JEPHANIA 2:9 - ASII LAKDAP Bible (BSI)

⁹ Ngi ka tengteng atra Tati Israilnok Shiikeawe raq, tumkhamkok tolata ngutiikang, Mob nai Ammon mung ka, Sodom nai Gommora ikha mitiithenbaiq. Raüta shumkho bok thunli she mijawan. Kiimaq hiqmiq changkhü ma mijaki. Sangphii riili she milam wan; Isenginok jaqsong tiichongtlaqti raq, kra hiq thun kra jiiwan raüta, misiq wan.”

Hawa Naga Bible 2001

⁹ Ngaz kuex vtvraungx Yehowa Israel Tishox vsuingc suing rvtauk rulc rv-ngvlc, Moba nuiyc Ammon mungtan kuex Sodom nuiyc Gomorra ikhoc tvbac gay rvhumc tuex kuex ngaz kvtuemc vtaungx. Tsuingshiq kuex shumz khurx nuiyc pattup kuiyqshuik kuiyq khvmx baung yaungx wvnc vtueq rumz dvyx shex rvtuex. Ngvy miqsaz htenc wawc kvjungx yaq jix rueq tsuingshiq kuex puinthuing puinthaung nyvlc vtueq tsuingshiq ghaq htenc kuex lvp wvnc wuez shuex,” ngoz tueq jungx tueq.

JEPHANIA 2:9 Referencias Cruzadas

ISAIA 11:14

Tsangnai wiita adam na pong raüta shenyap mung nü wa Philistain mung kra mikhat. Kiimaq shedong mung na sitinok kra khat raüta tsiiq nai nyam ka mirut wan. Tsangshiq raq Edom mungti nai Mob mungti kra mikhat. Raüta mitang. Kiimaq Ammon mungti ka tsangshiq puk na minyap wan.

ISAIA 25:10

Tatiwe raq Jajon Pum ka mikhup wongkuq. Shatmaq Mob mungti ka ji maq nishishi minibaiq. Tsamkü phong ka hok maq nibaiq wan raüjaq hiq tiipü chang ma tiijabaiqtlaq ikha.

ISAIA 49:18

Tro tri liilaq laüta jamlai wa hongtha raitlaq kra liilaq! Ümnok ümta thun ka adam na thungtlo! raüta tsangshiq ka maiqmii hiqchü niishe jang wantlo! Ngi ka tengteng atra Shiikeawe sitiikang, ümniika ümsenginok chhi laüta kai mitiishomra haü, jetunyung raq ajunwa tiijeje adang na longseng laktum lakraüta tiitsam kamtlaq ikha mitiitsam haü.

JEREMIA 46:18

Ngi, Tati Ningkun Ajongwe ka hokham. Ngi ka atra Shiikeawe. Tabor Pum ka pumthun tarü thaq na acho pinthum, kiimaq Karmel pum ka khamjong chum na thaq chohea, ikiikha ümnaq khatkaitiwe ningkun ka henghea miraq.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 49:1

Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

JEREMIA 49:18

Sodom nai Gommora chela ka kra tro binjü wa chela thun nong nong maq jamkho miqchup thentaq kiikhiisii hali Edom mung kiimin mithen wan. Kiijaq maiq ka thongshi jumin silot mak she miraq. Arka Ngi, Tatiwe raq toqtan tiikang.

JEREMIA 49:33

Hajor ka Ngi raq pattup miitu botkhulai rai mishot baiqha. Kiijaq miika koi kongli she misi, maiq ka siwa mak she miraq. Arka Ngi, Tatiwe raq toqtan tiikang.”

JEREMIA 50:40

Ngi raq Sodom nai Gommora kiimaq kra wiinai tho na siti chela thun tiithenbaiq kang kiikha, mitiithen baiqha. Kra chela thun na maiq ka jumin simak she miraq. Arka Ngi, Tatiwe raq toqtan tiikang.

AMO LUIK DVP (AMOS) 1:13

Tatiwe raq ngutlo, “Ammon mungti raq atang wan ngarai ma, hiq ma ra ma tangwanto, Arningkhan ngi raq tsangshiq tiijoq mang. Jamkhano ngukla tsangshiq raq Gilead wangti, hiq nyeataq rekhat akhing na, jechakre wiihanti, awok kholam kholiiq riip wanto.

AMO LUIK DVP (AMOS) 2:1

Tatiwe raq ngutlo, “Mob mungti raq atang wan ngarai, hiq ma ra ma tang wanto. Arningkhan ngi raq tsangshiq tiijoq mang. Jamkhano ngukla, tsangshiq raq Edom hokhamwe maa riirong ka, lam raüta wa na chaqto. Raüta wabun kiimaq tsangshiq jam loto. Kriika riikhiq ngarai tangto.

JEPHANIA 2:14

Kriiba na phanrap phanrii, ngamsaü ngiqseli she mitiibo wan; wukhuk kong ka jamriim na mida wan. Kitanpu thun kiimaq atsü angii mirwan. Khalakong ka kilam da na ngaraq raq, mitsüngii wan. Maisak pepen maq ahai thun min, wiitashe ümtiingoq wan.

JEPHANIA 2:7

Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEKERIA 2:13

Tatiwe man na, tarü, sangli miishe sirong laq. Liirong laq, apaiq ka apaiq sichang asii jam miishe saühotlo.

WEAWEA 14:21

Shatmiitiina, Ngi raq ikiq kham lata toqtan tiikang, Ngi atra sitiikang kra phan phan kiimaq Ngi asi kharii raq mangjong hiq ara mashat wiiwii,

Romans 14:11

Arka, Asii bomtsi na Shiikeawe raq chongtlaq kra phan phan mihong tha wan. Asii bomtsi na akha chongtlo: “Ngi ka pattup atra sitiwe Tati. Ngi raq chongtiikang arka tengteng poimak phan. Maiqse angu tarü raq i jichong na bum raüta, ngi mishomnoq wan. Kiimaq maiq phan aweatek raq, ngi ardea Shiikeawe nguta, chiiriim raüta mitsaki wan.”

TRI CHONGKE 29:22

“Rawii shiqwii namsaü namsetiim pat na tsangshiq raq, kiimaq pong mungti luhea wa awati thun raq, phiiptsi chang mat wa tsawa chamchao thun nam mung na Tatiwe raq tiisaütaq thun kra michhi.

TRI CHONGKE 29:23

Wak ram thun ka shaqmii shin ram shinriiq miraq. Hiq ka kan phong raq nai shum phong riili she amaa miraq. Jamlai chhijang kai min maimak miraq. Kiimaq sangphii dongdii min cham mak miraq. Nam mung wa hiq thun ka Sodom nai Gommora hiq kiikha miraq kiimaq Adma chela kiimaq Jeboiim chela thun Tatiwe raq atsankhiq henghea kha tiithen baiqtaq kiikha miraq.