JOSHUA 3:11 - ASII LAKDAP Bible (BSI) Arka mangjong tlotli ma Tatiwe Tongshong Tek kra namshiq ma sinkhu na konü jüreko na jin wan lot jai shetiq misap wan han. Hawa Naga Bible 2001 Ghaq lotlaz guimz yaq Taungjix Bomkhvrc Jep kuex nuimshiq max nuex Yodan ruilx kuex yanz wvnc shuex yuq Vtvraungx Tishox kuex nuimshiq rulc vdvmz httax yaq kuex nuimshiq rueq tuiuz wvnc wuez shuinx. |
Ümniika ajong pinthum kiimaq ningkun jonghea riimtiwe, khushü jonghea, achhai anyii, kiimaq maiqkha akii. Ramungtan na ümchuwa sitlaq kiimaq mangjong hiq na ümchuwa sitlaq kra ümrii siisaq. Kiimaq ümniika hokham, ajong thaq niimin ajong pinthum phanrap kunli riimtiwe.
Apaiq ka juro mitsat khamlot raüta atra misilot? Apaiq tsealotti ka mangjong hiq na maiq ahü.
Mangjonghiq nai kiijaq ümchuwa sitlaq kriika Tatiwe rii; hiqraikhü kiimaq kriithaq na jamlai wa sitlaq kriika apaiq rii.
Kin thun ka simikii ikha Tatiwe miki na jam wantlo, mangjong tlotli rümti Tatiwe man na jamkitlo.
Kampho tiinamketibi raq isenginok nyatshatshat tiichamchao wanto. Kiimaq tsangshiq ma kampho tiinamketibi raq tsangshiq ka laolii wanto. Isenginok lei, nam welabi raq namshiq ka lamjiq na shunsheatlo. Kra ningkhan namshiq riika ümnii lam na wachang wa kra sap man.
Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.
Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.
Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”
Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.
Kiijiishe Tatiwe ka mangjong tlotli na hokham ma mija. Maiqse angu tarü raq apaiq kiidea Shiikeawe nguta mishomnoq wan. Kiimaq apaiq kiidea Shiikeawe nguta sap raüta minoq wan.
Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”
Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.
Shatmaq ümchaü ka ümniiraq ümmak maq michhi haü. Tatiwe üm Shiikeawe ka ümkhaki na sinkhu na walütu kaü raq khiim wantlaq ikha mikhiim baiq wan. Ümniiraq tsangshiq ka khat wantlaü krai mren, apaiq raq tsangshiq ka mitiitang kuq wan. Krai mren ümniiraq tsangshiqnok ka mijobaiq wan haü. Kiimaq tsungshi ka chongthum ma tiija baiqtlii mitiithen baiq haü. Arka apaiq raq kiqkham kuqtaq kra phan miraq.
Riita ara mangjong hiq tlotli rümti Tatiwe Tongshong Tek kra piti ramwebi raq Jordan rai kham kiijaq ji maq rappha wan raüla, Jordan rai kham kai ka atsaq she mirki. Kham ka raikhu nü na hiq bashi na atiihap she mirki. Raüta khamkai ka atsaq she mirki.”