JEPHANIA 2:11 - ASII LAKDAP Bible (BSI)

¹¹ Tatiwe raq tsangshiq ka, tiiphiip miijiip she mirwan. Apaiq raq mangjong hiq wa phra sumla thun ka, thiihü hiqtili miili she mitiija wan. Raüta mangjong maiqse tlotli raq, maiqmii mung maq, Tatiwe kli she mishomnoq wan.

Hawa Naga Bible 2001

¹¹ Yehowa rueq tsuingshiq kuex tvhiz sungx tvkawc yawc shuex. Vpiq rueq ghaq wawc tishox htenc kuex yvmx muinz vguez nuex tvsvt taq gay shuex, kvkaq miqphvnx ruip rawx rueq miqmac baung maq vpiq muex nawk palx wuez shuex.

JEPHANIA 2:11 Referencias Cruzadas

RAPHA HIQWA LAK 10:5

Tsangshiq thun ka khamjong kii tro mung thun na siti maiq mung thun nai khamjong mong na siti maiqmung thun kriima kaüwa weraü riito. Arthun maiq phan arka Japheth lai wa apu wan riito. Tsangshiq ka maiq phan pong phan phan ma jawanto kiimaq pong mung mung niishe siwan raüta maiq phan aweatek raq maiqmiimii phan bom miishe siwanto.

Tvtsvmc 138:4

Mangjong hiq na siti hokhambi tlotli raq ümnaq mitiitsam, Tati lei, jamkhano ngukla tsangshiq raq ümkiqkham bomtsi taito she.

Tvtsvmc 72:17

Hokhamwe mang ka ümtiikiimin laqmak she mirlaq; rashe ümkhiiwa thumkimak phan sitlaq kiikha apaiq mangchong kra misilaq. Shiikeawe raq hokhamwe shiimantaq kiikha tsang mung thun kiimin mishman laq nguta tsangshiq raq Shiikeawe jaq wa achu mijaülaq.

Tvtsvmc 86:9

Maiqmung thun ümniiraq tiiqlaü thun wiita ümjichong na miwa raüta hiq na bumraüta minoq; tsangshiq raq ümnaq jonglu kra mitiitsam.

ISAIA 2:20

Ümtiikiiwa kra ranaiq akhing she saüwa jiiq, tsangshiq raq chaq nai kampho maq atiiq sumla phra phong ka rum niishe mibaiqki. Raüta kriithun ka juk kong nai phaqsaiq kong miishe mikiinong kuqbaiq.

ISAIA 42:10

Ashi anye shikuq rong laq Tatiwe ma; shironglaq apaiq tiitsam, mangjong tlotli raq! Tiitsam ronglaq apaiq, namshiq khamjong mong na khumtibi raq; tiitsam ronglaq, khamjong mong na siti wiitsitsü phan wiita raq! Shi ronglaq, rathoko mung thun raq, kiimaq kiijaq siti maiq tlotli raq!

ISAIA 42:4

Apaiq raq rantsantsii tran mak miraq riimakla tsaiji tran mak miraq; apaiq raq mangjong hiq na kha tingting mipho. Maiq mung ratsükotibi raq apaiq raq shrinke wan kra tairo thengetlo.”

ISAIA 49:1

Ibom taironglaq, luheati maiq mung thun lei, namshiq mungmaiqse ratsüko mung na sitibi lei! Ngi raq rawii michhiha shaq niiphü, Tatiwe raq ngi ka tseato, raüta ngi ka ajaqshi se ma shongto.

JEREMIA 10:11

(Namshiq mungmaiqse raq tsangshiq ma chongke ratlo kra phra sumla thun, tsangshiq riika ra nai hiq ka tiiq wan mak dea. Tsangshiq thun ka wiita mishthenbaiq. Tsangshiq ka mangjong hiq na ümba niimin simak she miraq.)

JEREMIA 46:25

Tati Ningkun Ajongwe, Israilnok Shiikeawe raq ngutlo, “Ngi raq Amon mung ma mo mitiihoha. Thebes chelati phra kaü ka Ejip mungti nai Ejip mungti phra thun krai adam na, kiimaq tsangshiq hokhambi thun krai mitiithen baiqha. Ngi raq Ejip mung hokhamwe ka laplata kiimaq apaiq ma kamti, asengi kong kra wiita alap mirwanha.

DANIEL 11:18

Kra jai miishe apaiq raq maiqmung thun sammoktra chumkii binjü na siti thun kriishe mikhat wan. Raüta maiqmung pahea mitang wan. Shatmaq pongmungti hokhamwe ashi raq, apaiq ka khat raüta mitang. Raüta apaiq shiikong ka mitiithumbaiq. Apaiq raq Siria mung hokhamwe shiikong ka apaiq khuthaq niishe miphongkuq.

Hosea 2:17

Jamkhano ngukla kra akhing na, Ngi raq anübok wa Baal phra mang thun ka alamshe mirbaiqha. Krai mren Baal phra mang thun ka tsangshiq nübok maq dongmak she miraq.

Yoel 2:11

Tatiwe raq asengi kupchi re ma, aho anyi waliishe aming kuq wantlo. Asengi kupchi re raq apaiq aming taitlo. Asengi rewe ra ma hiq ma, kiimaq srea nola ahong ala. Tatiwe ranaiq ngutlaq pinthum phiiptsi chang. Ara khapho rung wa juro mitiichhii lot?

JEPHANIA 1:4

“Ngi raq Jerusalemti ma mo mitiihoha. Kiimaq Juda mungti tlotli. Kiiwa Baal phra shomnoq chang thun kra, wiita hiq maq hutse mitiithenbaiqha. Kiimaq apaiq shomnoqti, thatsang maiqse ramwebi mang, jurmin tiitsang mak she miraq.

JEPHANIA 3:9

“Kra lata ngi raq mangjong maiqse kunli, tsan nai tsii kra wiita miklai wanha. Tsangshiq kunli raq ngi li she mishom noq wan. Ahin phra ka shomnoq wan mak she miraq. Tsangshiq tarü kunli, iwokhong niishe misi wan.

JEKERIA 13:2

Kra akhing na, ngi raq armung wa phra mang thun wiita mitiithumbaiqha. Kriithun ka jai na jurmin tiimaki mak she. Ngi raq arot shammibi wiita milambaiqha. Kiimaq phra sumla noqpi tsantsii ka wiita milambaiqha.

JEKERIA 2:11

Kra akhing na maiq phan pahea Tatiwe puk na minyap wan. Raüta asengi miishe mija wan. Apaiq ka namshiq rai adam misi wan. Kiimaq ngi ka namshiq phana apaiq riidea tiikito nguta misap wan han.

JEKERIA 8:20

Tati Ningkun Ajong Pinthumwe raq ngutlo, “Akhing misaü wan, pongmung chelati pahea Jerusalem na miwa.

JEKERIA 8:23

Kra akhing na, pongmungti maiq weroqshi ka Jehudiwe weshi phana miwa. Raüta, ‘Naishiq riimin namshiq rilung lam kra phan wan lungwii tiikai. Jamkhano ngukla, Shiikeawe ka namshiq rai asi nguta taikai,’” nguta mingu.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

MALAKI 1:14

Jurwa anyamse kong wa, ahea awa nyamse ashi honglu na mikuq ha nguta, ngi ma kiqkham keje she taü maq, ara arot akiq laopha hupsam wa laplu raüta, kuq tlaq, kriiti miika, imanson homa klishe misi! Jamkhano ngukla, ngi ka ajong pinthum hokhamwe. Kiimaq ra raq aham mangjong maiqse kunli raq ngi ma haisong tsantsii rümtlo.”

TRI CHONGKE 32:38

Namshiq raq kriithun ka honglu ngampü maq dunglan ihata, lanta tsangshiq ma spiqtai kuq nyang lan ihata. Tsangshiq ka ümchaü waraüta namshiq ka mikhrum kuq liina; tsangshiq ka ju raüta namshiq ka mitiichhii kuq liina.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

Revelation 11:15

Kiijiishe, rase miishi ngoja raq alerong ka tsüto. Krai mren, ngi raq ramungtan na maiq bom hong raüta abom kra taikang. Tsangshiq raq akha arü ariiq rütrangto: “Mangjong hiq peng arang ningkun ka nashiq Tatiwe nai apaiq Khristo rii she. Apaiq raq pattup pat-sa she mung ka milang wan.”