JOSHUA 11:12 - ASII LAKDAP Bible (BSI) Tatiwe jaqshise Mosheq raq aming kuq thütaq kra phanphan, Joshua raq ara chela thun ka khat raüta jiiwanto. Kiimaq kiiwa hokhambi nai tsang sengi ka tiimiqchup jiipbaiqto. Hawa Naga Bible 2001 Yehowa nvrc waz Moshe rueq jungx tueq rulc rv-ngvlc, Yoshua rueq ghaqyungx htenc nuiyc kvruex wawc hokhvmx bix htenc, mungx miqsaz htenc kuex vshiz muinz tvjungx muq thvt gay tueq. |
Ümtiikiiwa Tatiwe namshiq Shiikeawe raq armung thun ka namshiq jaqkhon mong niishe kiinong kuqtlaq, kiimaq namshiq raq tsangshiq ka khat lanta tang wantlan, namshiq raq tsangshiqnok ka kunli miqchup jiipbaiq wan ratlo. Tsangshiq nok rai wehea riija tongshong wan maimak. Riimakla tsangshiq ka tiihang wan maimak.
Shatmaq ümchaü ka ümniiraq ümmak maq michhi haü. Tatiwe üm Shiikeawe ka ümkhaki na sinkhu na walütu kaü raq khiim wantlaq ikha mikhiim baiq wan. Ümniiraq tsangshiq ka khat wantlaü krai mren, apaiq raq tsangshiq ka mitiitang kuq wan. Krai mren ümniiraq tsangshiqnok ka mijobaiq wan haü. Kiimaq tsungshi ka chongthum ma tiija baiqtlii mitiithen baiq haü. Arka apaiq raq kiqkham kuqtaq kra phan miraq.
Joshua nai Israilnok raq tsangshiq thun ka tiinamtok jiipbaiqto. Kiitiina rewebi phong wa wiijam ra kla Israilnok raq tsat lap mak dea riito. Tsangshiq ka ju raüta tsangshiqnok chela ruk mong na tiipaü nyap wato. Kriikha na Israilnok raq tsat lap mak dea riito.
Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.
Tatiwe raq Israilnok ma ara tiikhatto raüta tangto. Tsang hokhamwe kiimin lapto. Tsangshiq raq maiq ka weshi min tiichong mak tiimiqchup jiipbaiqto. Tsangshiq raq Jeriko hokhamwe jamkho tsatbaiqtaq, kiikhiisii hali Libna hokham kiimin tsatbaiqto.
Tatiwe raq Israilnok ma ranaiq nai riikhat jai niishe, Lakhish chela ka tiitang kuqto. Tsangshiq raq Libna chelati tiimiqchup thumthum jiipbaiqtaq kiikhiisii hali, Lakhish chelati kiimin maiq ashi min tiichong mak thumthum jiipbaiqto.
Tsangshiq raq chela ka kra ranaiq niili khat baiqto. Raüta jiito. Raüta Lakhish chelati jiipbaiqtaq, kiikha hali, maiq ashi min tiichong mak, tiimiqchup jiipbaiqto.
Raüta chela ka jiito. Tsangshiq raq hokhamwe ka tsatto, kiimaq chela wa maiqse angu ka tiimiqchup tsatbaiqto. Kiimaq kra chela maq ajeje na siti chela thun kriimin wiita khatto. Raüta maiqse angu ka tiimiqchup jiipbaiqto. Joshua raq Hebron chela kiimin Eglon chela kiikhiisii, tiimiqchup jiipbaiqto. Maiq ka weshi min atra tiichong mak jiipbaiqto.
Kiitiina, Israilnok riika hiqlamsetiim na atei chela thun ka chaqbaiq mak dea riito. Shatmaq Hajor chela kli Joshua raq wa maq chaqbaiqto.
Tatiwe raq ajaqshi se Mosheq ma aming thun ka kuqthüto; Mosheq raq kriithun ka Joshua ma kuqto; krai mren Joshua raq aming thun ka lang wanto. Tatiwe raq Mosheq ma aming ümchuwa kuqtaq kra, Joshua raq kunkun klo wanto.
Arthun arka Sidonnok mung kunli, ku akin wang maq phaho raüta, Lebanon Pum Thun kra, kiimaq riita Misrephoth Maim chela na saüli. Ngi raq armung thun wa maiq ka Israilnok raq jamkho khat wan raüta hiq ka jiiwan tlaq, kra phan phan wiita mijobaiqha. Ümniiraq armung thun ka, ngi raq ümniima aming kuq kang kra phan phan, chum laüta pheake wan ratlo.
Tatiwe raq tsangshiq ma tsangmung hamli na mung atsing angang she kuqto. Arka apaiq raq tsangtitiim kiqkham kuqtaq kra phan phan she riito. Tsangshiqnok jaqtibi rewe phong wa nokshi ra raq dongdii min tsangshiq ka khatlot mak riito. Jamkhano ngukla Tatiwe Israilnok ma tsangshiq ma chiqse rewe phan khuthaq na wiita rekhat tiitang kuqto.
Apaiq raq kra berong-wacha ka Tatiwe jaqshise, Mosheq raq Israilnok ma, jamkha haichang ngutiiwa aming kuqtaq, kra phanphan tiihaito. Mosheq raq akuq Thungtri na akha chongtlo: “berong-wacha ka ja ajin maq soqhü longkaü maq haichang.” Kra berong-wacha na tsangshiq raq Tatiwe ma wa na chaq chang honglu thun nai rintii honglu thun min kuqto.
Namshiq raq chela ka longwan lot jai, Tatiwe raq aming kuqtaq kra phanphan, chela ka wa maq chaq rong laq. Ara ngi raq namshiq ma aming kuqtiikang.”
Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.