JEREMIA 10:7 - ASII LAKDAP Bible (BSI)

⁷ Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

Hawa Naga Bible 2001

⁷ Miq phvnx lotlaz hokhvmx waz lex, mnoz muex uraq lac tvtsanc nganc muq dvyx rvshvnx? Mnoz kuex tvtsanc nganc aungx yaq. Miq phvnx htenc nuex taksux httax yaq jix lotlaz tsuingshiq hokhvmx bix htenc wawc muinz mnoz rulc rv-ngvlc jix washiz muinz vguez.

JEREMIA 10:7 Referencias Cruzadas

2 HOKHVMX 17:39

Namshiq ka iwokhong niili misihan. Ngi ka namshiq Tatiwe, nam Shiikeawe, kiimaq Ngi raq namshiq ka namjaqtinok jaq wa mitiichhii kuq wanha.”

1 KAÜWA WERAÜ 16:25

Tatiwe ka jonghea kra ningkhan apaiq ka kai shreng chang; phra tiikea tarü thaq na apaiq kli shreng chang.

ESTHAR 1:13

Riita ija akha akhek amu mra angu niika hokhamwe raq mungpeng thung tri asapti taksmabi rai riiwai wan lili riitlo. Krai mren, apaiq raq apaiq khrumti tsüwe tsitwebi ka tiiheaki raüta, kra kha ka jamkhii phochang wa nguta waito.

Tvtsvmc 147:5

Nashiq Tati ka jonghea kiimaq honghea; apaiq taksu tsii ka shinkilotmai.

Tvtsvmc 22:28

Tatiwe ka hokham, kiimaq apaiq raq maiq mung thun pengtlo.

Tvtsvmc 47:3

Apaiq raq nashiq ma maiq phan thun tiitangto; apaiq raq nashiq ka maiq mung thun tiipeng wanto.

Tvtsvmc 72:11

Hokhambi thun wiitarü raq ajichong na bum raüta minoq wan; Maiqphan tlotli raq apaiq minoq wan.

Tvtsvmc 76:7

Shatmaq, Tatiwe lei, ümniimiika tarü haitlo. Ümtsan she khiqki raüla ümkhaki na jumin chapkham mak she.

Tvtsvmc 86:8

Ümniikhan tisho ka ahü, O Tatiwe lei, ümniiraq jamlai wa shamlaü ka jurmin shamak dea.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

Tvtsvmc 89:6

Ramungtan na ümniikhan ka ahin jumin ahü, Tatiwe lei; ramungtan na siti winji kong wa ümniikhan jumin ahü.

DUNGWVNC 8:10

Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

ISAIA 2:4

Apaiq raq maiq mung jonghea hea liipan na kha dongtlaq kra miphokuq wan. Tsangshiq raq tsang nep jasai thun ka thaiwi pen thun miishe mitiiq wan, kiimaq tsang piq thun ka adongton chang saikiip thun miishe mitiiq wan. Maiq mung thun liipan na re dongmak she miraq, chiq chap rechap ka ümtiikiimin sürii mak she miraq.

JEREMIA 10:6

Tatiwe, ümnaq khan ahin jumin ahü; ümniika honghea pinthum, kiimaq ümmang ka jonghea kiimaq ningkun henghea.

JEREMIA 5:22

Ngi ka Tatiwe; Namshiq ngi ma hai man ka jaro? Namshiq raq ngi ma namhai tiisiman jaro ngikilan? Ngi raq khamjong chumkii na kumtsai ka phong lata khamjong chum hiq rai thükang. Kriika pattup pat-sa miitu. Kham raq liim wan lot mak she. Khamjong chum ka rathaiq wan raüla miblunrai sham. Shatmaq ara takii rai ka lüm wan lot mak she. Khamjong chum ka miblun siq wan sham. Shatmaq takii raikang kra lüm wan lot mak.

DANIEL 2:27

Daniel raq treto, “Chaü lei, ümniiraq jamlai wa malaü kra chongke lotti ka jumin ahü. Along liiti, mintin kloti, jaq liiti, riimakla raiqsaiq jipi shammibi raq juwe riimin chongkuq lot mak.

DANIEL 2:28

Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha.

HABAKUK 3:2

O Tatiwe lei ngi raq, ümjaqsham jonghea sham laü, kra tsütsa ka tai wan kang. Kra tai lata ngi ümman na, kai shreng manto haisong thü tiikang. Ümchaü naishiq pat niimin thongshi ri hali, shamkuq nong liina. Awang chang jaqsham laü thun ka, ümtsankhiq ranaiq niimin naishiq ma, tiihang wan mangchan thülaq,

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Luke 12:5

Namshiq ka ju ma hai chang wa kriika ngi chongpha, taironglaq. Namshiq ka Shiikeawe miili hai chang. Shiikeawe riika, han-ngam khum kra tsea baiq lot jai min, wenyi rilung kra wamungtan na michaq baiq. Ara i bomchong arma kam ronglaq. Namshiq ka Shiikeawe miili hai chang!

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

JOSHUA 4:24

Arningkhan mangjong hiq na siti maiq tlotli raq, Tatiwe ningkun jonglu ka ümtinkhan wa kra misap wan. Kiimaq namshiq riimin Tatiwe namshiq Shiikeawe ka pattup pat-sa mishreng wan han.”

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”

Revelation 15:4

O Tati we lei, ümniima haimakti juwa? Ümmang jong ka tiitsam makti juwa? Ümniili kata asii. Mangjong maiqse angu raq, ümniili she mishom noq. Ating arai ümjaq sham, tsangshiq raq chhi wanto.”