vshiz raung muinz luenx muq, Ai hokhvmx waz maq lvy vtueq kvyuq vshiz muinz tvraungx lvp muq.

JOSHUA 8:28

Yoshua rueq Ai ghaq kuex wvr maq jauk tvbac gay koq tueq, majuiuc nuex httuiuc laz ghaq khamc khuix muex yaungx yaq.

JOSHUA 8:7

Kvkaq nuimhez kvhttuiyq vtuinx kvmaq dung kaz vtueq ghaqyungx kvruex lung wvnc shuinz. Yehowa nuimshiq Tishox rueq ghaqyungx kuex nuimhez muex kuq kv-phuinx.

JOSHUA 8:9

Kvkhoc rvtueq Yoshua rueq tsuinghez kuex tvkaz tueq, tsuinghez muinz kvhttuiyq juing baung rvtueq Ai ghaq maq shalx nyuip kox, Bethel nuiyc Ai hvlwvl nuex kvhttuiyq bvmc kaz tueq. Yoshua kuex kvruex raungwvrx jerak nuex dvyx rvtueq.

PHOWEBI 4:6

Raungnuiyq shiz piq kuex Naphtali ghaq hong, Kedesh maq Abinoam saz Barak kuex gvl vtueq, “Yehowa Israel Tishox rueq vruex nvrc kvjaz kuex mnoz muex kuq kv-phux: ‘Naphtali nuiyc Zebulun phvnx wawc miq 10,000 kuex gvl vtueq, tsuinghez kuex Tabor Kanx nuex shvlx wvnc shuiuz.