JOSHUA 16 - ASII LAKDAP Bible (BSI)

Ephraim Nai Shenyap Mungti Manase Phan Rii Hiqrai

¹ Joseph saüsetiim phan rii achumkuq hiqtrai ka, hiqmai nü na Jordan rai maq pha wan raüta, Jeriko tho maq, jüraisetiim kriimaq phanshi shedong nünü tiithi maq rai wanto, raüta kumtsaiphii binjü kiina rai wanto. Kiimaq Jeriko maq riita ku akin wang kiina wawan raüta Bethel chela na rai wanto.

² Bethel maq rai wan raüta, Luj chela maq rai wanto. Raüta Ataroth Addar chela kiina rai wanto. Kriika Arkaiqnok sichang hiqshong riito.

³ Kriimiishe shenyap nü wang kiina raiwan raüta, Japhletaiqnok shongchang binjü kiina rai wanto, raüta Beth Horon chela maq lamkiq nünü binjü kiiniimaq rai wanto. Kriimiishe Gejar chela kiina rai wanto. Raüta Mediterenian Khamjong kiinüniishe tiisupto.

⁴ Joseph saüse Ephraim phan nai Shenyap mung na siti Manase phan rii hiqshong ka arwang ara chumkuqto.

Ephraim Phan Ma Achumkuq Hiqrai

⁵ Ephraim phan ma achumkuq hiqrai ka akha riito: Tsangshiq hiqtrai ka Ataroth Addar chela kriimaq shedong nü na rai wanto. Raüta Beth Horon chela kriimaq lamthaq nünü tiithi maq rai wanto.

⁶ Kiimaq kriimaq rai wan raüta Mediterenian Khamjongkii na saüli she rai wanto. Kriimiishe ka shekhu nünü hiqrai ka Mikhmethath chela maq rai wanto. Kriimiika shedong nü nü na rai wanto. Raüta Taana Shilo chela lam maq raiwan raüta, Janoa chela, shedong nü na rai wanto.

⁷ Raüta Janoa chela maq ahong nü nü na raiho raüta Ataroth nai Naara chela kiimaq riita, Jeriko chela na raihoto. Kiimaq riita Jordan rai na tiisupto.

⁸ Raüta hiqrai ka Tappua chela maq Kana raise kiina kiho raüta Mediterenian Khamjongkii na supto. Arka Ephraim phan weraü ta thun ma achumkuq hiqrai riito.

⁹ Kriithun chela krai chela aransetiim wiijam kiimaq hiqshong thun Manase phan hiqtrai mong wiimin lomto. Shatmaq Ephraim phan ma chumkuqto.

¹⁰ Shatmaq tsangshiq raq Gejar chela na siti Kanannok ka jobaiq lot mak dea riito. Kra ningkhan, Kanannok ka ümchaü niitaq saüli, Ephraim phan raili sidam tlo. Shatmaq tsangshiq ka di ma tiija raüta tiisitlo.