JEREMIA 10:8 - ASII LAKDAP Bible (BSI)

⁸ Tsangshiq tlotli ka maiqjiq kiimaq angikong. Pe sumla phong kriiwa tsangshiq raq jamlai wa misap tsin?

Hawa Naga Bible 2001

⁸ Tsuingshiq lotlaz kuex kvnvnc svnc jix nuiyc miqyaq jix dvyx rvtueq. Pulx wawc vtvhungx yac yuimx htenc wawc tsuingshiq rueq yvmx lac tvluing lvp yaq nguinx?

JEREMIA 10:8 Referencias Cruzadas

Tvtsvmc 115:8

Riita tsangshiq tiiqtibi kiimaq tsangshiq ma kamtibi thun ka, tsangshiq raq shomnoqtlaq sumla phong kiikha mijakilaq.

Tvtsvmc 135:18

Tsangshiq tiiqtibi nai tsangshiq ma kamtibi thun kiimin tsangshiq raq sumla phra kong tiiqtaq kiikhii siisaq mijakilaq!

ISAIA 41:29

Ara sumla phra phong arka thiihü kong; tsangshiq raq jamlai min klolot mak, ara sumla phra phong arka ningkun ahü, kiimaq arang min ahü.”

ISAIA 44:18

Akhnok maiqse kong ka angi ngila sang kong. Tsangshiq raq jamlai wa klotlaq kra sapphaq mak. Tsangshiq mak ka achuk kai kunshe. Kiimaq tsang khutsai kiimin abi kaikun she. Tengteng bomtsi ka tak wan lot mak she.

ISAIA 44:19

Sumla phra thun tiiqloti khutsai ka ahü. Tsangshiq raq maiqmii tiima tsantsii na, “Pe pan wiijam ka chin ma chaqkang. Lata ngi raq winsii lumkang. Kiimaq ngam ka wa na shulata phaqkang. Kriiwa chantlaq pepan kiiwa sumla phra ashi haikang. Lata ümchaü ka ngi raq pepan wa sumla haikang kriishe noqtiikang!”

JEREMIA 10:14

Arthun ara chhi raüta, maiqse ka angikong kiimaq sunghü tsiihükong ma jakitlo. Sumla phra thun tiiqti ka tsiim jüshushu, jamto ngukla tsangshiq raq atiiq tisho thun ka arot kiimaq atsitsü ahü.

JEREMIA 2:27

Namshiq wiitarü khushü mijam— namshiq raq pechong ashi kra nang nga ümwe nguta ngutlan, kiimaq longkaü nang nga nam nyung nguta ngutlan kata. Ara jamkhano mirhum han ngukla, namshiq ka iwokhong na sihan chang wa, kinphai na juho lan. Shatmaq ümtiikiiwa namshiq raq chamchao riihumtlan, namshiq raq ngi nang nga kira laüta tiichhiikuq laq nguta ngutlan.

JEREMIA 3:9

Kiimaq apaiq ka ajeasi ngutiimin ahü. Apaiq raq mung ka wiita tiisheshi baiqto. Kiimaq apaiq raq longkaü thun nai pechong thun kra shomnoq raüta awese sishatmaq sethoq ja ngarai tangto.

JEREMIA 4:22

Tatiwe raq ngutlo, “Isenginok ka maiqjiq angikong; tsangshiq raq ngi sap mak. Tsangshiq ka nosere maiqjiqse kong ikha; tsangshiq raq takmak. Tsangshiq ka abi kiimung lam na siimakong, shatmaq jaqsham ahea phan sham ka sapmak.”

JEREMIA 5:4

Kiijiishe ngi raq akha tiimakang, “Arkong arka miitsan maiqse kong, kiimaq jammin sapmak kong. Tsangshiq ka angok angi ikhli sitlo. Tsangshiq raq Shiikeawe tri lam phan sap mak. Tatiwe ka tsangshiq raq jamlai jaqsham raüwa michochi kra sap mak.

Hosea 4:12

Liimanta! tsangshiq raq pepan kiima, shammi bom chong laq, nguta riibom dam tlo! teitlang chang piq kii ma, ‘Chongkuq laq’ nguta bom wai tlo! Tsangshiq raq ngi ka miimbaiqto. Raüta mephe-nyung ikha, tsangshiq sumla puk na nyap wanto.

Jona 2:8

Khanhü phra sumla shomnoq wantibi ka, ümwokhong wa donghoto she.

HABAKUK 2:18

Phra sumla aliip asi shea? Arka maiq jaq maq ahai kata. Ariiraq ümniima jamlai wa michong? Arot bomli khata michong! Sumla raq apaiq tiiqtiwe ma, jamlai wa mikuq? Phra nguraü abom min ahü!

JEKERIA 10:2

Phra sumla ma bom waiti ka banbokmii, jaqliiti ka arot chongti. Rawa ma chongketi ka ajiq, tewe langlii kiimin shaqmii. Tsangshiq raq achong tsaijido bomtsi shaqmii, kriikha na mungmaiqse ka, sku kong arümti ahü ikha, rum na tiimii baiqtlo.