TAKSU LAK 28:13 - ASII LAKDAP Bible (BSI)

¹³ Jurwa maiqmii ngarai, apaü raüta thütlaq, kriiti ka arilung na, achu shiiman ahü miraq. Shatmaq jurwa maiqmii mra ka, atiidii raüta miimthü tlaq, kriiti ka Shiikeawe raq, mangchan mitiichhikuq.

Hawa Naga Bible 2001

¹³ Mmvrax htenc kuex puingc pvy gay muex mnoz hunglaungx ruiux yuq, mrullungx nuex mkaq muinz lotlaungc tuiux rvmuq. Mvrax kuex kvjungc vtueq tuip gay ruiux yuq Tishox rueq mnoz muex menjenc lungwawc thuinz tvkhic kv-phux.

TAKSU LAK 28:13 Referencias Cruzadas

RAPHA HIQWA LAK 4:9

Kiijiishe Tatiwe raq Kain ma waito, “Ümno Abel ka ümbano?” Apaiq raq treto, “Ngi raq sap mang. Ngi ka ino rümtiwe shea?”

2 SAMUEL 12:13

“Ngi ka Tatiwe man na shutkang dea,” nguta Dawit raq nguto. Kiijiishe Nathan raq treto, “Tatiwe raq üm mra ka diikuqto she. Ümniika tsaimaü.

2 SAMUEL 14:32

Kiijiishe Absalom raq treto, “Ngi raq ümniika tiiheawa phata kimaü, kriikha na chaq kang. Ngi raq ümniika hokhamwe phana walaüta, ngi miitu apaiq ma bom ka: ‘Ngi ka Geshur chela baiqthü lata, arjaq jamlai miitu wa wakang? Ngi miika kiijiili sirai hajaq riiwe ka ahea riichang wa.’” Kiimaq Absalom raq bom ka akha nguto, “Ngi ka hokhamwe rai riihumwa miitu tiihongkuq laq. Kiimaq ngi ka ajiqwe dea jiika, apaiq raq ngi ka atseali mirbaiq laq.”

2 HOKHVMX 20:15

“Tsangshiq raq hokham jam na jamlai phan hup nai sam wa chhita?” “Tsangshiq raq phanrap phanrii kunli chhito. Tsamtiip thun wa ngi raq tsangshiq ma tiichhi kuq mang dea ngutiika jammin ahü.”

2 KAÜWA WERAÜ 6:26

“Kiimaq ümtiikiiwa ümsenginok raq ümmak ki na ngarai tang kha na, ümniiraq ra tiijun maü shangbaiq tlaü, kra akhing na tsangshiq raq ngarai tiidii raüta ara Shomjam nü na nyi raüta aranse ma ja raüta ümjaq wa achu jaü haüla,

EJRA 10:11

Riita, ümchaü min, namti namwi Tati Shiikeawe man na, namshiq ngarai tiidii wan ronglaq. Lanta, Shiikeawe tiichochi chang jaqsham sitlaq kra sham ronglaq. Namshiq ka namung na pongnok pongta maiqse sitlaq kra phong wa, pong na trairii lanta singa ronglaq. Kiimaq pongnok phan nyungre alam wan han nam-nyungtiim kriiri miimbaiq ronglaq.”

EJRA 10:2

Kiijiishe Elam weraü phan wa, Jehiel se Sheakania raq Ejra ma akha chongto, “Nashiq raq pongnok phan chak lam wan laita, Shiikeawe ma nashiq kamtsan tsü thü wan tiikai lamphan tri raütu kra shiithen wan kai. Li jiimin, ümchaü Israilnok ma aran chang lamlu ka ashi asi.

YOBA 31:33

Maiqwere ahinti raq tsangshiq ngarai ka apaü riilai nguta manhii wanto, shatmaq ngi raq ingarai ka ümtiikiimin paü wan mang.

YOBA 33:27

Apaiq raq nokwe man na michong, “Ngi raq ngarai tangkang dea. Ngi raq riikhaqli sham mang dea, shatmaq Shiikeawe raq ngi ka tiihang kuqto.

YOBA 34:31

Job lei, ümniiraq ümngarai ka Shiikeawe man na tiidii laüshea? kiimaq ngarai tangnong mang she nguta kiqkham kuq laüshea?

Tvtsvmc 51:10

Imongjii ka siirairai she tiijalaq, O Shiikeawe lei, laüta itsan mong na wenyi anye kiimaq ümniirai tiipumtlii siti wenyi thiikuqlaq.

TAKSU LAK 10:12

Makshu rasheti riika maiqta triitsotlo; Shatmaq lungwii tsantsii rümti riika, Shapshaü miqshii ka apaüli riitlo.

TAKSU LAK 17:9

Kongti mra diiketi raq kongti milap, Shatmaq diikuq makti riika, kongti mijobaiq.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

JEREMIA 2:35

namshiq raq ngutlan, ‘Ngi ka maiqsang la; tengteng, Tatiwe ka ngi rai tsan riikhiq mak she.’ Shatmaq Ngi, Tatiwe raq, namshiq ka mitsat ha. Jamkhano ngukla namshiq raq ngarai tanglanta nang nga tangmai dea nguta rottlan.

DANIEL 4:27

Riita kra ningkhan, Chaü lei, ngi raq tsii chongtiikang ara lang laüta silaq. Ngarai naq tangkiq she. Tingting kappe kriili lang laq. Kiimaq miitsan maiqse ka mangchan laq. Kra klo haüla, ümniika chiithe arong awin ma tiija wan ruq miraq,” nguta Daniel raq nguto.

LEWI 5:5

Ümtiikiiwa maiq ashi ra ka shuttlaq, apaiq raq maiqmii ngarai ka tiidii raa dongdii.

Jona 3:10

Shiikeawe raq tsangshiq jaqsham ka chhito. Apaiq raq tsangshiq ngarai hon atsii mra tiidii wantaq kra chhiraüta san, apaiq raq kongkhu ji maq, tsangshiq ka ashthen mea nguta tiimataq kra, aklai she riito. Tsatmak she.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

PHOWEBI 10:15

Shatmaq Israilnok raq Tatiwe ma akhiishe tiipaiqneato. “Naishiq raq ngarai tangkai dea. Ümniiraq naishiq ka jamkhii tsat-son rowa kra ümniiraq thi. Shatmaq ümchaü ranaiq naishiq ka tiichhii kuqlaq.”

1 SAMUEL 15:13

Samuel ka Saul phana kito. Riikiita apaiq raq Samuel ka akha taoto, “Samuel lei, Tatiwe raq ümniima mishman kuq laq! Ngi raq Tatiwe aming ka lang kang.”

1 SAMUEL 15:24

“Tengto. Ngi raq ngarai tangkang dea,” nguta Saul raq treto. “Ngi raq Tatiwe aming nai ümniiraq tsii achongkuq haü ka tlea kang dea. Ngi ka isengibi ma haisi khamaq tsangshiq raq achongchong kra klo kang.

1 SAMUEL 15:30

Kiijiishe, Saul raq nguto, “Ngi ka shutkang dea. Li jiimin, isengi welabi man na, kiimaq Israil mung tlotli man na, ngi ma anato ka tiichikuq laq. Ümniika ngi rai jang wan i. Kra nguraü ka, ngi raq Tatiwe üm Shiikeawe kra shomnoq pha.”