JOSHUA 10:11 - ASII LAKDAP Bible (BSI)

¹¹ Kra akhing na, Amoraiqnok ka Israilnok phenlabi ma hai ma pumchit nü kiina lamhong wiilü juto. Tsangshiq ka kra lamhong binjü na ajurai kiiwa, Tatiwe raq rathaiq nai tsak-hiiq jonghea hea po trok raüta tsatto. Kra tsakhiiq rok raq tsangshiq ka Ajeka chela na saüli tiiqbaiqto. Tsangshiq ka Israilnok jaq na tsaitaq kra thaq na tsakhiiq raq tiiq raüta apako jiimto.

Hawa Naga Bible 2001

¹¹ Israel nolaungx bix rueq khvt yaq wawc kanx hvlwvl lvmx maq Amori miqsaz yuz wvnc koq tueq, Yehowa rueq raungwawc tv-nguirx poz yunghvlc htenc tvdvy vtueq, Azeka ghaq lvmx wvlex wawc tsuinghez kuex tuip gay tueq. Israel miqsaz rueq vthvt gay htauk nuex tv-nguirx rueq vtuip gay kuex vpaung rvtueq.

JOSHUA 10:11 Referencias Cruzadas

RAPHA HIQWA LAK 19:24

Tiihanghiiq miilishe Tatiwe raq ra maq kan waniitu henghea kra rajun ikha Sodom nai Gommora chela ka tiibok chaq wanto.

2 SAMUEL 18:8

Reriikhat ka rum na ramsea chang binjü niishe riinyin wanto. Kiimaq maiq ka re jaq na ümchuwa tsaitaq kriithaq na apako ka rum na khoti jiimto.

YOBA 38:22

Ngi raq tsakhiiq tum phong nai rathaiq tsakhiiq tum phong tolata thü tiikang khok thun kra chhiwa laü shea?

YOBA 38:23

Ngi raq arthun tiije thü tiikang arka chamchao akhing miitu, redong nai matdong rahiq miitu thütiikang.

Tvtsvmc 11:6

Apaiq raq abi maiqsetiim khuthaq na wachan nyaihea watu nai nyiimwin waniitu ra wa tiisattlo; apaiq raq tsangshiq ka rahai keihea tiisaü raüta mo tiihotlo.

Tvtsvmc 147:17

Apaiq raq tsakhiiq ka longpo ikha troktlo; apaiq raq ra tiisongtlaq kra jurmin ninlot mak!

ISAIA 28:2

Tatiwe raq maiq weshi ra, ningkun henghea jonghea riimti tsangshiq khatkai ma tiijeje she thütlo. Maiq weshi ra ka tsakhiiq rok nong nong maq rathaiq henghea saühotlaq ikha, pükhaükham raü rajuntlaq ikha, jüchhang jonghea lüm wantlaq ikha, saü wan raüta tsangmung ka wiita milüm wan.

ISAIA 28:21

Tatiwe raq Perajim Pum maq khattaq ikha mikhat. Kiimaq Gideon hiq thung tan maq khattaq ikha mikhat. Apaiq raq jamlai klo chang ngutiiwa thimi wantaq kriika miklo dongdii. Apaiq jaqsham ka maiq awang thang rai miraq. Apaiq raq ajaqsham ka mitlot. Apaiq kiimung ka amao chang.

ISAIA 30:30

Tatiwe raq maiqse loweatek ma apaiq bomtsi henghea maiqphiip maiqjiip chang kra mitiitaikuq kiimaq apaiq tsankhiq walü heng kra mitiisapkuq. Kiijaq walü watrang la miraq, phumda mong na aphok watrangla miraq; rathaiq nai tsakhiiq rok wa trangla miraq. Kiimaq rajun düthaü diilii piikhaü kham raü ikha miraq.

EJEKIEL 13:11

Arningkhan shammibi ma tsangshiq raq ahai ruk ka atham she mirwa nguta chonglaq. Ngi raq rajun pükhaü wa araü ikha düthaü mitiijunha. Kra ruk thaq na tsakhiiq henghea mirok. Kiimaq rathaiq henghea saü raüta kra mithaü baiq wan.

TRI CHONGKE 20:4

Tatiwe namshiq Shiikeawe ka namshiq rai kitlo. Kiimaq apaiq raq namshiq ma rekhat ka mitiitang kuq.’

Revelation 11:19

Kiijiishe, ngi raq ramungtan wa Shiikeawe shomjam kilü ka dito chhikang. Kiimaq Tongshong Tek kiimin shomjam mong na chhikang. Kiimiili she rachhai ralüp watrang, ramok wa trang, kiimaq hiqjong muwa trang, kiimaq tsakhiiq rokwa trang liishe chhikang.

Revelation 16:21

Tsakhiiq po jonghea hea, poshi kli tok roqbiingi ngingi kra, ra wa maiq khuthaq niishe rokrai wanto. Kra phiiptsi chang thawa tsakhiiq rok wan kra ningkhan, maiqse angu thun wiitarü raq Shiikeawe ma phanrap miishe son wanto.

PHOWEBI 5:20

Raiqsaiq thun raq ra maq khatto; ra na akhum lam maq khatto, tsangshiq raq Sisera khatto.