JOSHUA 11:15 - ASII LAKDAP Bible (BSI)

¹⁵ Tatiwe raq ajaqshi se Mosheq ma aming thun ka kuqthüto; Mosheq raq kriithun ka Joshua ma kuqto; krai mren Joshua raq aming thun ka lang wanto. Tatiwe raq Mosheq ma aming ümchuwa kuqtaq kra, Joshua raq kunkun klo wanto.

Hawa Naga Bible 2001

¹⁵ Yehowa rueq vpiq nvrc waz Moshe muex nvr tueq rulc rv-ngvlc, Moshe rueq Yoshua muex tvlvy kuq shec tueq, Yoshua rueq muinz kvrulc rv-ngvlc phvnx tueq. Yehowa rueq Moshe muex nvr tueq phvnx ruip saz kuex piq rueq shuimx tueq.

JOSHUA 11:15 Referencias Cruzadas

2 KAÜWA WERAÜ 30:12

Kiimaq Shiikeawe ka Juda mung na jaqsham shat riito. Raüta mungmaiqse tsan tsü ka kiqshi tsiimshi ma tiija kuqto. Raüta hokhamwe nai asengi ajong alabi aming ka langwan miitu tsangshiq tsantsii ka tiichhii kuqto.

WEAWEA 33:50

Mob mung hiq thung tan kiijaq Jordan rai reko Jeriko chela maq Tatiwe raq Mosheq ma

WEAWEA 33:52

namshiq raq kra mungti maiq thun ka wiita jobaiq ratlo. Tsangshiq long shong thun kiimaq jin maq aklo sumla phra thun kiimaq tsangshiq noqku chang ba thun kra kun kun tiithen baiq ratlo.

Matthew 23:23

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq raq Shiikeawe ma aroq khu wa alu atan kewan tsapkapkap maq, jurai liirai akhing na süse, tapan, pinchi cham tlaq kra thun ka wiita honglu na kuq tlan. Shatmaq Thungtri na chong tlaq akhek pinthum bomtsi, tingting tri raü sham, maiqse ma mangchan tsantsii thü wan kiimaq tsapkapkap maq jaqsham chang nguta chongtlaq kriika ashi ashe riiwan tlan. Namshiq raq ara chong tiikai akhek tri raü thun arka kai shiithuk shiitsom lanta lang lili riihan chang wa. Arthaq niitiq abi thun namshiq raq lang tlan kra sham wan han chang wa.

Luke 11:42

“Namshiq Phorisinok ma pinthum phiiptsi chang asi! Namshiq raq Shiikeawe ma aroq khu wa honglu ka jurai liirai süse tapan jaq thun kra, kiimaq weashaü tiihom phaq chang sang asong jaq thun kra kuq tlan. Shatmaq, tri raü sham kriika shiiting rai man riitlan. Kiimaq Shiikeawe ma lungwii tsantsii ka thü wan man, shishe tlan. Arthun ahata, akhek jaqsham ka. Ara tiitsuq miishetiq abi jaqsham chongtiikai thun kra sham han chang wa.

Acts 20:20

Namshiq raq asap han, ngi raq namshiq ma Shiikeawe bomtsi ka nokwe man na chongkuq wankang akhing na, kiimaq namshiq jam na khum lata shrinkuq wankang akhing na, namshiq ma jamlai phan wa ahea, kra akhiismin dam paü mang phan maq, tiitho tiipha chongphan kuq kang she.

Acts 20:27

Ara jamkhano chongtiikang ngukla, Shiikeawe raq jamlai wa mikuqha nguta tiihong tha kuqtaq, kra bomtsi thun kriika, ngi raq poshi min tam mang maq, namshiq ma kholam kholiiq rairai riirii, wiita chong kuq kang she.

TRI CHONGKE 12:32

“Ngi raq namshiq ma ümchuwa aming kuqkang thun kra wiita lang ronglaq. Arthaq na laihin naq tiitsuq rongkiq. Kiimaq kriithun wa aming tsi shi ra min lambaiq maimak.

TRI CHONGKE 31:3

Tatiwe nam Shiikeawe ka apaiq pumsii maq namshiq ma sinkhu na lamshea miwa wan. Raüta kiijaq siti maiq mung thun kra mitiithen baiq wan. Krai mren, namshiq raq tsangshiq hiq shong thun kra mijii wan haü. Kiimaq Tatiwe raq chongtaq kra phan phan, Joshua ka namshiq sheati wela ma mija wan.

TRI CHONGKE 31:5

Tatiwe raq namshiq ma tsangshiqnok thun ka mitiitang khat kuq. Kiimaq namshiq ma ngi raq jamkho chongkuq kang kra phan phan tsangshiq ka mishthen baiq han.

TRI CHONGKE 31:7

Kiijiishe Mosheq raq Joshua ka heato. Raüta Israilnok mungmaiqse man na apaiq ma akha nguto, “Ümniika jaq khon tiipha tiipha laüta silaq. Kiimaq kamto maq silaq. Ümniiraq arnok ka shea wan laüta Tatiwe raq tsangtitiim ma mikuqha nguta kiqkham kuqtaq mung kra mijiiwan haü.

TRI CHONGKE 4:2

Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.

TRI CHONGKE 4:5

“Tatiwe i Shiikeawe raq ngi ma chongkuqtaq kra phan phan, ngi raq namshiq ma thungtri raütu thun ka kunli shrin kuq kang she. Kriithun ka ümchaü namshiq raq khat wan lanta mung ka jii wantlan kiijaq lang lanta shong ronglaq.

TRI CHONGKE 7:2

Ümtiikiiwa Tatiwe namshiq Shiikeawe raq armung thun ka namshiq jaqkhon mong niishe kiinong kuqtlaq, kiimaq namshiq raq tsangshiq ka khat lanta tang wantlan, namshiq raq tsangshiqnok ka kunli miqchup jiipbaiq wan ratlo. Tsangshiq nok rai wehea riija tongshong wan maimak. Riimakla tsangshiq ka tiihang wan maimak.

JOSHUA 1:7

Ningkun shoqwiishoq maq srea nola ma jalaq. Ijaqshise Mosheq raq ümniima Thungtri kuqtaq kra, samheawiq maq jaqkhon tiipha shat maq shamlaq. Thungtri aming ka poshi min naqjinkiq. Kra riihaüla, ümniika ümbano kitlaü phanrap na ongwan ruq mirhaü.

JOSHUA 11:12

Tatiwe jaqshise Mosheq raq aming kuq thütaq kra phanphan, Joshua raq ara chela thun ka khat raüta jiiwanto. Kiimaq kiiwa hokhambi nai tsang sengi ka tiimiqchup jiipbaiqto.

JOSHUA 11:14

Israilnok raq arthun chela khattaq kiiwa araa ariq phan hupsam thun nai nyamse thun ka, tsangshiq miitu lamho raüta thühoto. Shatmaq tsangshiq raq maiqse ngusaq kla weshi min atra tiichong mak, tiimiqchup jiipbaiqto.

JOSHUA 11:16

Joshua raq mung ka khat raüta kunli jiiwanto. Kriika arthun ara riito: Ku akin mung kra, kiimaq kinji wang thun kra, shekhu nü wang nai shemai nü wang thun ka romshaq na, Goshen wan binjü lotli, kiimaq kriimaq shemai nü mung thun kra, kiimaq Jordan rai tan thun kra.

1 SAMUEL 15:11

“Ngi raq ka Saul ka hokham ma shong kang kriikha na ümchaü kai tiishudaq tiikang. Apaiq raq ngi ka jainong miishe shung thüto. Raüta ngi raq apaiq ma aming akuqha kra jinto.” Samuel ka akhiq riito, kiimaq rawa minru konhü maq Tatiwe man na achu jaü tiipaiqneato.