Ümniiraq riikhaqli shamlaü jiika, naihü hihe mirhaüwa. Shatmaq ümniiraq abi klo laü kha na, ngarai ka ümkilamda na tiipaü raüta ümnaq ka kaqho ma khetlo. Ngarai raq ümniika jamshaho dantlo. Shatmaq ngarai ka ümniiraq tang chang.”
JEREMIA 3:12 - ASII LAKDAP Bible (BSI) Apaiq raq ngi nangnga Israil phana kilaüta akha chongkuq kikiq nguta thaüto, “Sethoq nyung Israil lei, iphana jangwa nongkiq. Ngi ka mangchan heawe kiimaq khiqbi mangwe. Ngi raq ümniima pattup tsankhiq tsü ka thü mang. Hawa Naga Bible 2001 Piq rueq ngaz muex ngoc Israel kox nuex kaz vtueq, “Tvmtuing vguez Israel lex, ngaz kox nuex yek waung luit. Ngaz kuex menjenc thuinz vhttax ningkhvnc nuex thuinz tvkhaq shaungx rvmuq; ngaz kuex mnoz muex pattup khaq taungx rvmuq. |
Ümniiraq riikhaqli shamlaü jiika, naihü hihe mirhaüwa. Shatmaq ümniiraq abi klo laü kha na, ngarai ka ümkilamda na tiipaü raüta ümnaq ka kaqho ma khetlo. Ngarai raq ümniika jamshaho dantlo. Shatmaq ngarai ka ümniiraq tang chang.”
Peka ka hokham jatlaq pat na, Asiria mung Ajong Pinthum Hokhamwe ka kiraüta Israil mung ka khatto. Raüta Ijon, Abel Beth Maaka, Janoa, Kedesh, kiimaq Hajor chela thun, kiimaq Gilead wang binjü thun, Gelili wang, kiimaq Naphtali chela thun kra khatto. Raüta arthun chela wa mungmaiqse ka munglu shumwi ma Asiria mung na tsuq wanto.
Raüta Tatiwe raq tsangshiq ka apaiq makki wa jobaiq wantaq ranaiq na saüli kra ngarai ka tang wanto. Arka apaiq raq ajaqshisetiim shammibi nübok maq tsangshiq ka mijobaiqha nguta hon lam tsii chongkuqtaq kra phan phan jobaiq wanto. Krai mren Israil mungti ka re raq Asiria mung na munglu shumwi kong ma tsuq wanto. Tsangshiq ka ümchaü min kiiniili sitlo.
kra rawii ka Hoshea raq mung lang wan li maq wiitiikaü she angu na, Asiria mung ajong hokhamwe raq Samaria chela ka khat raüta jiito. Raüta apaiq raq Israilnok ka munglu shumwi kong ma Asiria mung na tsuq wanto. Raüta tsangshiq ka wiijam ka Hala chela niishe tiishongto. Kiimaq maiq wiijam ka Gojan wang na Habor Rai kii tan na tiisito. Kiimaq wiijam ka Media mung na chela thun na tiisito.
Ela se Hoshea raq Israil mung na hokham ma jawanli maq wiitsam she angu na, Ahaj se Hejekia ka Juda mung na hokham ma shongto.
“Riita ümchaü ngi raq Tatiwe Israilnok Shiikeawe rai tongshong wan ratlo nguta thapthi wankang she. Kra riihai jiitiq apaiq ka nashiq ma atsan tiikhiq mak she miraq.
Kiimaq namshiq ka Tatiwe wokhong na hali nyap wan nong han la, namphu namnotiim shumwikong ma pong mung na tsuq wantaq kriiti raq tsangshiq khuthaq na mangchan tsantsii mithii. Raüta tsangshiq ka jam na hali mitiijang wan nong. Namshiq Tatiwe namshiq Shiikeawe ka mangchan heawe kiimaq tiihang wan mangchan riimtiwe. Kiimaq namshiq ka apaiq wokhong na hali jang wan han la, apaiq raq namshiq ka awokhong na hali mitiisi wan nong.”
Shatmaq Tatiwe shrengtibi miika, apaiq lungwii pattup pat-sa siruqli misi, kiimaq apaiq mangchan ka tsangshiq ma maiqpattek tiichhiku wan ruq miraq.
Tatiwe ka tamhamhea kiimaq lungwiihea, mokhiq khiqmak phan kiimaq tiipitmak lungwii rümti.
Tatiwe ka tamham hea, kiimaq tiihanghea, mokhiq khiqmak phan kiimaq tiipitmakphan lungwiiti.
Tatiwe, ümniika naishiq ma pattup khiqruqli shea mikhiq haü? Ümtsankhiq ka walü ikha nyairuqli shea minyai?
Shatmaq, O Tatiwe lei, ümniika tiihangheawe kiimaq lungwii Shiikeawe, wranaiqshe ninwan ruq, wranaiqshe lungwiihea kiimaq tsapkapkap.
Ümniika naishiq ma ahea kiimaq naishiq mra diiketi, tiipitmaüphan lungwii ka ümjaq wa achu jaüti ma sitlo.
Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.
Tatiwe raq nguto, “Israilnok lei, namshiq raq imakki na ngarai tanglan kiimaq ikiq khiilan. Shatmaq ümchaü sanha iwokhong na jang wa rongkiq she!
Ngi raq ümngaraibu ka phumda ikha tsuqbaiqkang she. Ngi phana jang wa nongkiq; Ngi ka ümnaq chhiiti.”
Kiijiishe Tatiwe raq ngi ma nguto, “Ümniika Juda mung na chela thun kiina kilaq. Kiimaq Jerusalem na chiihea wea lam thun kiina kilaq. Laüta chiiriim laüta agiliilii maq ara itsütsa ka kiijaq chongkuq kikiq. Kiimaq nokmaiqse ma tongshong tri raütu khakuq kang kriithun ka tiitsangdada mitailaq, raüta tsangshiq raq kunkun milang wanlaq.
Shatmaq Ngi raq tsangshiq ka babaiq wanjai, Ngi raq tsangshiq ka atiihang mirwanha; Ngi raq maiq mung thun aweatek wa mungmaiqse ka tsangshiq ka maiqmii hiqshong na kiimaq maiqmiimii mung nahali mitsuq wan nongha.
Kra rii na, tsangshiq raq ngi ka atra Shiikeawe, tsangshiq Israilnok ka hiqkhu nü mung wa nai maiq mung ahin pahea na atiipinbaiqha wa triitam shea wantiwe ngutiishe mitiitum. Raütiishe tsangshiq ka tsangmung niishe mishong nga wan.”
Tatiwe raq ngutlo, “Riita maiq weshi raq tsang nyung ka amiim mirbaiq. Kiimaq kra junshu nyung ka tsangwe baiqthü raüta maiq weshi miishe miwa wan. Raüla wechüwe raq tsangnyung rom kai nong maimak she. Akha singa raüka mung ka wiita ashe shekhiq miishe mijaki. Shatmaq Israil lei, ümniika ümwesetiim maiq apawiq rai she silaü. Riita ümchaü ka ngi phana hali jang wan nong rotlaü!
“Namshiq ka maiqbomtai mannok. Jangwa rongkiq. Namshiq ka iwokhong na siti dongdii. Ngi raq namshiq phong wa chela shi wa maiq weshi shi mitsea wanha. Kiimaq awe raü ashi wa maiq ka anainai mitsea wanha. Lata ngi raq namshiq ka Jajon Pum na hali mitiijang shea wan nongha.
Israil kiimin Juda rai adam na pong wan raütiishe tsangnai ka kongshi miishe shekhu nü mung na munglu shumwi asiwa kiiwa miki raüta, ngi raq namtitiim ma pattup pat-sa miitu tachong hupsam ma akuqha mungtan kiijiishe mijang wan.”
Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.
Ümniika ngi ma pattup ka khiq maü mirhaü. Ümniika ngi rai tsankhiq bisi miili ka simaü mirhaü’ nguta ngutlaü. Israil lei, ümniiriika kiikha ngulaü. Shatmaq ümniiraq abi ngarai jaqsham ka ümchuwa ümniiraq atang tang klo wan laü.”
Ngi riika apaiq raq atinkhan ashut klowan jai she kla, ngi phaniishe mijang wan nong ahiq nguta tiima wan kang. Shatmaq apaiq ka ngi phana jang wan mak riito. Kiimaq anyino nyung sethoq nyung Juda riimin are nyung jaqsham kra wiita chhito.
Ngi ka namshiq phana mikiha lata namshiq ka mitiichhiiha. Ngi raq namshiq nyinbaiq kang mung thun kra mitiithen baiqha, shatmaq Ngi raq namshiq ka tiithenbaiq mang. Ngi raq namshiq ma mo tiihohü maq tiihang mang; shatmaq ümtiikiiwa Ngi raq namshiq ma mo mitiihokang, Ngi raq riikhaqli tri maq shinlata mo ka mitiihoha. Arka Ngi, Tatiwe raq toqtan tiikang.”
“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.
Lam na miithii thun shong laq laüta lam ka tiitsang laq; ümnaq kaiho chang lam ka rit wan nonglaq. Jangwa nong rongkiq, Israilnok lei, namshiq raq baiqthülan chela thun kiina jang wan nong ronglaq.
Ngi raq tsangshiq ka sheqkhu nü mung wa mitsuq wanha, kiimaq tsangshiq ka ratho hiqrai rarai wa mitsuq wanha. Makchukti thun kiimaq akü ashii kong thun tsangshiq rai miwadam, wiise nyung kong kiimaq ase chiiho nam namti thun min miwadam. Tsangshiq ka mung jonghea pinthum she mijang wan.
Krai mren, Ngi raq ara jamkho tiiq wan kang krai mren sii hali, Ngi raq Jakob saüse phan nai ijaqshise Dawit rai tongshong wan kang tri kra phanphan, mithü wanha. Ngi raq Dawit lai ala phan kiiwa maiq weshi kra tsea wan lata, Abraham saüse phan, Isak saüse phan, kiimaq Jakob saüse phan kra peng wan miitu tuwe mishong wanha. Ngi ka isenginok ma tiihang mangchan thü lata misi wanha. Lata tsangshiq ka thongshiri hali arong awinnok ma mitiija wanha.”
Tatiwe raq ngutlo, “Israilnok lei, namshiq ka ngi pha na jang wan nong lungwii tlan jiila, iwokhong na nyap wan nong ronglaq. Namshiq ka ipuk na nyap wan lanta, iwokhong na tsapkapkap siwan han jiila, lantea ngi raq saisi tiikang sumla phra thun kra lambaiq han jiila,
“Arningkhan, Ngi, Tati Rakaü Hiqwe raq chongtiikang ara tsangshiq ma chongkuqlaq. Ngi raq hali tsangshiq ka pongmung thun na nyinbaiq kang kriiwa adam na mirchom wan nongha. Lata Israil mung hiq ka tsangshiq ma hali mijangkuq nongha.
Tsangshiq ma chonglaq, Tengteng. Ngi, Tati Rakaü Hiqwe ka atra Shiikeawe. Ngi raq ngarai maiqse ashi tsai wan kra rosi mang. Ngi riika apaiq raq ngarai klo kra thaqbaiq raüta atra siwan kli rotiikang. Israil lei, ümniiraq abi kiimungtlaü kra thaqbaiq tlolaq. Ümniika jaram tsai wa rotlaü?
Tati Rakaü Hiqwe raq nguto, “Shatmaq ümchaü ka Ngi Jakob saüsetiim phan, Israilnok ma tiihang mangchan she mitiichhi kuqha. Lata tsangshiq ka thongshiri hali pinthum arong awinnok ma mitiija wan nongha. Ngi raq i mang chong asii kra mitiiwong wanha.
Mungmaiqse raq ngutlo, “Ai warong ra nashiq Tati wokhong na, jang wan nong rong i! Apaiq raq nashiq ma mo tiihoto, na mitsi apaiq raq miphumkuq. Apaiq raq nashiq ma mo tsihea tiihoto, apaiq raq nashiq mi ka mijop kuq, riimaksha?
“Shatmaq namsaü namsetiim riitiq tsangshiq ngarai thun nai tsangti tsangwetiim ngarai thun ka, jurwa i bom taimak, ikiq khii sru wantaq ngarai thun ka mitiidii wan.
Namtitiim pat na jamkho ngiimboq shatmaq siwantaq, kiikhii ka ümchaü naqsi rongkiq she. Man na rathup rapha pat achat niiphü, shammibi raq tsangshiq ma riisham bom maq, abi ashut ngarai rilung niili naqsi rongkiq she nguta chongkuq wanto. Shatmaq tsangshiq raq i bomchong ka taimak maq tlea raüta siwanto. Kiimaq ngi aming thun kiimin lang wan mak riito.
Kiimaq namshiq nai namsaü namsetiim ka Tatiwe wokhong na hali nyap wan nong hanla, lanta namtsan nam mongjii wiita kuq lanta ümchaü ranaiq ngi raq namshiq ma apaiq aming thun kuqtiikang ara lang han jiila,