TAKSU LAK 28:12 - ASII LAKDAP Bible (BSI)

¹² Kechu maiqse raq mung peng raüla, mungmaiqse chochitlo; shatmaq wela abi raq mung peng raüla, mungmaiqse pahea, atiipaü riitlo.

Hawa Naga Bible 2001

¹² Miq hvlx jix htenc rueq luimc vkawc lvp wvnc shuex nuex, miq pumz tek vtueq lotlaungc moalx nuex nyuip lvp wuez yaq, yuq muinz vbac jix rueq guimz lawc shuex nuex miq htenc kuex kvhttuiyq rvkaz yaq.

TAKSU LAK 28:12 Referencias Cruzadas

1 HOKHVMX 18:13

Riita ümniiraq taimaü shea riilaü, Jejebel raq Tatiwe shammibi thun tsatbaiq tlaq akhing na, ngi raq tsangshiq phong wa shammibi shishi ka kongnai na triiphea lata roqbiingingi maq longsha mong na paü kang. Lata tsangshiq ma tsam nai kham tiikuq walata dungkang?

1 HOKHVMX 19:3

Kra tsütsa ka tairaüta Elija ka ahai riito. Krai mren apaiq akhum tiichhii achiimjin juhoto. Apaiq raq ajaqshi se kra sheaho raüta Juda mung na Beersheba hiq na juto. Apaiq jaqshise ka kiijaq baiqthü raüta,

2 KAÜWA WERAÜ 7:10

Kiimaq kriimaq napjai ranaiq na, kriika jipi lümiishi wa raroqnai ri ranaiqtsam ngoja ranaiq na, Solomon raq mungmaiqse ka maiqmii hiqshong niishe tiiwa baiqto. Tsangshiq tarü ka Tatiwe raq asengi Israilnok ma, Dawit ma, kiimaq Solomon ma ümtinkhan wa achu shiiman kuqtaq kra chhi raüta kai khoqriiq shishiiq miishe wawanto.

TAKSU LAK 11:10

Kechu maiqse khusang siraüla, chelati chojong chise miraq. Shatmaq mungphaqti tsai raüla, mungmaiqse ka adoqhaha michochi.

TAKSU LAK 28:28

Mungtu abiwe raq, mung peng raüla, mungmaiqse ka atiipaü miraq. Shatmaq apaiq ngacho wa dea wa jai na, kechu maiqse raq mung mipeng nong.

TAKSU LAK 29:2

Kechu maiqse raq, mung peng raüla, mungmaiqse michochi. Shatmaq mung pengti ka, abi raüla, mungmaiqse ka, aho anyi riichanchan miraq.

THARC TVLUINGC 10:16

Maiqmung ashi ma chamchao mirhum, tsangmung pengtiwe ka nosese ngu raüjaq. Kiimaq aki miikiimbi ka rawa minru, chenyang ngasiq raüjaq!

JEREMIA 36:19

Kiijiishe tsangshiq raq apaiq ma nguto, “Ümnaq nai Jeremia ka bashi ra na kilanta tiipaükai chang. Namnai ka ümbano kra maiq jumiimin naq tiihe rongkiq.”

JEREMIA 36:26

Kra raütiishe, apaiq raq Hokhamwe se Jerahmeel nangnga, Ajriel se Seraia kiimaq Abdeel se Shelemia kra shea raüta, ngi nai icherewe Barukh nainai ka lapki rongkiq nguta aming kuqto. Shatmaq Tatiwe raq nainai ka apaü raüta thüto.

JEREMIA 5:1

Jerusalemti lei, namshiq chiihea wea lam thun kiimaq juronglaq! Lantea tro tri liironglaq! maiqmii mak maq liironglaq! Kejat thung thun kra rit ronglaq! Maiq ashi ra riikhaqli jaqshamti mihumhan shea kiimaq Shiikeawe wokhong na tsapkapkap maq sila nguta shiikutti asi shea? Namshiq raq, humhan jiika Tatiwe raq Jerusalem mra ka midiikuq.

1 SAMUEL 24:11

Liilaq, iwe lei! Ara ijaq na ümsamtong jong kaü ümdü na samtlaü kiiwa ahan ha kheaphu shamtiikang ara liilaq! Ngi raq ümchaüli misebaiq lot ha wa, shatmaq ümmiisaq tiithum wan la na, ara ümsamtong ni phuse arli hankang. Riita arshejo ümniima ümtsan na mit-sitoli maq tiitsang dada thü wan chang bomtsi ka, ngi raq ümnaq hokham ngachang ka jiimang. Kiimaq ümnaq tseata ka tankhan mang. Shatmaq ümniiraq ngi ka jamlai khü akha min ahü na, atseabaiq miitu, ngamjo ngiqjo khum arum na konchi koncha jo tlaü.