JOSHUA 11:14 - Hawa Naga Bible 2001

¹⁴ Israel miqsaz rueq ghaqyungx htenc kvwawc hup vsvmx httax yaq lotlaz nuiyc suiux vngac htenc kuex miqmac tvkoc lvmz wvnc tueq. Yuq muinz ghaq miqsaz htenc kuex thvt gay ruiux, vshiz muinz tvraungx taq muq.

ASII LAKDAP Bible (BSI)

¹⁴ Israilnok raq arthun chela khattaq kiiwa araa ariq phan hupsam thun nai nyamse thun ka, tsangshiq miitu lamho raüta thühoto. Shatmaq tsangshiq raq maiqse ngusaq kla weshi min atra tiichong mak, tiimiqchup jiipbaiqto.

JOSHUA 11:14 Referencias Cruzadas

2 KAÜWA WERAÜ 20:25

Jehoshaphat nuiyc piq nolaungx bix htenc rueq taungx vwawx htenc kuex lvmc kay kaz koq tueq, suiux vmanx htenc, taungx vwawx htenc, khoz vkhvy htenc nuiyc vganc htawz tsanz phvnx htenc paunghvlc humc tueq. Tsuingshiq rueq kvruex taungx vwawx htenc kuex nuiyq thuimx tup tvjomx kox muinz taungx vwawx paunghvlc ningkhvnc nuex phvnx ruip saz kuex tsuingshiq rueq lvmz wvnc lot muq.

WEAWEA 31:9

Israel miqsaz rueq Midian shvlx rulx nuiyc nosaz rulx htenc kuex wuinz saz tvyaungc muex lvp ruiux, tsuingshiq khelbuenx, suiux vmanx nyvmx saz kung htenc nuiyc hup vsvmx lotlaz kuex lvmz wvnc tueq.

TRI CHONGKE 20:14

Yalxjuik rulx nuiyc nosaz rulx htenc, nyvmx saz htenc nuiyc ghaqyungx nuex httax yaq phvnx ruip saz kuex nuimshiq tvkoc lvmc mvy yaq. Yehowa rueq nuimshiq muex kuq kv-phuinx ralx rueq guimz yaq phvnx ruip saz kvmuinz guimz lvp shuinx rvtueq.

TRI CHONGKE 20:16

“Yuq muinz Yehowa nuimshiq Tishox rueq nuimshiq muex kuq kv-phuinx mungx wawc ghaqyungx htenc kuex khvt vtueq lvp wvnc shuinx yuq, kvruex wawc miq htenc kuex lotlaz thvy gay rax.

JOSHUA 10:40

Yoshua rueq wvmungx tuimx khvt taungx gay tueq. Piq rueq kuz wawc hokhvmx bix, shaldungc kox kanx yuiuc wawc nuiyc shalx nyuip kox kanx yaz wawc hokhvmx bix nuiyc ghaqyaz kox ghaqshanx hong htenc wawc hokhvmx bix htenc kuex khvt taungx gay tueq. Kvruex wawc mungx miqsaz lotlaz kuex thvt gay tueq. Yehowa Israel Tishox rueq nvr tueq rulc rv-ngvlc kvkhoc khvt wvnc tueq.

JOSHUA 11:11

Kvyuq httaz jix miq ruip rawx kuex tsuinghez rueq thvt gay ruiux vshiz muinz tvraungx taq muq, ghaqyungx muinz jauk gay tueq.

JOSHUA 11:13

Yuq muinz Yoshua rueq jauk gay tueq Hazor ghaq maq lvy vtueq ghaqluimx poz nuex vtec ghaqyungx htenc kuex Israel miqsaz rueq jauk gay muq doc.

JOSHUA 11:15

Yehowa rueq vpiq nvrc waz Moshe muex nvr tueq rulc rv-ngvlc, Moshe rueq Yoshua muex tvlvy kuq shec tueq, Yoshua rueq muinz kvrulc rv-ngvlc phvnx tueq. Yehowa rueq Moshe muex nvr tueq phvnx ruip saz kuex piq rueq shuimx tueq.

JOSHUA 8:2

Mnoz rueq Yerikho ghaq nuiyc kvruex hokhvmx waz kuex mnoz rueq rvgay toq ikhoc, Ai ghaq nuiyc kvruex hokhvmx waz kuex rvgay shuiux, yuq muinz majuiuc lauk kuex hup vsvmx htenc nuiyc nyvmx saz htenc kuex nuimhez rueq lvmc mvy yaq. Kvkhoc rvtueq ghaqyungx yix kox kvmaq dung phawk khvt tvkoc tvhungx shuinz,” ngoz tueq jungx tueq.

JOSHUA 8:27

Yoshua muex Yehowa rueq jungx tueq rulc rv-ngvlc Israel miqsaz rueq khelbuenx, suiux vngac htenc nuiyc hup vsvmx htenc kuex miqmac tvkoc lvmz wvnc wuez tueq.