JOSHUA 3:10 - ASII LAKDAP Bible (BSI)

¹⁰ Namshiq ka jamkho Kanan mung na nyap wan wan, milong wan han, Tatiwe apaiq raq, Kanannok, Hitaiqnok, Hiwaiqnok, Perijaiqnok, Girgashaiqnok, Amoraiqnok, kiimaq Jebusaiqnok thun kra wiita thumthum mijobaiq. Raüta, namshiq raq atra Shiikeawe ka namshiq rai nguta misap wan han.

Hawa Naga Bible 2001

¹⁰ Nuimhez kvtenc kaz wvnc ruiux yuq, vpiq rueq Kanaan, Hitti, Hiwi, Perizi, Girgashi, Amori, nuiyc Jebusi phvnx htenc kuex vsuing yurc gay shuex.

JOSHUA 3:10 Referencias Cruzadas

RAPHA HIQWA LAK 15:21

Amoraiqnok hiq, Kanannok hiq, Girgashaiqnok hiq kiimaq Jebusaiqnok hiq thun kra wiita hamli na mikuqha.”

1 HOKHVMX 22:28

Kiijiishe, “Ümniika hansang maq jang wan haü jiila, Tatiwe raq ngi lümaq chongmak dea ngushat miraq!” nguta Mika raq tiiphok tra chongto. Kiimaq apaiq raq akhiiri nguto, “Namshiq wiitarü raq tiitsang tai ronglaq, ngi raq jamlai wa chongkang kra!”

2 HOKHVMX 19:4

Asiria mung rümti ajong hokhamwe raq asengi ajong pinthumwe ka atra Shiikeawe tiishummiikai tiikito. Riita üm Tatiwe, üm Shiikeawe raq arthun shummii tlaq ara mitailaq. Raüta akha bomti thun ma sintsang mitiiholaq. Arningkhan nashiqnok ümchuwa aso tiichong tlaq kra miitu Shiikeawe jaq wa achu jaülaq.”

1 KAÜWA WERAÜ 1:14

Kiimaq Kanan lai wiika Jebusaiqnok, Amoraiqnok, Girgashaiqnok,

Tvtsvmc 42:2

Imongjii raq ümniili rittlo, atra Shiikeawe lei; ümtincho wa kilata ümniika mishomnoq ha?

Tvtsvmc 9:16

Tatiwe raq apaiq sham ka ajaqsham tingting khapho miishe tiichhi kuqto, kiimaq abi kloti ka tsangshiq maiqmii jaqsham thiikho niili dea wantlo.

DUNGWVNC 17:7

Kra hiq ba mang ka Massa kiimaq Meriba nguta mangto. Jamkhano ngukla Israilnok bot nyanto. Raüta tsangshiq raq, “Riita Tatiwe ka nashiq rai asi dea sha ahü wa?” nguta bot trang raüta Tatiwe ka maitaito.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

DUNGWVNC 33:2

Ngi raq rase ashi ka ümniima lamsheake miitu mitiiwa kang. Kiimaq Ngi raq Kanannok, Amoraiqnok, Hitaiqnok, Perijaiqnok, Hiwaiqnok kiimaq Jebusaiqnok thun kra ajo mirbaiqha.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

JEREMIA 10:10

Shatmaq Tatiwe, ümniika riikhaqli Shiikeawe, ümniika atra Shiikeawe, kiimaq pattup pat-sa hokham. Ümtsankhiq raüla hiqraikhü ka atiikhai riitlo; maiq mung thun raq ümtsankhiq ka ninlot mak.

Hosea 1:10

Israilnok ka puchi wan raüta khamjong phii na kumtsai riiphong tlaq ikha miraq. Awealot chang riimak miraq. Riita ümchaü ka Shiikeawe raq tsangshiq ma, “Namshiq ka isengi riimak” nguta ngutlo. Shatmaq akhing ashi misaü wan, “Namshiq ka atra Shiikeawe setiim!” nguta apaiq raq tsangshiq ka mihea wan.

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

TRI CHONGKE 31:17

Ümtiikiiwa kriishe klohojiiq, Ngi ka tsangshiq ma itsankhiq she miraq. Ngi raq tsangshiq ka amiim mirbaiqha. Kiimaq tsangshiq ka miqchup mitiithen baiqha. Tsangshiq khuthaq na phiiptsi chang mra pahea midong wan. Kiijiishetiq tsangshiq raq kra chamchao thun saü wantaq kriika tsangshiq raq Ngi, tsangshiq Shiikeawe ka tsangshiq rai lomdam mang she kha maq kriithun ka saü wanto ngutiishe misap wan.

TRI CHONGKE 5:26

Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

TRI CHONGKE 7:21

Kra ningkhan arnok miitu namshiq naqhai rongkiq. Tatiwe namshiq Shiikeawe ka namshiq rai. Apaiq ka ajong Shiikeawe kiimaq apaiq miika ahai chang akhek sitlo.

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

Hebrews 10:31

Riita, arthun ara ningkhan, atra Shiikeawe jaqkhon mong na dea wa ngutlaq kriika, pinthum haisi chang!

JOSHUA 11:3

Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.

JOSHUA 12:8

Kra chumkuqtaq hiq trai ka arthun ara hamto. Ku akin binjü wang kra, shenyap mung nü wa pumjiji wang kra, Jordan rai tan kra, kiimaq Jordan rai tan pumjiji binjü wang thun kra, Jordan rai maq shedong nü kin jamjam binjü wang thun kra, kiimaq shemai nü mung wa, shinriiqriiq wang binjü thun kra riito. Armung thun arka man na, Hitaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok shongchang riito.

JOSHUA 21:45

Tatiwe raq Israilnok ma kiqkham kuqtaq bomtsi thun ka poshi min tiipoi mak maq, thumthum tiihong kuqto.

JOSHUA 22:31

Kiijiishe, ramwe Phinehas Eleajar se raq, tsangshiq ma akhiishe nguto, “Ümchaü ka naishiq riimin sap kai she. Tatiwe nashiq rai asi. Namshiq raq apaiq kiq ka tlea man dea. Krai mren, namshiq raq Israilnok ka Tatiwe moho chang wa tiichhii kuq lan.”

JOSHUA 24:11

Lanta namshiq raq Jordan rai ka jinlan. Lanta Jeriko niishe saülan. Jerikoti raq namshiq khatto. Kra niqriri sii hali Amoraiqnok, Perijaiqnok, Kanannok, Hitaiqnok, Girgashaiqnok, Hiwaiqnok, kiimaq Jebusaiqnok thun riimin namshiq khatto. Shatmaq ngi raq namshiq ma tsangshiq thun ka wiita tiitang kuqkang.

JOSHUA 3:9

Kiijiishe, Joshua raq mungmaiqse ma chongto, “Ana itho na warong ra. Lanta Tati Shiikeawe raq jamlai wa chongtlaq kra tiitsang tai rong laq.

JOSHUA 9:1

Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 26:6

Kiijiishe Dawit raq Hitaiq phan Ahimelekh kiimaq Joab ma ano Abishai (tsangnai ma anyung mang ka Jeruia) kiima, “Riita namnai wenai liipan wa, ngi rai Saul piitiip mong na juwa miki damhan?” nguta waito. “Ngi mikidam ha,” nguta Abishai raq treto.