JEPHANIA 2:8 - ASII LAKDAP Bible (BSI)

⁸ Tati Shiikea Ningkun Ajong Pinthum raq ngutlo, “Mob mungti nai Ammon mungti raq, isenginok ka khü atho maq phong raüta, ji maq nishishi shummii wan tlo; tsangshiq hiq shong ka; minyea wan hai nguta, jarap jirap hongla wanto, kra ngi raq taikang she.

Hawa Naga Bible 2001

⁸ Tvphaungc Tvsuip Yehowa rueq, “Moba nuiyc Ammon miqsaz htenc rueq ngvy miqsaz htenc kuex wvlc guez waqguez raz tueq yomnamc wuez yaq, tsuingshiq ghaq vraungx htenc lvp wvnc muex ngoz tueq ngamc ngax wuez yaq lvmz ngaz rueq tay tauk.

JEPHANIA 2:8 Referencias Cruzadas

RAPHA HIQWA LAK 19:37

Anyi-nyung raq ase ka maiqwe se humto. Raüta apaiq raq ase ka Mob nguta mangto. Apaiq ka ümchaü pat wa Moabnok phan kriima kaüwati riito.

RAPHA HIQWA LAK 19:38

Kiimaq ano-nyung riimin ase ka maiqwe se humto. Raüta apaiq raq ase ka Benammi nguta mangto. Apaiq ka ümchaü pat wa Ammonnok phan kriima kaüwati riito.

ISAIA 15:1

Arka Mob mungti miitu tsütsa. Ar chela nai Kir chela ka rawashi liipan niili tiithenbaiqto. Mob mung tlotli na kaiqshak kaiqshi biibangbang ma she.

ISAIA 16:6

Juda mungti raq akha ngutlo, “Naishiq raq Mob mungti ka kai kumrong kumraq hea nguta tsütsa taiwan kai. Naishiq raq asaphai tsangshiq ka shiikonghea pinthum. Kiimaq khünganok. Shatmaq tsangshiqnok tiitsakirai tlaq kriika shaqmii, banbok miili.”

JEREMIA 12:14

Tatiwe raq ngutlo, “Ngi raq Israilnok ma siqke binre mungti thun ma, ngi raq Israilnok ma akuqha mung tiithenbaiqtinok ma bom chongke chang asi. Ngi raq kra mung thun wa abi maiqse thun ka, pechong arangchong maq babaiqtlaq ikha mibabaiqha. Lata Ngi raq, Juda mung ka tsangshiq jaqkhon mong wa midokda wanha.

JEREMIA 48:1

Tati Ningkun Ajongwe raq Mob mung miitu akha nguto: “Nebo chelati ma mangchan tsi— tsangshiq chela ka tiithenbaiqto! Kiriathaim chela re raq jiiwanto, chela tro kiitelong ruk ka tiibunbaiqto, kiimaq chelati ma jea tiingaüto.

JEREMIA 49:1

Tati Ningkun Ajongwe raq Ammon mung miitu akha nguto; “Israilnok maiqwere kong ka ümbano? Tsangmung kra khebomti maiq ka jumin ahüshe sha? Molekh phra kaü shomnoqtinok ma Gad wang kra jam nguto tiijii wanta. Kiimaq tsangshiq kiijaq jam nguto tiisi tla?

AJONJÜ 3:61

“O Tatiwe lei, tsangshiq raq ngi shummii wantaq ka ataihaü. Tsangshiq raq thiikho thutaq thun ka, wiita asap haü.

EJEKIEL 21:28

“Maiqse lei, riisham bom maq tiithailaq. Ngi, Tati Rakaü Hiqwe raq jamlai bom wa chongtiikang ara Israilnok shummiiti Ammon mungti ma tiitai chongkuqlaq. Tsangshiq ma akha chonglaq: ‘Nepja ka atiithenbaiq ma khekham she; Kriika maiq jiipbaiq miitu chhainyii minto, rachhai ralüp wa ikha chhaitlo.

EJEKIEL 25:1

Tatiwe raq ngi ma akha nguto.

EJEKIEL 35:12

Kiijiishetiq, ümniiraq, Ngi, Tatiwe raq ümniiraq Israilnok pum thun kra hiqmiq changkhü miishe tiijabaiq laü kiimaq kriithun ka hiqmiq changkhü ma tiijabaiq wan ka ümnaq arangli nguta chuphit nüphit tsütsit wan laü kriika, Ngi, Tatiwe raq ataiha dea nguta misap haü.

EJEKIEL 36:2

Tati Rakaü Hiqwe raq tsangshiq ma chongke chang tsütsa asi kra samhea mitiitsang tailaq: Israilnok jaqtibi raq kai lachongto raüta akha nguto, ‘Ümchaü ka rathup wa pumthun ka nashiq rii she!’

AMO LUIK DVP (AMOS) 1:13

Tatiwe raq ngutlo, “Ammon mungti raq atang wan ngarai ma, hiq ma ra ma tangwanto, Arningkhan ngi raq tsangshiq tiijoq mang. Jamkhano ngukla tsangshiq raq Gilead wangti, hiq nyeataq rekhat akhing na, jechakre wiihanti, awok kholam kholiiq riip wanto.

AMO LUIK DVP (AMOS) 2:1

Tatiwe raq ngutlo, “Mob mungti raq atang wan ngarai, hiq ma ra ma tang wanto. Arningkhan ngi raq tsangshiq tiijoq mang. Jamkhano ngukla, tsangshiq raq Edom hokhamwe maa riirong ka, lam raüta wa na chaqto. Raüta wabun kiimaq tsangshiq jam loto. Kriika riikhiq ngarai tangto.

JEPHANIA 2:10

Mob nai Ammon mungti raq, tsangshiq shiikong kumrong tiichhi raüta, Tati Shiikeawe Ningkun Ajong Pinthumwe sengi, shummii wantaq thiitham jaq maq ka, ara moho arshe milap wan.

JOSHUA 5:9

Kra akhing na Tatiwe raq Joshua ma akha nguto, “Ümchaü ranaiq ngi raq namshiq khuthaq na Ejip mung na dise rilung siwan lan kharii mro thoda ka lambaiq kang she.” Kra ningkhan na, kra hiq ba mang ka Gilgal nguta mangto. Kra hiq mang ka ümchaü min kriili.