JOSHUA 8:28 - ASII LAKDAP Bible (BSI)

²⁸ Joshua raq Ai chela ka wa maq bunlak chaqbaiqto. Raüta hiqmiq changkhü ma tiija baiqto. Krai mren, ümchaü niitaq Ai chela ka kiikhiili sitlo.

Hawa Naga Bible 2001

²⁸ Yoshua rueq Ai ghaq kuex wvr maq jauk tvbac gay koq tueq, majuiuc nuex httuiuc laz ghaq khamc khuix muex yaungx yaq.

JOSHUA 8:28 Referencias Cruzadas

2 HOKHVMX 19:25

“Ngi raq arthun arka man na rathup raphaji niiphü dongdii asü rii wanha ngutiika taimaü dea shea riilaü? Krai mren, Ngi raq ümchaü she arthun ara klo wan kang. Ngi raq ümniima kiitelong maq trotam maq rukje chela thun kra botkhulai rai shotbaiq wan miitu ningkun kuqkang.

ISAIA 17:1

Tatiwe raq nguto, “Damaskas chela ka chela miika jamak she miraq. Kriika hiqmiq changkhü miishe mijaki.

ISAIA 25:2

Ümniiraq chela thun hiqmiq changkhü ma tiijabaiq laü kiimaq krii tro na kiitelong ruk thun ka wiita tiithenbaiq laü. Naishiq jaqtinok raq hokham jam thun ahai wan ka pattup miitu thento she.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

JEREMIA 50:26

Kra hiqshong ka shokrap norii miishe khat rong laq. Lanta tsam tum tochang tsamtiip thun kra lin lanta runbaiq ronglaq! Lanta sepat lopi tsiiq phong ka tsamtum totlaq ikha atum atum maq tsok ronglaq! Kra mung ka tiithenbaiq ronglaq! Jai na akhiismin naq tiichong rongkiq!

JEREMIA 9:11

Tatiwe raq ngutlo, “Ngi raq Jerusalem ka bunlak mishthenbaiqha, miikakoi kong haisea chang miishe mija wan; Juda mung wa chela thun ka wiita kumtsaiphii rumnyangkhi miishe mijaki, maiqse sichang riimak she mijaki.”

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki

TRI CHONGKE 13:16

Kra chelati mungmaiqse hupsam thun ka wiita adam na lamwa rongkiq. Lanta kra chela mong na mung thung chang tapshok hiq thung ba kiijaq phongbaiq ronglaq. Lantiishe kra chela ka chela mong na sitlaq hupsam ümchuwa kra Tatiwe namshiq Shiikeawe ma honglu na wa maq chaq baiq ronglaq. Kra chela ka pattup pat-sa miitu bunlak hiqmiq changkhü ma tiija baiq ratlo. Kiimaq ümtiikiimin tiihea tei wan nong mai mak she.

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

JOSHUA 4:9

Kiimaq, Joshua raq Tongshong Tek piwanti ramwebi chap wan chang ba Jordan rai kok mong ba kiijaq, longkaü kaüroqshiri kaünai hali, Israilnok maiqphan phanroqshi ri phannai kra maiqphan aweatek kaüshishi tiiphong wanto. (Riita ara longkaü thun arka, ümchaü min kriijaq sishat asili.)

JOSHUA 8:29

Apaiq raq Ai chela hokhamwe ka pechong na tiishak paqbaiqto. Raüta amaa ka raji na tiisaüli tiipaq shatli riito. Raji, rashe nyap akhing na, Joshua raq amaa ka diibaiq miitu aming kuqto. Raüta chela na nyap wan chang kilamchong phai na tiidobaiqto. Raüta tsangshiq raq long pahea maq rongbaiqto. Kra longrong ka ümchaü niitaq sishatli.