Apaiq raq aliq maq ajaqti thun hiipto; rachhai ralüp wa trang la, tsangshiq ka pongpin riipin tiipinbaiqto.
JOSHUA 10:10 - ASII LAKDAP Bible (BSI) Tatiwe raq Amoraiqnok ka Israilnok ka chhi raütli phiip ma tiitsaito. Krai mren, Israilnok raq tsangshiq ka Gibeon chela wa jiipbaiqto. Raüta tsangshiq ka pumchit na Beth Horon chela kiina saüli johoto. Kriimaq hiqmai nü na Ajeka nai Makkeda chela kiina tiisaüli joho raüta khatto. Hawa Naga Bible 2001 Yehowa rueq Amori miqsaz htenc kuex Israel nolaungx bix htumc nuex tvpueng panx tvyaungc tueq. Israel miqsaz rueq muinz tsuinghez kuex Gibeon ghaq nuex thvt gay wuez tueq, tsuingshiq kuex Bet Horon nuex duic waungc juing kanx hvlwvl maq yanz wvnc vtueq ghaqyaz kox Azeka nuiyc Makkeda nuex httuiuc laz yurc khvt tueq. |
Apaiq raq aliq maq ajaqti thun hiipto; rachhai ralüp wa trang la, tsangshiq ka pongpin riipin tiipinbaiqto.
Kiimaq Solomon raq kra chela ka atiihea hai riito.) Solomon raq mungmaiqse ningkun maq jaq tiishamtlaq kriiti ma Shemai nü Beth Horon chela,
Tatiwe raq Sudan mung phenlabi ka Asa nai asengi maq tiikhat raüta tiitangto. Tsangshiq ka pintrangto.
Kiimaq anü na Israil mung wa phenlabi Amajia raq relongkai sheaho mak dea tiiwa baiqtaq kong kriiraq Juda mung wa Samaria nai Beth Horon chela wiinai heawea binjü na sitlaq thun kra khatto. Raüta maiq ka hingtsam tsat baiqto. Kiimaq huk asam sepat lopi pahea tsuq wanto.
Apaiq raq aliq maq jangjang hüpto raüta ajaqtinok ka tiipin baiqto; rachhai ralüp watrang maq apaiq raq tsangshiq ka tiipin miijin jobaiqto.
Ümsenginok raq Kanan mung ka tsangshiq nepja maq khat raüta atang wan riimak, tsangshiq srea nola ningkun maq atang wan riimak; kriika ümningkun maq kiimaq ümhong ümla maq, ümniika tsangshiq rai nongnong sikha maq, kriika ümniiraq tsangshiq ka lungwiitlaü dea nguta man tiichhi hakhi riito.
Ningkun Ajong Shiikeawe raq rewe hokhambi thun Jalmon Pum na tiipin jobaiqtaq akhing apaiq raq tsakhiiq ka kiijaq trokto.
Apaiq raq kra mung na siti noktinok thun ka asenginok raq khat wan wan raüta hiqshong thun jiiwantlaq kra phan phan jobaiq wanto; apaiq raq kra mung wa hiq ka Israilnok maiqphan ümchu wa kriima chumkuqto raüta tsangshiq jam thun ka asenginok ma kuqto.
Tatiwe raq Perajim Pum maq khattaq ikha mikhat. Kiimaq Gideon hiq thung tan maq khattaq ikha mikhat. Apaiq raq jamlai klo chang ngutiiwa thimi wantaq kriika miklo dongdii. Apaiq jaqsham ka maiq awang thang rai miraq. Apaiq raq ajaqsham ka mitlot. Apaiq kiimung ka amao chang.
Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.
Kra bala Bebilon mung phenlabi raq Jerusalem longtlo. Kra phenlabi raq Lakhish chela, kiimaq Ajeka chela anai kiimin khat wanto. Kra akhing na trotam na rukje chela thun phong wa abung atiichongki ka arwiinai arli she riito.
Kiijiishe Tatiwe kriishe miki. Raüta man na pat na khat wantaq kiikha kra maiqmung ahinti ümchu riiwa Jerusalem kra khattaq, kriiti thun kriishe mikhat wan nong.
Tatiwe raq nam jaqtinok ka namshiq jaqkhon mong na mikiinong kuq baiq wan. Raüta tsangshiq ka miqchup mitiithen baiq shaq wiiwii phiip ma mitiitsai.
Kra akhing na, Amoraiqnok ka Israilnok phenlabi ma hai ma pumchit nü kiina lamhong wiilü juto. Tsangshiq ka kra lamhong binjü na ajurai kiiwa, Tatiwe raq rathaiq nai tsak-hiiq jonghea hea po trok raüta tsatto. Kra tsakhiiq rok raq tsangshiq ka Ajeka chela na saüli tiiqbaiqto. Tsangshiq ka Israilnok jaq na tsaitaq kra thaq na tsakhiiq raq tiiq raüta apako jiimto.
Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.
Krai mren, Joshua nai asengi phenlabi thun ka rawa minru, Gibeon chela khat wa she wawanto. Raüta tsangshiq raq tiihanghiiq miili dongrang raüta Amoraiqnok kra khatto.
Tatiwe raq Israilnok ma rekhat ka tiitangkuqto. Israilnok raq tsangshiq khatto, raüta tsangshiq ka jowan raüta shekhu nü wang na Misrephoth Main chela nai Sidon chela na saüli khat wanto. Kiimaq shedong nü wang na, Mijpa tan binjü na saüli jowan raüta khatto. Israilnok raq re ka weshi min atra tiichong mak khatto.
Gederoth, Bethdagon, Naama, kiimaq Makkeda riito: tlotli chela roqshi ri trok. Kiimaq arthun chela tro binjü wa chela aran setiim kriimin romshaq.
Kriimiishe shenyap nü wang kiina raiwan raüta, Japhletaiqnok shongchang binjü kiina rai wanto, raüta Beth Horon chela maq lamkiq nünü binjü kiiniimaq rai wanto. Kriimiishe Gejar chela kiina rai wanto. Raüta Mediterenian Khamjong kiinüniishe tiisupto.
Ephraim phan ma achumkuq hiqrai ka akha riito: Tsangshiq hiqtrai ka Ataroth Addar chela kriimaq shedong nü na rai wanto. Raüta Beth Horon chela kriimaq lamthaq nünü tiithi maq rai wanto.
Kibijaim, kiimaq Beth Horon kiimaq kra tro binjü wa nyamse rümchang nyiimlung wakram thun kriimin romshaq kuqto.
Riita ümtiikiiwa Barak raq asenginok rai re ka khat wantaq, Tatiwe raq Sisera ka akumrang leng thun nai asengi phenlabi thun rai nong maq, apaiq sung atsii min tlam lapmak she, tiimok mobaiqto. Kiimaq Sisera ka apaiq kumrang leng wa satki saq raüta hoksii miishe juto.
Barak raq kumrang leng thun nai phenlabi thun ka pongnok phan hiqshong Harosheth chela kiina saüli jowanto. Raüta Sisera sengi phenlabi thun ka wiita tiithumpak jiipbaiqto. Maiq ka weshi dongdii min tiichong mak jiipbaiqto.
Raiqsaiq thun raq ra maq khatto; ra na akhum lam maq khatto, tsangshiq raq Sisera khatto.
Kiimaq kongshi ka Beth Horon chela kra khatkai kihoto. Kiimaq kongshi ka Jeboim kinwii kinhong binjü wang hiqrai kra khatkai kiimaq kumtsaiphii wang binjü thun kra khatkai she kihoto.
Philistainnok ka Israilnok rai riikhat ma Juda mung na Soko chela na thungto. Tsangshiq piitiip ka Soko chela nai Ajeka chela heawea na Ephes Dammin hiq na teito.