JEREMIA 10:7 - Hawa Naga Bible 2001

⁷ Miq phvnx lotlaz hokhvmx waz lex, mnoz muex uraq lac tvtsanc nganc muq dvyx rvshvnx? Mnoz kuex tvtsanc nganc aungx yaq. Miq phvnx htenc nuex taksux httax yaq jix lotlaz tsuingshiq hokhvmx bix htenc wawc muinz mnoz rulc rv-ngvlc jix washiz muinz vguez.

ASII LAKDAP Bible (BSI)

⁷ Ümniika maiq mung thun tlotli thaq na hokham, ümnaq shreng makti ka juwa maiq asi shea? Ümnaq shreng ka thektlo dongdii. Ümniikhan ahin ka jumin ahü, maiq mung thun na sitlaq taksma maiqse phong na. Kiimaq tsangshiq hokhambi phong niimin ahü.

JEREMIA 10:7 Referencias Cruzadas

2 HOKHVMX 17:39

Yehowa nuimshiq Tishox rvtauk ngvy kvjaz kuex nuimshiq rueq phvnx wuez shuinz, nuimshiq ralx waz yauk wawc nuimshiq kuex ngaz rueq palc wvnc phaungx.”

1 KAÜWA WERAÜ 16:25

Yehowa kuex yungc loayc hvlc ningkhvnc nuex pinhtumc tvtsvmc juing rvtueq; vpiq kuex tishox htenc htauk nuex muinz jvnc vtueq tvtsanc nganc mvy yaq.

ESTHAR 1:13

Hokhvmx htungx vlayx httax yaq rulc rv-ngvlc tvrac nuiyc vnvrc lvmz nuex seng vtueq phaqjic httaz hvlc jix hez muex wiz tvkoc ngoz tueq, piq rueq vruex lvmx kuex yvmx khoc ruec juing lac wisoz tvkoc piq rulc rvjungc rv-phvnc walaungx bix kuex tvgvl tueq.

Tvtsvmc 147:5

Naungshiq Yehowa kuex yunghvlc nuiyc ngauz vngax mvrc yaq waz rvtueq; vpiq taksux tharc kuex htvp htaz lot miq.

Tvtsvmc 22:28

Yehowa kuex hokhvmx rvtueq, miqphvnx ruip rawx vpiq rueq guimz lawc yaq.

Tvtsvmc 47:3

Vpiq rueq naungshiq muex miq htenc taungx lot juing kuex kuq phuex; vpiq rueq naungshiq muex miq phvnx htenc kuex tvremx tvlawc yaq.

Tvtsvmc 72:11

Hokhvmx lotlaz kuex piq khaung-kac nuex bumx vtueq nawk wuez shuex; miqphvnx lotlaz rueq muinz piq muex nawk wuez tuex.

Tvtsvmc 76:7

Yuq muinz Yehowa lex, mnoz muex miq lotlaz hisungx wuez yaq. Mthuinz khaq ruiux yuq ukhaq muinz mkhaungkac nuex jvp lot muq.

Tvtsvmc 86:8

O Tishox lex, mnoz rulc rv-ngvlc jix tishox vshiz muinz vguez, mnoz rueq shuimx shuiux kv-khoc uraq muinz shuimx lot muq.

Tvtsvmc 86:9

Mnoz rueq tvdung sung taq toq miqphvnx htenc kuex kaz vtueq, mkhaungkac nuex bumx ruiux nawk palx wuez shuex; tsuingshiq rueq mnoz yungx luz vtuiux lvmx kuex tvtsvmc wuez shuex.

Tvtsvmc 89:6

Yehowa lex, raungmungx nuex mnoz rulc rv-ngvlc jix ukhaq muinz vguez; raungx saz bix ukhaq muinz mnoz rulc rv-ngvlc lot rvmuq.

DUNGWVNC 8:10

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 9:14

Mungkawx vruex yuq ngaz vkhoc ukhaq muinz httax muq lvmz kuex mnoz rueq tuiuz tvkoc, majuiuc lauk kuex mmiq vyungx vlaungx bix nuiyc mmiqsaz htenc kvdvyx ngaz rueq murx tvgurc phaungx rvmuq.

ISAIA 2:4

Vpiq rueq miqphvnx yunghvlc hvlwvl wawc rvkhawc rvlvlc lvmz htenc kuex phox gay shuex. Tsuingshiq rueq tsuingshiq yaung kuex nax htoay juing muex tsuingshiq paq kuex vsoalc juing yaung muex tvyaungc gay shuex. Miq phvnx htenc kuex mkaq muinz rvkhvt yek tuex rvmuq shex, rvkhvt tvkoc mkaq muinz tvyoalc shuex rvmuq shex.

JEREMIA 10:6

Yehowa lex, mnoz rulc rv-ngvlc jix washiz muinz vguez; mnoz kuex tvphaungc tvsuip waz rvtoq, mmuingc kuex yunghvlc nuiyc luimc vkawc yunghvlc httax yaq.

JEREMIA 5:22

Ngaz kuex Yehowa rvtauk; nuimshiq kuex yvmx ngoz tueq lac ngaz muex hiz muit? Ngvy max nuex yvmx ngoz tueq lac nuimshiq kvkhuirc muit? Ngaz rueq svmuktvrax tvkoc ghaqruiy vtueq, yuix rueq yanz wvnc muq laung kumtsvy maq ruiy taq tauk. Svmuktvrax yuix daungx duiz yaq, yuq muinz yanz lot muq; yuix daungx kuex tvruingx yaq, yuq muinz ghaqruiy kuex yanz lot muq.

DANIEL 2:27

Daniel rueq tvralc tueq, “Taungjix hokhvmx waz lex, kvruex lvmz mnoz muex jungc kuy lot jix muik tv-phelc jix, htaungc kvpumz jix, mvntan tuiuz jix, luinglawc jix kuex httax tueq rvmuq.

DANIEL 2:28

Yuq muinz vhttuiyq vpuiuc vruez kuex tvkhic lot jix Tishox kuex raungmungx nuex httax yaq. Vpiq rueq max kox nuex yvmx lac yaungx wvnc tvnx lvmz Taungjix hokhvmx waz muex tvkhic yaq. Majuiuc mnoz kvtsoalx nuex khiz toq maung romzyac kuex ngaz rueq mnoz muex jungx kuq phaungx.

HABAKUK 3:2

O Yehowa lex, mnoz rueq shuimx wvnc toq kuex ngaz rueq tay tauk, ngaz kuex kawc yawc svy thuiuz mvrc vtaungx. Majuiuc nuiyshiq vkhing htenc nuex mnoz rueq shuimx wvnc toq yunghvlc htenc kuex lauk shiz shuimx yek shuiuz. Mnoz thuinkhaq ruiux doc muinz, menjenc koq.

JEKERIA 2:11

Kvruex kaq miqphvnx paunghvlc Yehowa kox nuex waung vtueq vpiq miqsaz muex yaungx tuex. Vpiq kuex nuimshiq vmungx baung kvyuq httax vtueq, nuimshiq kox nuex ngaz tvkaz phuex kuex nuimshiq rueq tuiuz wvnc shuinx.

MALAKI 1:11

Mungkawx tvsuip baungshiz maq vganc baungshiz nuex httuiuc laz httax yaq miq htenc rueq ngaz muex tvtsanc nganc wuez yaq. Tsuingshiq rueq ngaz muex vhomc vtumc phvnx kuex baung ruip saz nuex jauk ruiux vraungc raq juing shomc nawk juing htenc shomc kuq yaq. Tsuingshiq lotlaz rueq ngaz muex tvtsanc nganc wuez yaq!

Luke 12:5

Ukhaq muex hiz juing lac kuex ngaz rueq nuimshiq muex tvkhic kuq ix: gvnngvmx kuex thvy gay lot yix, ngarvyx mungx nuex tvdvy gay vrangx vpangx httax yaq waz Tishox muex kuex kvhiz wuez kuinz, ngaz rueq jungx vphaungx kvmac kvmx kuinz, vpiq kuex nuimshiq kvhiz juing waz rvtueq!

1 Corinthians 8:6

yuq muinz naungshiq tvkoc kuex vwaz ngoz yaq Tishox vshiz dvyx httax yaq, vpiq kuex phvnx ruip saz lotlaz tvdungc sungc jix waz nuiyc vpiq tvkoc naungshiq rullungx tvraungx vtix. Yesu Christu ngoz yaq Taungjix muinz washiz dvyx httax yaq, vpiq ningkhvnc nuex lotlaz yaungx wvnc vtueq vpiq ningkhvnc nuex naungshiq rullungx tvraungx lvp vtix.

JOSHUA 4:24

Yvmx khoc lac ngoz ruiux lec mungkawx miqsaz ruip rawx rueq Yehowa luimc vkawc mtanc khvnc lac yungx yaq nguinx lvmz kuex tuiuz wvnc vtueq, Yehowa nuimshiq Tishox muex mkaq muinz hiyaz tvtsanc nganc wvnc wuez shuex,” ngoz tueq jungx tueq.

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.

Revelation 15:4

Taungjix lex, mnoz muex hiyaz tvtsanc nganc muq maq ukhaq lac httax lot yaq nguinx? Mnoz yungx luz yaq lvmx kuex kvjungc muq jix ukhaq lac httax yaq nguinx? Mnoz washiz dvyx vsawc rvtoq. Miq phvnx ruip rawx kaz vtueq mnoz muex nawk palx kv-phux, yvmx khoc lac ngoz ruiux lec mnoz rueq shuimx vshuiux yauk shuimc kuex tvrac vlvmz rvtueq lvmx lotlaz rueq khiz yaq,” ngoz tueq jungx tueq.