JEREMIA 52:9 - ASII LAKDAP Bible (BSI)

⁹ Jedekia ka Hokhamwe Nebukadnejar phana hit wanto. Kiitiikaq Nebukadnejar ka Hamath wang na Ribla chela na riito. Kiijaq Nebukadnejar raq Jedekia kha ka photo. Raüta apaiq ka tiishut baiqto.

Hawa Naga Bible 2001

⁹ Zedekia kuex Hamat mungx Ribla ghaqyungx nuex httax yaq Hokhvmx Nebukhadnezar kox nuex shvlc lvy rvhumc vtueq, kvruex yuq Nebukhadnezar rueq piq muex htvp htaz kuq tueq.

JEREMIA 52:9 Referencias Cruzadas

1 HOKHVMX 8:65

Kra Shomjam kiijaq, Solomon nai Israilnok mungmaiqse raq Lamjaptiip Poi kra ramiishi na saüli lang wanto. Kiijaq lom wan damti mungmaiqse phong ka pahea langlang riito. Tsangshiq ka maiqhiq luhea shekhu nü na Hamath pumchit na siti maq phaho raüta, shemai nü mung na Ejip mung hiq trai binjü na siti thun awarai riito.

2 HOKHVMX 23:33

Apaiq hokham jaqsham ka Ejip mung Hokhamwe Neko raq apaiq ka Hamath wang na Ribla chela wa lapho raüta munglu shumwi ma khawantaq kiijaq thumto. Raüta Neko raq Juda mung jaq wa tijong tsiiq kampho 3,400 kilogram, kiimaq chaq ka kilogram roqtsamri blai jaüto.

2 HOKHVMX 25:6

Jedekia ka Hokhamwe Nebukadnejar phaniishe shea wanto. Kiitiikaq Nebukadnejar ka Ribla chela na riito. Kiijaq Nebukadnejar raq Jedekia kha ka pho raüta, apaiq ka tiishutto.

2 KAÜWA WERAÜ 33:11

Kra ningkhan she Tatiwe raq Asiria mungti phentubi ka tsangshiq phen phung kra sheaho raüta Juda mung ka tiikhatto. Tsangshiq raq Manase ka lapto. Raüta adü na jinkom kharii maq khato. Kiimaq jinraü kharii maq banto. Raüta apaiq ka Bebilon mung na shumwi ma shea wanto.

2 KAÜWA WERAÜ 8:3

Kiimaq apaiq raq Hamath wang nai Joba wang thun kiimin khat raüta jiiwanto.

JEREMIA 21:7

Shatmaq ümnaq nai ümjaqkhong na siti ajong alabi thun, kiimaq redong na tsaimak luntlaqti mungmaiqse thun kra, ramdong na tsaimakti thun kra, kiimaq thadong na tsaimak atiichongti thun kra, Ngi raq namshiq wiitarü ka Hokhamwe Nebukadnejar nai namshiq jaqtinok namshiq tseabaiq tankhan tlaqtinok jaqkhon mong na mikuqbaiqha. Nebukadnejar raq namshiq ka atsea mirbaiq. Apaiq raq namshiq ka jumin tiihang mak miraq. Kiimaq namshiq phong wa ju miimin tiihang mangchan riimakla mangchan tiitsi kuq mak miraq. Arka, Ngi, Tatiwe raq kiqtoq tan lata chongtiikang.”

JEREMIA 39:5

Shatmaq Bebilon mungti phenlabi raq Jedekia ka joho raüta, Jeriko chela tho na hiqthung tan kiiwa lohoto. Raüta lapto. Raütiishe tsangshiq raq apaiq ka Hokhamwe Nebukadnejar phana shea wanto. Kra akhing na apaiq ka Ribla chela na riito. Ribla chela ka Hamath chela wang na riito. Kiijaq Nebukadnejar raq Jedekia kha ka pho raüta, tiishutto.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

EJEKIEL 11:10

Krai mren, namshiq ka nam mung na re raq khat raüta mijiimhan. Kiijiishetiq maiq loweatek raq Ngi ardea Tatiwe ngutiishe misap.

EJEKIEL 23:24

Tsangshiq raq ümniika shekhu nü maq mikhat phaho. Phenlabi phong ka pahea misheaho. Kumrang leng na chaoti phenlabi ka pahea misheaho, kiimaq hupsam hoti leng thun min pahea milamho. Tsangshiq ka liiq kiimaq jinkhuphok thun sam raq raq misaüho. Raüta tsangshiq raq ümniika tiikomtam maq mikom wan. Ngi raq ümniika tsangshiq jaqkhon mong na mikuqbaiqha. Tsangshiq raq ümniika tsangshiq thung tri maq ümkha ka mipho.

WEAWEA 13:21

Krai mren, siwebi ka shekhu nü nü wang kiina wa wanto. Raüta mung ka shemai nü na Jin rumnyangkhi wang maq sipha wan raüta, shekhu nü wang na Hamath Pumchit tho na Rehab wang binjü na saüli siwanto.

WEAWEA 34:11

Kriimiishe shemai nü nü na Harbel hiq kiiniishe mikiho, kiimiika Ain wang maq shedong nü nü niishe mikiho. Kriimiishe ka Gelili Thamchum maq shedong nü wang na ku akin tonglong wang kiiniishe mikiho.

JOSHUA 13:5

kiimaq riita, Gebalnok hiq wang kra; kiimaq riita, shedong nü mung wa, Lebanon mung tlotli wa, Harmon Pum wang wa Baalgad chela kra hamli maq riita, Hamath Pumchit na saüli.