JEPHANIA 2:7 - ASII LAKDAP Bible (BSI)

⁷ Juda mungti abung atiichong kriiti riishe, nam mung ka jiiwan raüta misi wan. Tsangshiq raq kiijaq tsang skukong mirüm wan. Raüta Ashkelon chela na jam thun kiijaq mikon. Tatiwe tsang Shiikeawe ka, tsangshiq rai adam sishat miraq. Raüta tsangshiq ka thongshi hali, arong awinnok ma mitiija wan.

Hawa Naga Bible 2001

⁷ Kvjungx yaq Yuda miqsaz htenc rueq nuimshiq ghaq vraungx kuex lvp wvnc wuez shuex. Tsuingshiq rueq tsuingshiq khelbuenx kung htenc muex vtsvmz kuq vtueq Ashkelon wawc yuimx htenc kvyuq yuip tuex. Tsuingshiq Tishox Yehowa kuex tsuingshiq rulc vdvmz httax vtueq tsuingshiq muex lauk shiz tvrungx wanx yek shuex.

JEPHANIA 2:7 Referencias Cruzadas

RAPHA HIQWA LAK 50:24

Apaiq raq aphutiim ma nguto, “Ngi ka atsai wan cho she. Shatmaq Shiikeawe raq namshiq ka tengteng mishililii kuq wan. Raüta namshiq ka armung arwa shunshea wan raüta, Abraham ma, Isak ma, kiimaq Jakob ma sinkham raüta mikuqha nguta chongtaq mung kiina mishea wan.”

Tvtsvmc 80:14

Naishiq phanü na liilaq, O Ningkun Ajong Shiikeawe lei! Ramungtan maq naishiq ara liilaq; laüta ana kira kiimaq ümsenginok ka chhiilaq!

Tvtsvmc 85:1

Tatiwe lei, ümniiraq üm mungtan tiihangshat rüm wan laü; ümniiraq Israilnok arong awin tiija wan laü.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 11:14

Tsangnai wiita adam na pong raüta shenyap mung nü wa Philistain mung kra mikhat. Kiimaq shedong mung na sitinok kra khat raüta tsiiq nai nyam ka mirut wan. Tsangshiq raq Edom mungti nai Mob mungti kra mikhat. Raüta mitang. Kiimaq Ammon mungti ka tsangshiq puk na minyap wan.

ISAIA 11:16

Raüta Israilnok Asiria mung na aso atiichongkiti miitu Asiria mung maq Israil mung na laü wan miitu lamjong kaü ka jonghea ashi miraq. Arka man na tsangtitiim pat na Ejip mung maq laü wan miitu lamjong kaü tankuqtaq kiikha miraq.

ISAIA 14:1

Tatiwe ka thongshiri hali asengi Israilnok ma mangchan mitiichhikuq nong. Raüta tsangshiq ka apaiq riishe nguta mitsea wan nong. Apaiq raq tsangshiq ka tsang mung na thongshiri hali mitiishong wan nong. Kiimaq pongmungti maiq pahea kiijaq waraüta tsangshiq rai misidam.

ISAIA 32:14

Hokham jam thun kiimin jammiishe miraq. Mungnyung chong chela ka hiqmiq changkhü miishe mijaki. Maiqjam thun kiimaq kriithun tiiwong chang chela tro na kiitelong peruk weshaü thun kriimin pattup pat-sa miitu botkhulai rai she mishot baiq. Kiijaq rum na siti kumtoq kong mihaisiq. Kiimaq skukong ka kiijaq nyiimphaq mihaisiq.

JEREMIA 23:3

Ngi raq isenginok aso atiichong ka, ngi raq tsangshiq ka pongmung thun na ajobaiqha kriiwa adam niishe mirchomha. Lata ngi raq tsangshiq ka tsangshiq hiqshong chü na mitiishong nga wan nongha. Tsangshiq ka saütam serü pahea she mipu chi wan.

JEREMIA 29:10

“Tatiwe raq ngutlo, ‘Ümtiikiiwa namshiq ma Bebilon mung na wiiroq miishi siwan akhing kriishe thumjiiq, raüla, Ngi raq namshiq miitu tsantsii riimtiikang kriishe mitiichhi kuqha. Lata Ngi raq namshiq ka nammung niishe mitiijang shea wanha nguta kiqkham kuqkang kriishe mitiihong kuqha.

JEREMIA 29:14

Kriidea, Ngi raq ngutiikang, namshiq raq Ngi ka mihum han. Kiimaq Ngi raq namshiq ma nam mung ka mijang kuq nongha. Ngi raq namshiq ka maiq mung aweatek wa kiimaq maiqhiq aweatek na, Ngi raq namshiq ka pongmung na, ümchu mung niiwa munglu shumwi kong ma nyinbaiq kang, kra mungthun tlotli wa tsuq wan nong lata, nammung na hali mitiishong wan kang. Arka Ngi, Tatiwe raq toqtan tiikang.’

JEREMIA 3:18

Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”

JEREMIA 30:3

Jamkhano ngukla jai maq akhing saüwan raüla Ngi raq isenginok, Israil mungti nai Juda mungti ka tsangshiq hiqchü rachü kiina mitiishongnga wan nongha. Ngi raq tsangshiq ka tsangtitiim ma akuq wanha hiqshong rahai chü mung kiijaq mitsuq wan nongha. Krai mren tsangmung ka tsangshiq raq hali milap wan nong. Arka Ngi, Tatiwe raq ngutiikang.”

JEREMIA 31:7

Tatiwe raq ngutlo, “Israilnok miitu chojong chise shinge ronglaq, maiq mung ajong pinthumti thun raq. Namshiq raq tiitsam shi ka shi ronglaq, ‘Tatiwe raq atiichong arkiti thun chhiiwanto she; jaina ümchuwa tiichong kitaq thun wiita chhiikuq wanto she.’

JEREMIA 32:44

Mung maiqse raq kriithun ka miri wan nong. Raüta asha ari kra lakdap na waiq raüta sil maq mikha wan. Kiimaq kiimwebi raq misuhi wan. Arthun ariirithii wan jaqsham arka Benjamin wang na, Jerusalem tro na hiqshong thun na, Juda mung na chela thun na, kiimaq ku akin tonglong wang chela thun na, kiimaq kinji thun na maiq hiq shong na, kiimaq Juda mung na shemai nü wang binjü na miriirithii wan. Ngi raq mungmaiqse ka tsangshiq hiqshong rahai chü thun kiijaq wiita she mitiishongnga wanha. Arka Ngi, Tatiwe raq, toqtan tiikang.”

JEREMIA 33:12

Tati Ningkun Ajongwe raq ngutlo, “Armung na, kumtsaiphii rumnyangkhi ikha sitlaq kiimaq ümjiiwa maiq simak, kiimaq ngam saü ngiqse min simak, arjaq jaimaq nyamse dungchang nyiim lung heala miraq. Kiijaq sku rümti kong raq tsangshiq sku kong miriim.

JEREMIA 33:7

Ngi raq Juda mungti nai Israil mungti ka rongboq she mitiija wanha. Kiimaq Ngi raq tsangshiq rilung ka man na jamkho arong awin siwantaq kiikhali mitii chhanchhi wan nongha.

JEREMIA 47:5

Gaja chela na siti ma aho ajü jonghea saüto, kiimaq Ashkelon chelati ka kaiqshak shak she. Philistain mungti chela ahinti raq ümtincho na saüli wa mihoqsiq?

EJEKIEL 39:25

Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.

Hosea 6:11

“O, Juda mungti lei, namshiq sintsang kiimin tiijeje she. Namshiq ngarai tang tlan kha na. Namshiq moho ranaiq saühoto she,” nguta Tatiwe raq chongtlo.

Obadia 1:19

“Juda mung wa shemai nüti raq, Edom munghiq jiiwan raüta misiq wan. Shenyap nü wangti kinjiji na shongti raq, Philistainnok hiq mijii wan. Raüta misiq wan. Israilnok riika Ephraimnok wang nai Samaria wang kra, jiiwan raüta misiq wan. Benjamin phan riika Gilead wang kra jii, raüta misiq wan.

Mikha 2:12

Shatmaq Tatiwe raq ngutlo, “O Israilnok lei, Rejaq song ka ngi raq mirchomha. Namshiq wiita rü adam na mitriitamha. Skusekong akheti raq shea wantlaq ikha, Sku rümchang nyiimlung rüram na; Skukong atsamphaq haisiq tlaq ikha, Israil mung ka pahea ra ma hiq ma hali, mitiipu wan nong ha,” nguta Tatiwe raq ngutlo.

Mikha 4:10

O Jerusalem lei, akap atsea phetrang rong laq. Jechakre ase chiitsi na phetrangtlaq ikha. Ümchaü namshiq raq chela ka abaiqthü chang miraq, Lanta hiqsii thung na sichang miraq, Namshiq ka Bebilon na wawan chang she miraq, Shatmaq kiijaq rewe jaqkhon mong wa Tatiwe raq namshiq mitiichhii kuq.

Mikha 4:7

Tsangshiq ka achuk akü luhea mung na. Shatmaq aso tiichong tlaq kiiwa, ngi raq mung anye tingsang niishe mitiichhan chhi wan ha. Tsang mung ka jonghea ashi miishe mija wan. Kra akhing miishe ngi raq, tsangshiq ka Jajon pum maq, ngalata pattup pat-sa miitushe mi peng wan ha.”

JEPHANIA 2:9

Ngi ka tengteng atra Tati Israilnok Shiikeawe raq, tumkhamkok tolata ngutiikang, Mob nai Ammon mung ka, Sodom nai Gommora ikha mitiithenbaiq. Raüta shumkho bok thunli she mijawan. Kiimaq hiqmiq changkhü ma mijaki. Sangphii riili she milam wan; Isenginok jaqsong tiichongtlaqti raq, kra hiq thun kra jiiwan raüta, misiq wan.”

JEPHANIA 3:13

Tiichongtaq Israilnok raq, jumiimin ajiq kiimung mak she miraq. Arot min chong mak she miraq. Kiimaq lapphaq lusiq lule tsii, thü mak she miraq. Tsangshiq ka arong awin she miraq. Kiimaq jurmin tiitsüngii mak she miraq. Ahaisong chang min ahü she miraq.”

JEPHANIA 3:20

Akhing ka saü wantlo she! Ngi raq ümsengi pongmung na, amo miirai kiiwa, jam niishe mitsuq wanha, Ngi raq ümniika mangjong tlotli na, ajong pinthum she mitiijaha. Lata ümniika thongshiri hali, chiithe jong ma mitiija wanha.” Arka Tatiwe raq ngutlo.

HAGAI 1:12

Kra bomchong kra tai raüta, Shealtiel se Jerubabel kiimaq Jehujadak se ramwe jong Joshua, kiimaq mungmaiqse tlotli, Bebilon mung na shumwi asiwa ajang wanti thun raq, tsangshiq Tati Shiikeawe raq jamlai wa chongtaq kriishe langto. Tsangshiq ka tsanghai she sito. Krai mren, Tatiwe shammi Hagai raq bom chongtaq kra phan phan she Tatiwe aming ka lang wanto.

HAGAI 2:2

Apaiq raq Hagai nangnga, Juda mung pengti Wanghuptiwe Jerubabel nai Ramwe Ajongwe Joshua, kiimaq mungmaiqse ma bom ka akha tiichongto:

Luke 1:68

“Nashiq raq Israilnok Tati Shiikeawe ka shomnoq rong i! Apaiq ka asengi Israilnok kharü diike kai she saükito, tsangshiq ka ümchaü sanha lüsaü wase she.

Luke 7:16

Kra chhi raüta, tsangshiq tarü ka kai awang riito. Kiimaq ahai lam maq, “Nashiq ma shammi ajong pinthum ashi she saüto. Shiikeawe raq asenginok, nashiq ara chhiikai she saükito,” nguta tsangshiq raq Shiikeawe ka tiitsam kamto.

Acts 8:26

Kra akhing na, Tatiwe rase ashi raq Philip ma, “Tiije laq. Laüta shemai nü kiina kilaq. Jerusalem maq riita Gaja chela nü na kai lam kiina kilaq,” nguta thaüto. (Maiq ka ümchaü arlam maq khum mak she.)

Acts 8:40

Philip raq apaiq ka Ashdod hiq niishe saüwa raütiitiq, saüwa kang she khana nguta takto. Kra chela miishe hali, apaiq ka Sisiria chela niishe wawanto. Lam na awa wan lam maq, apaiq raq Tsütsa Ahea ka chelatek na trahokuq wan wan riito.

Romans 11:5

Kra pat wa kra niq riri sii hali, ümchaü akhing niimin sitlo. Shiikeawe kaphap mangchan khoqram kii maq, arai rii wanwi she tsamso ikha, Israilnok phong wa, Shiikeawe jaiphan wanti maiq ka ümchaü min asi.

RUTHA 1:6

Kra jai maq heashi sijai na Tatiwe raq asengi Israilnok ma achu shiiman kuq raüta tsangshiq ka arong awin she sitlo nguta Naomi raq tsütsa ka Mob mung maq taito. Krai mren, Naomi ka anamnyung nai rai kongshi maq Mob mung kiiwa, tsangmung na wawan she tiijemeto.