JOSHUA 11:14 - ASII LAKDAP Bible (BSI)

¹⁴ Israilnok raq arthun chela khattaq kiiwa araa ariq phan hupsam thun nai nyamse thun ka, tsangshiq miitu lamho raüta thühoto. Shatmaq tsangshiq raq maiqse ngusaq kla weshi min atra tiichong mak, tiimiqchup jiipbaiqto.

Hawa Naga Bible 2001

¹⁴ Israel miqsaz rueq ghaqyungx htenc kvwawc hup vsvmx httax yaq lotlaz nuiyc suiux vngac htenc kuex miqmac tvkoc lvmz wvnc tueq. Yuq muinz ghaq miqsaz htenc kuex thvt gay ruiux, vshiz muinz tvraungx taq muq.

JOSHUA 11:14 Referencias Cruzadas

2 KAÜWA WERAÜ 20:25

Kiijiishe Jehoshaphat nai asengi phenlabi ka kiina ki raüta sepat lope thun kra lamkai kito. Kiimaq tsangshiq raq kiijaq minsaü chhechhikong pahea, huk asam alun wan kiimin pahea, khu akhea phong, kiimaq laihin hupsam athü tsinhea phan pahea riiphong shat riito. Tsangshiq ka kra sepat lopi riichom ranaiqtsam na saüli riichomto. Shatmaq huk asam ka pahea langlang kha maq tsangshiq raq phanrap phanrii wiita ka howan lot mak dea riito.

WEAWEA 31:9

Israilnok raq Midiannok jechakre nai nosere thun ka shumwi kong ma lapto. Kiimaq tsangshiqnok minsaü kong kiimaq jam nyamse kong thun kra lap wanto. Kiimaq tsangshiqnok tsiiq nai nyam tum thun kra wiita rut wanto.

TRI CHONGKE 20:14

Shatmaq, namshiq raq jechakre, nosere kong kiimaq jam nyamse kong thun ka kra chela mong na laihin hupsam sitlaq krai nong nong, namshiq raq maiqmii miitu lamho ronglaq. Namshiq raq namjaqtinok hupsam thun ka wiita lang wan mimai. Kriika Tatiwe raq namshiq ma ake kun she.

TRI CHONGKE 20:16

“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.

JOSHUA 10:40

Joshua raq kra mung ka kunkun khat raüta jiiwanto. Apaiq raq kin na siti thun hokhambi kra, shedong nü wang wa kinjam na siti thun kra, kiimaq shenyap nü wang wa, kinjiji na siti thun kra, kiimaq shemai nü wang wa, hiqshin wang na siti thun kra, thumthum khat raüta jiito. Apaiq raq jumin atra tiichong mak; maiqse angu wiita tiimiqchup jiipbaiqto. Arka Israilnok Tati Shiikeawe raq aming akuq kra phan phan kloto.

JOSHUA 11:11

Israilnok raq kiiwa maiqse angu ka thumthum tiimiqchup, weshi min atra tiichong mak jiipbaiqto. Raüta chela ka wa maq chaqbaiqto.

JOSHUA 11:13

Kiitiina, Israilnok riika hiqlamsetiim na atei chela thun ka chaqbaiq mak dea riito. Shatmaq Hajor chela kli Joshua raq wa maq chaqbaiqto.

JOSHUA 11:15

Tatiwe raq ajaqshi se Mosheq ma aming thun ka kuqthüto; Mosheq raq kriithun ka Joshua ma kuqto; krai mren Joshua raq aming thun ka lang wanto. Tatiwe raq Mosheq ma aming ümchuwa kuqtaq kra, Joshua raq kunkun klo wanto.

JOSHUA 8:2

Ümniiraq Jeriko chela nai kiiwa hokhamwe ka jamkho riilaü kiikhiisii Ai chela nai ahokhamwe kiimin mirhaü. Shatmaq kiiwa hup asam thun nai atra jam nyamse thun ka, sepat lopi ma namshiq maiqmii raq tsuqphaq wan mimai. Chela jai nünü kiimaq bom hai lanta khe rong laq.”

JOSHUA 8:27

Kiimaq Tatiwe raq Joshua ma chongtaq kra phanphan, Israilnok raq Ai chela wa sepat lopi hupsam nai jam nyamse thun ümchuwa laptaq kra tsangshiq maiqmii miitu thühoto.