Solomon sengi jaqshamti raq nai Hiram sengi jaqshamti raq kiimaq Beblos chelati maiqwere raq Shomjam haichang long pen thun nai long kaü thun kra kiimaq pe thun kra tiihongtha kuqto.
JOSHUA 13:5 - ASII LAKDAP Bible (BSI) kiimaq riita, Gebalnok hiq wang kra; kiimaq riita, shedong nü mung wa, Lebanon mung tlotli wa, Harmon Pum wang wa Baalgad chela kra hamli maq riita, Hamath Pumchit na saüli. Hawa Naga Bible 2001 Gebali miqsaz ghaqphux, shaldungc kox nuex httax yaq Lebanon ghaqphux lotlaz, Hermon Kanx maq ghaqyaz kox wawc Balgad maq Harmat Kanx hvlwvl nuex httuiuc laz httax yaq doc. |
Solomon sengi jaqshamti raq nai Hiram sengi jaqshamti raq kiimaq Beblos chelati maiqwere raq Shomjam haichang long pen thun nai long kaü thun kra kiimaq pe thun kra tiihongtha kuqto.
Kra Shomjam kiijaq, Solomon nai Israilnok mungmaiqse raq Lamjaptiip Poi kra ramiishi na saüli lang wanto. Kiijaq lom wan damti mungmaiqse phong ka pahea langlang riito. Tsangshiq ka maiqhiq luhea shekhu nü na Hamath pumchit na siti maq phaho raüta, shemai nü mung na Ejip mung hiq trai binjü na siti thun awarai riito.
Gebal mungti, Ammon mungti, kiimaq Amaleknok; kiimaq Philistain mungti nai Tajar mungti liipan na.
Ngi raq arthun chela ara khatkang. Lata jiiwan kang. Kalno chela kiimaq Karkemish chela, Hamath mung wa chela thun nai Arpad mung wa chela thun ka jiiwan kang. Ngi raq Samaria chela nai Damaskas chela kra khat lata jiikang.
Jedekia ka Hokhamwe Nebukadnejar phana hit wanto. Kiitiikaq Nebukadnejar ka Hamath wang na Ribla chela na riito. Kiijaq Nebukadnejar raq Jedekia kha ka photo. Raüta apaiq ka tiishut baiqto.
Mokkiitu na pe sham smabi ka Thep shrinkeje smabi Beblos mung wa. Mokkiitu jiiqtibi ka khamjong mong na haiti smabi siisaq. Tsangshiq raq ümkat thun na piikiito.
Kalne chela kra liiwa rongkiq, lanta kriimaq Hamath chela jonghea kra, liiki rongkiq. Lanta Philistain mung na Gath chela kra, liiki rongkiq. Riita armung thun thaq na Israil mung nai Juda mung ka, holi ajong chiithe shea? Israil mung nai Juda mungti hiq ka armungti thaq na, ajong lin shea?
Krai mren, siwebi ka shekhu nü nü wang kiina wa wanto. Raüta mung ka shemai nü na Jin rumnyangkhi wang maq sipha wan raüta, shekhu nü wang na Hamath Pumchit tho na Rehab wang binjü na saüli siwanto.
Kriimaq wawan raüta Hamath Pumchit kiiniishe miwa wan. Raüta kriimiimin wawan ruq wawan raüta, Jedad hiq kiiniishe miwa wan.
Namshiq piitiip thun kra run rong laq. Lanta laü wan rong liishe. Lanta Amoraiqnok mung ku akin tonglong mung kiina kiimaq kra tro binjü wang thun kiina— Jordan Rai Thungtan na, ku akin tonglong wang kiina kiimaq hiqthungtan thun wang kiina, shemai nü wang thun kiina, kiimaq Mediterenian khamjong kii wang thun kiina laü wan ronglaq. Lanta Kanan mung kiina, kiimaq Lebanon mung pum thun kra tlea lanta kiimaq riita luhea hiq tiisup wang na Euphretis Rai kiina saüli laü wan ronglaq.
O Tatiwe lei, ngi raq Jordan Rai ka rap wan pha. Lata jüreko na hiqpo hiqwin ku akin tonglong mung kra kiimaq Lebanon Pum thun kra liiwa pha.’
Kra hiqrai thun ka Halak Pum maq riita, shemai nü mung na Edom mung hiqrai tho na saüli riito; kiimaq riita shekhu nü mung na, Baalgad chela na saüli riito. Kiimaq riita Harmon Pum maq shemai nü na Lebanon tan na saüli riito. Joshua ka armung thun hokhambi rai rawii luhea riikhatto. Shatmaq apaiq raq tsangshiq tarü tangto, raüta mung thun ka jiito. Kiimaq tsangshiq ka thumthum jiipbaiqto.
Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.
Joshua nai Israilnok raq, Jordan rai maq shenyap mung na siti hokhambi thun ka thumthum khat raüta tangto. Kriika Lebanon tan wa Baalgad hiq ma phaho raüta, shemai nü mung na, Edom mung tho wa Halak Pum kiina saüli riito. Joshua raq armung thun hiq arka, Israilnok maiqphan sitlaq kiima, maiqmiimii rii hiqshong tachong hupsam miitu chumkuqto.