JEPHANIA 2:10 - ASII LAKDAP Bible (BSI)

¹⁰ Mob nai Ammon mungti raq, tsangshiq shiikong kumrong tiichhi raüta, Tati Shiikeawe Ningkun Ajong Pinthumwe sengi, shummii wantaq thiitham jaq maq ka, ara moho arshe milap wan.

Hawa Naga Bible 2001

¹⁰ Kvruex kuex Moba nuiyc Ammon tsuingnueyc ngamc ngax nuiyc thuinz tvyungc tvjoz vtueq, Tvphaungc Tvsuip Yehowa miqsaz htenc muex wvlc guez waqguez tvyaungc ningkhvnc nuex murx tvgurc rvhumc tuex.

JEPHANIA 2:10 Referencias Cruzadas

1 KAÜWA WERAÜ 16:21

Shatmaq Shiikeawe raq tsangshiq ka ju miimin tiijamsha mak riito; tsangshiq tiiwongke miitu, hokhambi akha tiihai wanto.

DUNGWVNC 10:3

Krai mren Mosheq nai Aron ka hokhamwe phana wato. Raüta apaiq ma nguto, “Tatiwe, Hibrunok Shiikeawe raq ngutlo, ‘Ümniika ibom taimaü ikiq khiiruq ka ümtincho na saüli wa mikhiisiq haü? Isenginok ka tiiwalaq. Raüta tsangshiq raq Ngi mishomnoqlaq.

DUNGWVNC 9:17

Kra taü maq dongdii min, ümniika ümchaü niitaq ümngiim boqshat li sitlaü. Kiimaq isenginok ka tiiwa maü ningtang tlaü.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 48:14

“Mob mungti lei, namshiq ka jam nguto srea nolabi nguta tiitsakitlan, rekhat na alankaiwi she nguta tiitsaki rai tlan nya?

JEREMIA 48:29

Mob ka kai shiikongtlo! Ngi raq tsangshiqnok ka pinthum shiikonghea, khüngahea, kiimaq tiishomrahea pinthum nguta taikang. Tsangshiq raq maiqmii jonglu tiitsaki kli saptlo.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

EJEKIEL 25:6

“Tati Rakaü Hiqwe raq akha ngutlo: Ümniika ümjaq phi ka phok laüta adoqhaha chojong chise chochisiq laü. Ümniiraq Israil mung ka thophi riiqphi saisi laü.

DANIEL 4:37

“Riita, ümchaü sanha, ngi Nebukadnejar raq Sanseng Ramungtan na siti Hokhamwe kriili she tiitsam tiikang, shreng tiikang, kiimaq apaiq khushü kra tiijong tiikang. Jamkhano ngukla, Apaiq jaqsham kaiwa ka tingting, apaiq tri raütu kappe khaqkhaq, kiimaq apaiq raq kumrong kumraq maiqse ka, anun pinthum ma tiijabaiqtlo,”

Obadia 1:11

Ümniika kra ranaiq pong na chapki laü, Re raq tsangshiq chela kilam chong, bukbaiq wanta ranaiq na. Ümniika wanwe nam miimin, abi silaü. Jerusalem wa tsiiqtum run laüta, hophaq wan laü, namshiq liipan na, riiphea phaq lan.

Obadia 1:3

Ümshiikong tsii raq ümnaq laobaiqto. Üm chela nyungchong ka raqkhakhu na atei. Ümjam ka kinkhu thaq na tei laü. Kra ningkhan ümnaq tiingo tlaü, ‘Ngi ka juwero mitiideabaiq lot?’

JEPHANIA 2:8

Tati Shiikea Ningkun Ajong Pinthum raq ngutlo, “Mob mungti nai Ammon mungti raq, isenginok ka khü atho maq phong raüta, ji maq nishishi shummii wan tlo; tsangshiq hiq shong ka; minyea wan hai nguta, jarap jirap hongla wanto, kra ngi raq taikang she.

1 Peter 5:5

Kiikhiisii hali, namshiq jerobi riimin, maiqlare wokhong na si raa tlo. Kiimaq namshiq wiitarü raq, aranse ma ja lanta, weshi raq weshi shiikum pan raa tlo. Jamkhano ngukla asii bomtsi na akha chongtlo, “Shiikeawe raq angiim boqshatti ka athu riibaiqtlo. Shatmaq aranse ma jati ka lungwii tlo.”