JEREMIA 10:6 - ASII LAKDAP Bible (BSI)

⁶ Tatiwe, ümnaq khan ahin jumin ahü; ümniika honghea pinthum, kiimaq ümmang ka jonghea kiimaq ningkun henghea.

Hawa Naga Bible 2001

⁶ Yehowa lex, mnoz rulc rv-ngvlc jix washiz muinz vguez; mnoz kuex tvphaungc tvsuip waz rvtoq, mmuingc kuex yunghvlc nuiyc luimc vkawc yunghvlc httax yaq.

JEREMIA 10:6 Referencias Cruzadas

2 SAMUEL 7:22

Ümniika jonghea pinthum, Tati Rakaü Hiqwe lei! Ümnaq khan ahin ka jumin ahü she. Ümniikli dea Shiikeawe nguta naishiq raq wranaiq she sap wan kai.

1 KAÜWA WERAÜ 16:25

Tatiwe ka jonghea kra ningkhan apaiq ka kai shreng chang; phra tiikea tarü thaq na apaiq kli shreng chang.

NEHEMIA 4:14

Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

NEHEMIA 9:32

“O, Shiikeawe lei, naishiq Shiikeawe le! Ümniika achong lot mai, rakaü hiqwe Shiikea! Ümniika phiiptsi jiiptsi Shiikea! Ningkun ajong rümti Shiikea! Ümniika tongshong bom kham, tsapkapkap maq rümtiwe. Naishiq ka Asiria hokham we pat maq, tiicham chaopha wan raüta, ümchaü ranaiq niitaq, ümtinkhan wa chamchao wankai! Naimung hokhambi, naimung welabi, naimung wa ramwebi, kiimaq naimung wa shammibi, kiimaq naiti thun, kiimaq naimung wa mungmaiqse wiita, ümtinkhan wa chamchao, riihum wanto. Shiikeawe lei, naishiq atinkhan she, chamchao wan kai, ümtsan na tiitsang laq!

Tvtsvmc 145:3

Tatiwe ka ajong pinthum krai mren apaiq ka pinthum tiitsam chang; apaiq jonglu ka maiqse raq khonlotmai.

Tvtsvmc 147:5

Nashiq Tati ka jonghea kiimaq honghea; apaiq taksu tsii ka shinkilotmai.

Tvtsvmc 35:10

Tsan nai mongjii wiita kuqlata ngi raq Tatiwe ma minguha, “Ümniikhan ka ahin jumin ahü. Ümniiraq jehin norebi ka ahong alabi jaqkhon wa tiiwong kuqtlaü, miitsan maiqsetiim ka tsangshiq haihiiti jaqkhon wa tiiwongkuq tlaü.”

Tvtsvmc 48:1

Tatiwe ka ajong kiimaq apaiq ka pinthum shreng chang nashiq Shiikeawe chela na, apaiq asii hiq lampo na.

Tvtsvmc 96:4

Tatiwe ka ajong pinthum kiimaq pinthum shreng chang; apaiq ka tisho kong wiita thaq na apa shreng chang.

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 8:10

Kiijiishe hokhamwe raq treto, “Ngi miitu anap jaükuqlaq.” Mosheq raq treto, “Ümniiraq chongtlaü kra phan phan ngi raq achu mijaü kuq kang. Kiijiishetiq ümniiraq, Tatiwe, naishiq Shiikeawe khan ka shiikea ahin ahü nguta misap haü.

DUNGWVNC 9:14

Ümchaü lak niika Ngi raq ümsengi ajong alabi nai ümsengi mungmaiqse lam lam li ma imo ka tiiho mang. Shatmaq imo ka ümniimiimin she mitiihoha. Krai mren ümniiraq ara mangjong hiq na Ngi khan ka jumin ahü nguta misap haü.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

ISAIA 40:18

Shiikeawe ka jurai wa mithapthi? Apaiq ka jamkhiiwa kra ümniiraq jamkho mishton haü?

ISAIA 40:25

Asii Shiikeawe ka jamlai rai wa mithapthi? Apaiq khan maiq ka weshi ra asi shea?

ISAIA 46:5

“Ümniiraq Ngi ka jurai wa mitriingea haü?” nguta Tatiwe raq ngutlo. “Ngi akha ashi ra asi shea?

ISAIA 46:9

Tiitsang ronglaq rathup na jamlai mra wa pinta; Ngi ara lamlamli Shiikeawe nguta kholam kholiiq sironglaq, kiimaq Ngi rai thapthi chang ka jumin ahü she.

JEREMIA 10:16

Jakob Shiikeawe ka tsangshiq kiikha riimak; apaiq ka phanrap phanrii tiiqtiwe, kiimaq apaiq raq Israilnok ka asenginok shaq ma tsea wanto. Apaiq mang ka Ajong Pinthum Tatiwe.

JEREMIA 32:18

Ümniiraq maiqse ahing amun ma mangchan riipit maü phan maq lungwii tlaü. Shatmaq maiqse ka anyungwe ngarai miitu min ümniiraq mo tiiho tlaü. Ümniika ajong pinthum kiimaq ningkun jonghea riimti Shiikeawe. Ümniika Tati Ningkun Ajongwe.

DANIEL 4:3

“Shiikeawe raq amao chang jaqsham jonghea, nashiq ma tiichhikuqtlo! Apaiq raq awang chang jaqsham, ningkun henghea maq shamtlo! Shiikeawe kli pattup pat-sa miitu hokham, Apaiq riili pattup pat-sa mipeng wan.

DANIEL 4:34

“Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

1 Corinthians 8:6

Riikaq nang li jiimin, nashiq miika Shiikeawe ka Ashili, Shiikeawe Awejong sitlaq kriili. Apaiq ka phanrap sitlaq thun kra Tiiqloti we. Kiimaq, nashiq ka apaiq miituli sitiikai. Kiimaq Ttatiwe kiimin ashi li. Tati Jesuq Khristo sitlaq kli. Apaiq lümaq ra nai hiq ka tiiqto. Kiimaq apaiq lü miili nashiq ara atra sitiikai.

TRI CHONGKE 32:31

Tsang jaqtinok raq tsangshiq phra kong ka ningkun ajom nguta asap, Israilnok Shiikeawe kiikha ningkun aheng riimak nguta asap.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.